bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 17
Deuteronomy 17
Kamba (MBIVILIA ŨVOO MŨSEO)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 18 →
1
“Mũikathembee Mwĩai Ngai, Ngai wenyu ng'ombe kana ĩlondu yĩna kĩema, kana ũndũ o na wĩva mũthũku; Mwĩai Ngai nũthataw'a nĩ ũndũ ũsu.
2
Ethĩwa mũkeew'a kana ve mũndũ-ũme kana mũndũ mũka kuma ĩmwe ya ndũa syenyu ũvĩtĩsye Mwĩai Ngai, Ngai wenyu na akalea kwĩanĩsya ũtianĩo,
3
kwa kũthũkũma na kũthaitha ngai ingĩ, kana kũthaitha syũa, mwei kana ndata, ũndũ ũla Mwĩai Ngai ũvatanĩte,
4
mweew'a ũndũ ta ũsu, ũkũlĩĩlyei mũno mũũmanye. Ethĩwa nĩmwamanya nesa kana ũndũ ũsu mũthũku nĩwĩkĩkĩte nthĩ ya Ĩsilaeli,
5
nĩvo ĩndĩ mwĩosa mũndũ ũla wĩkĩte ũu mũmũtwae nza wa ndũa, na mũimũkimanga na mavia akw'e.
6
Mũndũ ũsu akooawa ethĩwa vena ngũsĩ ilĩ kana itatũ syumĩtye ũkũsĩ ĩũlũ wake. Ethĩwa ve ngũsĩ o ĩmwe mũndũ ũsu ndaĩlĩte kũawa.
7
Ngũsĩ isu nĩsyo syaĩlĩte kwĩthĩwa andũ ma mbee kũkima mũndũ ũsu na mavia, na ĩndĩ andũ ala angĩ maiendeea kũmũkimanga. Kwa kwĩka ũu, mũkeethĩwa mweevetangĩa ũndũ ũsu mũthũku.
8
“Nĩvatonyeka kũkethĩwa na makoani amwe me vinya mũno kũsilanw'a nĩ asili, kwa ngelekany'o makoani ma kũmanya kana mũndũ oaie ũngĩ na ngũlũ kana amũaie ateĩvangĩte kwĩka ũu, makoani ma kũvenana syĩndũ, kana ma kũũmĩany'a. Ũndũ ta ũsu weekĩka, endai vandũnĩ vala Mwĩai Ngai, Ngai wenyu ũnyuvĩte athaithĩawe,
9
na mũitavya athembi, ala nĩ Alivai, na mũsili ũla wĩ ĩvindanĩ yĩu ĩũlũ wa ĩkoani yĩu, namo makaumya ũtw'ĩo.
10
Makamũnengae ũtw'ĩo woo, nenyu no nginya mwĩke o ũndũ mamũtavya.
11
Ĩkai kwĩanana na ũtw'ĩo ũla mamũnenga na mũiatĩĩa ũelesyo woo o ũndũ ũilyĩ, mũte kwongela kana kũola kĩndũ.
12
Mũndũ o na wĩva ũla wĩĩthĩwa e mũng'endu na ailea kwĩw'a mũsili kana mũthembi ũla wĩ ũthũkũminĩ wa Mwĩai Ngai, Ngai wenyu no nginya oawe. Kwa kwĩka ũu, mwĩĩthĩwa mwavetanga ũthũku ũsu kuma nthĩ ya Ĩsilaeli.
13
Nĩvo ĩndĩ kĩla mũndũ wĩĩw'a maũndũ asu na aikwatwa nĩ w'ĩa na kwoou vai mũndũ ũngĩ wĩĩtĩkĩla kwĩthĩwa e mũng'endu.
14
“Mwamina kũlika nthĩ ĩla Mwĩai Ngai, Ngai wenyu ũkũmũnenga na kũmĩmesya, o vamwe na kũtũa nthĩnĩ wayo, na mũisũanