bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 33
Deuteronomy 33
Kamba (MBIVILIA ŨVOO MŨSEO)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
1
Ũũ nĩw'o ũathimo ũla Mwose, mũndũ wa Ngai, waathimie andũ ma Ĩsilaeli naw'o atanamba kũkw'a.
2
Nĩwaneenie asya atĩĩ, “Mwĩai Ngai nĩwookie kuma Kĩĩmanĩ kya Sinaĩ; nĩwamaumĩlĩĩle kuma Etomu ta syũa, na akenea andũ make kuma Kĩĩmanĩ kya Valani. Aĩ vamwe na alaĩka ngili mbingĩ, na mwaki wakanĩte wĩ ngalĩkonĩ yake ya kw'oko kwa aũme.
3
Mwĩai Ngai nĩwendete andũ make, onthe ala mavathĩtwe methĩwe make me ũsũvĩonĩ wake. Kwoou nĩmakumanaa maũũnĩ make na kũmanyĩw'a nĩwe.
4
Mĩao ĩla Mwose watũnengie, yĩthĩwe ũtiĩwa wa andũ ma Yakovo.
5
Mwĩai Ngai nĩwatw'ĩkie mũsumbĩ wa andũ make ma Ĩsilaeli. Yĩla andũ onthe na atongoi ma mbaĩ sya Ĩsilaeli moombanĩte vamwe.”
6
Mwose nĩwaneenie ndeto ii ĩũlũ wa mbaĩ ya Lũveni: “Andũ ma mbaĩ ya Lũveni maikaakw'e mathele, ĩndĩ ũtalo wa andũ mayo wĩthĩawe wĩ mũnini.”
7
O ta ũu nĩwaneenie ndeto ii ĩũlũ wa mbaĩ ya Yuta: “Ame Mwĩai Ngai, ĩthukĩĩsye wasya wa andũ ma mbaĩ ya Yuta maikwĩkaĩla ũmatetheesye; makwatany'e ĩngĩ vamwe na andũ ma mbaĩ ila ingĩ. Mwĩai Ngai mokitĩe, na kũmatetheesya yĩla mekũkita na amaitha moo.”
8
Nĩwaneenie ndeto ii ĩũlũ wa mbaĩ ya Livai: “Nenga Alivai Thumimu, na ũinenga athũkũmi maku aĩkĩĩku Ulimu. Nĩwamatatie me Masa, na wasindana namo me kĩw'ũnĩ kya Meliva.
9
Nĩmeeie ĩthe na inyia atĩĩ, ‘Tũimũtalaa ta mwĩ asyai maitũ.’ Nĩmaleile ana-a-inyia moo, na malea syana syoo. Nĩkwĩthĩwa nĩmeekie ũndũ ndeto yaku ĩkwasya, na meanĩsya ũtianĩo waku.
10
Makamanyĩasya andũ ma Yakovo myamũlo yaku, na kũmanyĩasya andũ ma Ĩsilaeli mĩao yaku. Makathembaa ũvani mbee waku, na nthembo sya kũvĩvw'a syĩ nima kĩthembeonĩ kyaku.
11
Ame Mwĩai Ngai, nenga andũ ma mbaĩ ĩno vinya methĩwe athwii, na ũyendeew'a nĩ wĩa woo ũla matethasya. Mina amaitha moo onthe, na ndũkaaeke mokĩle ĩngĩ.”
12
Nĩwaneenie ndeto ii ĩũlũ wa mbaĩ ya Mbengyameni: “Ĩno nĩ mbaĩ ĩla Mwĩai Ngai wendete, na yĩkalaa ũsũvĩonĩ yĩ vakuvĩ nake. Nũsũvĩaa andũ ma mbaĩ ĩsu mũthenya w'onthe, na ekalaa katĩ woo.”
13
Nĩwaneenie ndeto ii ĩũlũ wa mbaĩ ya Yosevu: “Mwĩai Ngai nĩ aathime nthĩ yoo kwa kũmaetee mbua, na kũmaetee kĩw'ũ kuma nthĩ.
14
Nthĩ yoo nĩathimwe na matunda maseo vyũ ala mew'ĩthaw'a nĩ syũa, na kwĩthĩwa na matunda maingĩ ala maseo vyũ kĩla ĩvindanĩ yamo.
15
Maathime na ũsyao ũla mũseo vyũ kuma iĩmanĩ sya tene, na ũsyao mwingĩ kuma iĩmanĩ sya tene na tene.
