bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 23
Deuteronomy 23
Kamba (MBIVILIA ŨVOO MŨSEO)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
1
“Mũndũ-ũme o na wĩva mũvakũe, kana ũtilĩtwe kũndũ kwake kwa kĩmbithĩ ndaĩlĩte kũtalwa ta ũmwe wa andũ ma Mwĩai Ngai.
2
“Mũndũ ũsyaĩwe ũlaalainĩ kana nzyawa ya mũndũ wa mũthemba ũsu kũthi kũvika nzyawa ya ĩkũmi, ndaĩlĩte kũtalwa ta ũmwe wa andũ ma Mwĩai Ngai.
3
“Mũamimoni kana Mũmoavi kana ĩmwe ya nzyawa syake kũthi kũvika nzyawa ya ĩkũmi ndaĩlĩte kũtalwa ta ũmwe wa andũ ma Mwĩai Ngai ĩvindanĩ yonthe yĩla yũkĩte,
4
nũndũ nĩmaleile kũmũnenga lĩu na kĩw'ũ yĩla mwaĩ nzĩanĩ kuma nthĩ ya Misili. O ta ũu nĩmatuvie Mbalaamu mwana wa Mbeoli kuma ndũanĩ ya Vetholi ĩla yĩ Mesovotamia nĩ kana amũumanĩe.
5
Ĩndĩ Mwĩai Ngai, Ngai wenyu ndaaĩthukĩĩsya Mbalaamu; vandũ va ũu nĩwaalyũlile kĩumo kũu kyatw'ĩka ũathimo, nĩkwĩthĩwa nĩwamwendete.
6
Mũikaaseũvye wĩw'ano wa ndũũ na andũ ma mbaĩ isu ĩvindanĩ yonthe ya thayũ wenyu.
7
“Mũikavũthye andũ ma Etomu, nũndũ nĩ andũ ma mũsyĩ wenyu. O ta ũu mũikavũthye andũ ma nthĩ ya Misili, nĩkwĩthĩwa o nenyu mwatwĩe nthĩ ĩsu yoo.
8
Nzyawa syoo nitonya kũtalwa ta amwe ma andũ ma Mwĩai Ngai kuma nzyawa ya katatũ kũthi na mbee.
9
“Mwathi kũkita na amaitha menyu, yĩla mwĩ maeemanĩ mũikaathengee kĩndũ o na kĩmwe kĩvuku.
10
Ethĩwa mũndũ-ũme ũmwe wa aũme menyu nĩweethĩwa e mũvuku nũndũ wa kumwa nĩ mbeũ syake ũtukũ, no nginya athi ũtee wa vala maeema mambĩtwe na ayĩkala vau.
11
Ĩndĩ ĩa mawĩoo nĩathambe, na syũa yathũa nũtonya kũsyoka ĩngĩ maeemanĩ.
12
“No nginya mwĩthĩwe na vandũ ũtee wa vala maeema mambĩtwe vala mũtonya kũthi yĩla mũkwenda kwĩtethya.
13
Kuaai mũo ta ũmwe wa mĩio yenyu, nĩ kana yĩla mwakwatwa nĩ vata mũkenzaa ĩima na kwĩtethesya vo, na mũivw'ĩka kĩla kyauma nthĩnĩ wenyu.
14
Ĩkalasyai maeema menyu me matheu nũndũ Mwĩai Ngai, Ngai wenyu ethiawa e vamwe nenyu maeemanĩ menyu nĩ kana amũsũvĩae na kũmũnenga ũsindi ĩũlũ wa amaitha menyu. Mwĩai Ngai ndaĩlĩte kwona kĩndũ kĩvuku kĩtonya kũtuma aeka kwĩthĩwa vamwe nenyu.
15
“Ethĩwa ngombo nĩyakĩa kuma kwa mũnene wayo na yooka kwenyu mũmĩsũvĩe, mũikamĩtũnge kwa mũnene wayo.
16
Ekanai na ngombo ĩsu ĩtũe katĩ wenyu o vala ĩkwenda ndũanĩ o na yĩva ĩla ĩkũnyuva, na mũikamĩthĩny'e.
17
“Mũndũ-ũme kana mũndũ mũka Mũĩsilaeli ndaĩlĩte kũtw'ĩka ĩlwaya ya kĩ-ũthaithi.
18
O ta ũu vai mbesa mũndũ ũkwatĩte na nzĩa ĩsu ya ũmalwaya syaĩlĩte kũtwawa nyũmbanĩ ya Mwĩai Ngai, Ngai wenyu kwondũ wa kwĩanĩsya wĩvĩto. Mwĩai Ngai nũthataw'a nĩ malwaya ma kĩ-ũthaithi, ma aka o na ma aũme.
19
“Yĩla mwakovethya mũndũ wa mbaĩ ya Ĩsilaeli tenyu mbesa kana lĩu, kana kĩndũ kĩngĩ o na kĩva, mũikose ũtandĩthyo kuma kwake.
20
Nĩmũtonya kwosa ũtandĩthyo yĩla mwakovethya mũndũ mũeni, ĩndĩ mũikose ũtandĩthyo yĩla mwakovethya mũndũ ũngĩ wa mbaĩ ya Ĩsilaeli, nĩ kana nake Mwĩai Ngai, Ngai wenyu emũathima maũndũnĩ onthe ala mũkekaa mwĩ nthĩ ĩla mũkilĩlye kũlika mũmesye.
21
“Ethĩwa nĩweevĩta kũla kwĩ Mwĩai Ngai, Ngai waku kana ũkeeka ũndũ ndũkaalee kwĩanĩsya wĩvĩto waku, nĩkwĩthĩwa akakũandũa ũndũ ũsu, naku ũyĩthĩwa wĩ na ĩvĩtyo.
22
Ĩndĩ walea kwĩvĩta ndwĩthĩawa weeka naĩ.
23
No nginya wĩanĩsye ndeto syonthe ila waneena na kanyw'a waku, nũndũ wĩthĩawa weevĩta kũla kwĩ Mwĩai Ngai, Ngai waku na ngoo ya kwenda.
24
“Yĩla wesĩla mũũndanĩ wa mĩsavivũ wa mũtũi waku, nũtonya kũya nzavivũ syonthe ila ũkwenda, ĩndĩ ndũkekĩe imwe vandũ ũkue.
25
Yĩla wesĩla mũũndanĩ wĩna lĩu wa mbaa mbeke wa mũtũi waku, nũtonya kũtw'a iia na moko, ĩndĩ ndwaĩlĩte kũketha lĩu ũsu wĩ mũũndanĩ na kavyũ ka kũketha.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34