bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 22
Deuteronomy 22
Kamba (MBIVILIA ŨVOO MŨSEO)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
1
“Ethĩwa nĩwoona nzaũ kana ĩlondu ya mũndũ ũngĩ wa mbaĩ ya Ĩsilaeli yaĩte, ndũkatate kũekana nayo, ĩndĩ mũtũngĩe.
2
Ĩndĩ ethĩwa mwene wa nyamũ ĩsu ekalaa kũndũ kũasa, kana ethĩwa ndũmwĩsĩ, mĩtwae mũsyĩ kwaku. Yĩla mwene wayo wĩũka aimĩmantha, wĩmũnenga.
3
Ĩkaa ũu yĩla weethĩa ĩng'oi ya mũndũ ũngĩ wa mbaĩ ya Ĩsilaeli, kana ngũa, kana kĩndũ o na kĩva kĩla waĩtye, wakyona ndũkatate kũekana nakyo ta ũtanakyona.
4
“Ethĩwa ĩng'oi kana ng'ombe ya mũndũ ũngĩ wa mbaĩ ya Ĩsilaeli nĩyavalũka, wayona ndũkaekane nayo ta ũtanayona; mũtetheesye kũkĩlya ĩng'oi kana ng'ombe ĩsu ĩngĩ.
5
“Mũndũ mũka ndaĩlĩte kwĩkĩa ngũa sya aũme, na o ta ũu namo aũme mayaĩlĩte kwĩkĩa ngũa sya aka. Mwĩai Ngai, Ngai wenyu nũthataw'a nĩ andũ ala mekaa ũu.
6
“Ethĩwa nĩweethĩa ndala ya nyũnyi yakĩtwe nthĩ kana mũtĩnĩ, na nyũnyi ĩsu ĩyĩthĩwa ĩvw'ĩkĩe maswii kana matumbĩ, ndũkakue nyũnyi ĩsu vamwe na maswii mayo.
7
Kua maswii, na ũiekana na inyia athi. Weeka ũu maũndũ maku makaendeea nesa na ũyĩkala thayũ ĩvinda ĩasa.
8
“Yĩla waaka nyũmba nzaũ, aka ũkũta mũkuvĩ kwĩlingĩla ndeenĩ sya kĩala, nĩ kana ũndũ mũndũ ũvalũka kuma kĩalanĩ ndũkethĩwe wĩ na ĩvĩtyo ya kũaĩa mũndũ nyũmbanĩ yaku.
9
“Ndũkavandanĩsye mĩsavivũ na mbeũ ya mũthemba ũngĩ. Weeka ũu ngetha ya nzavivũ vamwe na syĩndũ ila ingĩ ũvandĩte vo, no nginya winengane syĩthĩwe sya Ngai.
10
“Mũikaĩme na nzaũ na ĩng'oi syovanĩw'e ĩsokinĩ yĩmwe.
11
“Ndũkekĩe ngũa itumĩtwe na w'ĩa ũvulanĩtw'e na ndii nzeo ndũmu.
12
“Tumĩĩaa manyenze ndiivonĩ inya sya ngũa syaku ila wĩkĩaa.
13
“Ethĩwa mũndũ nĩwatwaa kĩveti, na ĩtina wa kũmanyana kĩ-mwĩĩ nakyo ayĩthĩwa ateũkyenda,
14
na kwoou mũndũ ũsu aineena ndeto ite syaw'o ĩũlũ wa kĩveti kĩu, na kũkilĩĩla ĩvĩtyo ayasya atĩĩ, ‘Natwaie mũndũ mũka ũũ, ĩndĩ yĩla namanyanie kĩ-mwĩĩ nake, vayaĩ wonany'o wa kana ndaamanyana kĩ-mwĩĩ na mũndũ-ũme ũngĩ.’
15
“Asyai ma mũndũ-mũka ũsu nĩmose suka ũla wĩ nthakame, ũla mũndũ-ũme ũsu na mũndũ-mũka ũsu makomeie mamina kũtwaana, ta wonany'o wa kana mũndũ-mũka ũsu ndamanyanĩte kĩ-mwĩĩ na mũndũ-ũme ũngĩ. Nĩmatwae suka ĩsu makony'e atongoi ma ndũa ala me vala vombanĩawa vakuvĩ na mũvĩa wa ndũa ĩsu.
16
Nĩvo ĩndĩ ĩthe wa mũndũ mũka ũsu wĩneena na atongoi asu amee atĩĩ, ‘Nĩnanenganie mwĩĩtu wakwa atwawa nĩ mũndũ ũũ, ĩndĩ yu ndeũmwenda,
17
na nũneenete maũndũ mate maw'o ĩũlũ wake. Easya kana aimũtwaa nĩwamanyanĩte kĩ-mwĩĩ na mũndũ-ũme ũngĩ. Ĩndĩ ũũ nĩw'o wonany'o wa kana mwĩĩtu wakwa ndamanyanĩte kĩ-mwĩĩ na mũndũ-ũme ũngĩ.’ Asyai ma mwĩĩtu ũsu makatambũũkya suka ĩsu mbee wa atongoi ma ndũa.
18
Nĩvo ĩndĩ atongoi asu meosa mũndũ-ũme ũsu mamũkũne ivoko.
19
Nĩmamũĩvĩthye mbesa sya silĩva ĩana yĩmwe na mainenga ĩthe wa mũndũ mũka ũsu mbesa isu, nũndũ mũndũ-ũme ũsu nĩwĩkĩĩthĩtye mũndũ mũka Mũĩsilaeli nthoni. Ũu wĩ o vo mũndũ mũka ũsu akaendeea kwĩthĩwa mũka wa mũndũ-ũme ũsu, na ndakethĩwa atonya kũmũeka ĩvindanĩ yonthe ya thayũ wake.
20
“Ĩndĩ ethĩwa ũndũ ũsu nĩ wa w'o, na vai wonany'o kana mũndũ mũka ũsu ndamanyanĩte kĩ-mwĩĩ na mũndũ-ũme ũngĩ,
21
nĩvo ĩndĩ wĩtwawa mũomonĩ wa nyũmba ya ĩthe wake, na aũme ma ndũa ĩsu maimũkimanga na mavia nginya akw'e. Mũndũ mũka ũsu nĩwĩkĩte ũndũ wĩ nthoni katĩ wa andũ ma Ĩsilaeli kwa kũmanyana kĩ-mwĩĩ na mũndũ-ũme atanamba kũtwawa, o aendee kwĩkala mũsyĩ kwa ĩthe wake. Kwa kwĩka ũu mũkeethĩwa mwavetanga ũthũku ũsu katĩ wenyu.
22
“Ethĩwa mũndũ-ũme nĩweethĩwa aimanyana kĩ-mwĩĩ na kĩveti kya mũndũ-ũme ũngĩ, mũndũ-ũme ũsu na kĩveti kĩu no nginya moawe. Kwa kwĩka ũu mũkeethĩwa mwavetanga ũthũku ũsu katĩ wenyu.
23
“Ethĩwa mũndũ-ũme nĩwakomanĩa ndũanĩ na mwĩĩtu wĩvaĩtw'e na ũtaamanyana kĩ-mwĩĩ na mũndũ-ũme, na mũndũ-ũme ũsu aimanyana kĩ-mwĩĩ nake,
24
no nginya me elĩ matwawe mũvĩanĩ wa ndũa ĩsu na maikimangwa na mavia makw'e. Mwĩĩtu ũsu no nginya akw'e nũndũ ndaneekaya atetheew'e, o na kau anaĩ ndũanĩ vala andũ manaĩ matonya kũmwĩw'a. O ta ũu mũndũ-ũme ũsu no nginya akw'e nũndũ nĩwamanyana kĩ-mwĩĩ na mũndũ mũka mwĩvaasye. Kwa kwĩka ũu mũkeethĩwa mwavetanga ũthũku ũsu katĩ wenyu.
25
“Ĩndĩ ethĩwa mũndũ-ũme nĩwakomanĩa na mwĩĩtu mwĩvaasye nza wa ndũa na aimũkwata na vinya, mũndũ-ũme ũsu weeka ũndũ ũsu nowe waĩlĩte kũawa e weka.
26
Ĩndĩ mũikeke mwĩĩtu ũsu ũndũ; ndekĩte naĩ ĩtonya kũtuma oawa. Ũndũ ũsu nĩ ũndũ ũmwe na mũndũ kũkĩlĩla mũtũi wake na kũmũaa.
27
Mũndũ-ũme ũsu akwatĩie mwĩĩtu ũsu na vinya nza wa ndũa, na o na vala mwĩĩtu ũsu nũkayie atetheew'e, vayĩĩ mũndũ wa kũmũtetheesya.
28
“Ethĩwa mũndũ-ũme nĩwakomana na mwĩĩtu ũtaamanyana kĩ-mwĩĩ na mũndũ-ũme na ũte mwĩvaasye, na aimanyana kĩ-mwĩĩ nake kwa kũmũkwata na vinya, na mayĩthĩwa,
29
mũndũ-ũme ũsu no nginya aĩve ĩthe wa mwĩĩtu ũsu mbesa sya ngasya silĩva mĩongo ĩtano, na mwĩĩtu ũsu aitw'ĩka mũka wake, nũndũ nĩwamũkwata na vinya amanyana kĩ-mwĩĩ nake. Mũndũ-ũme ũsu ndatonya kũeka mwĩĩtu ũsu ĩvindanĩ yonthe ya thayũ wake.
30
“Mũndũ-ũme ndaĩlĩte kwĩkĩĩthya ĩthe wake nthoni kwa kũmanyana kĩ-mwĩĩ na kĩveti kya ĩthe wake.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34