16
Nthĩ yoo nĩyusũe syĩndũ syonthe ila nzeo, Mwĩai Ngai ũla waneenie kuma kakuthunĩ kakanĩte nĩameke nesa. Moathimo asu nĩmethĩwe mbaĩnĩ ya Yosevu, nũndũ nĩwe waĩ mũtongoi wa ana-a-ĩthe make.
17
Yosevu e na vinya ũilyĩ ta wa nzaũ ĩsyaĩtwe mbee; mbya syayo iilyĩ ta sya mboo. Mbya isu nĩ andũ ngili makũmi ma Evalaimu, na ngili mbingĩ sya andũ ma Manase. Akaitũmĩaa kũkima andũ ma nthĩ ingĩ, o na kũvika ala me kũla nthĩ ĩthelele.”
18
Nĩwaneenie ndeto ii ĩũlũ wa mbaĩ ya Nzevuluni: “Tana we Nzevuluni kumaalanĩ kwaku, naku Isakali ũitana wĩ maeemanĩ maku.
19
Makeeta andũ mambate iĩmanĩ, na me vau makathemba nthembo sya ũlũngalu. Makatanĩaa syĩndũ mbingĩ ila syumaa mokanganĩ, na mothwii ala me kĩthangathĩnĩ kĩla kĩ ũtee wa ũkanga.”
20
Nĩwaneenie ndeto ii ĩũlũ wa mbaĩ ya Ngandi: “Ngai nĩataĩwe, ũla watumie kĩsio kya nthĩ ya Ngandi kĩneneva. Ngandi oveeasya ta mũnyambũ, nĩ kana atile kw'oko kana mũtwe.
21
Andũ ma mbaĩ ya Ngandi nĩmeeyoseie nthĩ ĩla nzeo, nĩmanengiwe kĩsio kĩla kya mũtongoi. Nĩmeanĩisye mĩao na motw'ĩo ma Mwĩai Ngai, yĩla atongoi ma andũ ma Ĩsilaeli moombanĩte vamwe.”
22
Nĩwaneenie ndeto ii ĩũlũ wa mbaĩ ya Ndani: “Ndani nĩ ta mũnyambũ wa mũika, ũla ũtũlĩlaa kuma Mbasani.”
23
Nĩwaneenie ndeto ii ĩũlũ wa mbaĩ ya Navutalĩ: “Navutalĩ nĩwĩanĩwe nũndũ wa kwonewa ũseo, Mwĩai Ngai nũmũathimĩte mũno. Nthĩ yoo ĩendete kũvika ngalĩko ya ĩtheo, kuma ĩianĩ ya Kalilii.”
24
Nĩwaneenie ndeto ii ĩũlũ wa mbaĩ ya Aseli; “Mbaĩ ya Aseli nĩ ngathime mbee wa mbaĩ ila ingĩ. Ana-a-ĩthe ma Aseli nĩmendeeaw'e nĩwe, nthĩ yake nĩyĩthĩwe na ũthwii wa mĩthata.
25
Ndũa syake isũvĩawe na mĩvĩa ya kyũma, nake ayĩthĩawa ũsũvĩonĩ ĩvinda yonthe.”
26
“Andũ ma Ĩsilaeli, vai ngai ĩngĩ ĩilyĩ ta Ngai wenyu, ũla wĩsĩlaa matunĩ ũkumyonĩ wake okĩte kũmũtetheesya.
27
Ngai ũla ũtũaa tene na tene nĩwe wĩvitho wenyu, moko make ma tene na tene nĩmo ũtethyo wenyu. Nĩwe wĩlũngya mũmaitha wenyu mũendete Kanaani, ayasya, ‘Maminei vyũ!’
28
“Kwoou nzyawa sya Yakovo ĩkalai na mũuo; ĩkalaai mwĩ ũsũvĩonĩ nthĩ yusũĩte ngetha ya mbaa mbeke na ndivai; nthĩ ĩla ĩnyithaw'a nĩ ĩmwe kuma ĩtunĩ.
29
Inyw'ĩ andũ ma Ĩsilaeli mwĩ aathime, nũũ ũla ũilyĩ tenyu, andũ movoetw'e nĩ Mwĩai Ngai? Nĩwe ngao na mũtetheesya wenyu, na ũvyũ wa ũsindi wenyu. Amaitha menyu makamwĩnyivĩasya, na mũkamakinyangĩaa nthĩ.”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34