bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 20
Deuteronomy 20
Kamba (MBIVILIA ŨVOO MŨSEO)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
1
“Yĩla mwathi kũkita na amaitha menyu na mũyona mbalasi na makasya ma kaũ, na asikalĩ aingĩ mbee wa ala menyu, mũikamakĩe, nũndũ Mwĩai Ngai, Ngai wenyu, ũla wamumisye nthĩ ya Misili akeethĩawa e vamwe nenyu.
2
Mũkilĩlye kwambĩĩa kũkita, mũthembi nĩoke mbee na kũneena na asikalĩ onthe.
3
Nĩamee atĩĩ, ‘Ĩthukĩĩsyei inyw'ĩ andũ ma Ĩsilaeli, ũmũnthĩ nĩmũũthi kũkita na amaitha menyu. Mũikakw'e ngoo kana kũkĩa; mũikateleme, kana kũtw'ĩka nda nũndũ woo.
4
Mwĩai Ngai, Ngai wenyu akaendanasya vamwe nenyu kaũnĩ akamũkitĩe na kũmũnenga ũsindi.’
5
“Nĩvo ĩndĩ anene ma asikalĩ makaneenaa na asikalĩ asu na kũmakũlya atĩĩ, ‘Vaa ve mũndũ ũnaminie kwaka nyũmba mĩtũkĩ, na ndanamba kũmĩvingũa? Ethĩwa ve ũmwe, nĩenũke. Alea kwĩka ũu nũtonya kũaĩwa kaũnĩ, na mũndũ ũngĩ aivingũa nyũmba ĩsu yake.
6
Vaa ve mũndũ ũnaminie kũvanda mũũnda wake wa mĩsavivũ, na ndanamba kũtanĩa ũsyao wayo? Ethĩwa ve ũmwe, nĩenũke. Alea kwĩka ũu nũtonya kũaĩwa kaũnĩ, na mũndũ ũngĩ aitanĩa ũsyao wayo.
7
Vaa ve mũndũ wĩvaĩtye mwĩĩtu na ndanamba kũmũtwaa? Ethĩwa ve ũmwe, nĩenũke. Alea kwĩka ũu, nũtonya kũaĩwa kaũnĩ, na mũndũ ũngĩ aitwaa mwĩĩtu ũsu.’
8
“O ta ũu anene asu ma asikalĩ makaneena na asikalĩ asu na kũmakũlya atĩĩ, ‘Vaa ve mũndũ ũkw'ĩte ngoo na wĩ na w'ĩa? Ethĩwa ve ũmwe, nĩenũke. Alea kwĩka ũu nũkũtuma asikalĩ ala angĩ makw'a ngoo.’
9
Anene asu mamina kũneena na asikalĩ, nĩmanyuve atongoi ma kĩla nguthu ya asikalĩ.
10
“Yĩla mwathi kũvithũkĩa ndũa, ambaai kũnenga andũ ma ndũa ĩsu mwanya wa kũseũvya mũuo nenyu.
11
Ethĩwa nĩmeetĩkĩla kũseũvya mũuo nenyu, na maimũvingũĩa mĩvĩa yoo mũlike, mũkathũkũmĩthasya na vinya andũ onthe ma ndũa ĩsu, na makamũtetheasya wĩa.
12
Ĩndĩ andũ ma ndũa ĩsu malea kwĩtĩkĩla mũseũvye mũuo namo, na mayambĩĩa kũmũkita, thyũlũlũkai ndũa ĩsu na kũkita nayo.
13
Yĩla Mwĩai Ngai, Ngai wenyu wĩmũnenga ũtonyi wa kũkwata ndũa ĩsu, mwĩũaa aũme onthe ala me nthĩnĩ wayo.
14
Ĩndĩ mwĩosa iveti, syana, ng'ombe, na syĩndũ ila ingĩ syonthe syĩ ndũanĩ ĩsu syĩthĩwe mũtavo wenyu. Nĩmũtonya kũtũmĩa syĩndũ isu syonthe mũtavĩte kuma kwa amaitha menyu; Mwĩai Ngai nũmũnengete syo.
15
Ũu nĩw'o mwĩĩkanaa na ndũa ila syĩ kũasa na nthĩ ĩla mũũlika mũtũe.
16
“Ĩndĩ yĩla mwakwata ndũa ila syĩ nthĩ ĩla Mwĩai Ngai, Ngai wenyu ũkũmũnenga yĩthĩwe ng'ũndũ yenyu, mwĩũaa syĩndũ syonthe ila syĩ thayũ ndũanĩ isu.
17
Mwĩũaa andũ onthe ala me ndũanĩ isu: Aititi, Aamoli, Akanaani, Avelisi, Aivi, na Ayevusi o tondũ Mwĩai Ngai, Ngai wenyu ũmwĩaĩĩte mwĩke.
18
Ũaai andũ asu nĩ kana maikamũmanyĩsye kwĩka maũndũ mathũku ala mekaa yĩla meũthaitha ngai syoo, na kwoou mũimũvĩtĩsya Mwĩai Ngai, Ngai wenyu.
19
“Yĩla mwathyũlũlũka ndũa vandũ va ĩvinda ĩasa mũkite nayo nĩ kana mũmĩkwate, mũikatemange mĩtĩ ya matunda ĩla yĩ ndũanĩ ĩsu. Yai matunda mayo, ĩndĩ mũikamĩtemange; mĩtĩ ĩsu ti amaitha menyu.
20
Nĩmũtonya kũtemanga mĩtĩ ĩla ĩngĩ ĩte ya matunda na kũmĩtũmĩa kwaka ngasi na itaa sya kũlĩsa nginya mũsinde andũ ma ndũa ĩsu ala mekũkita nenyu.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34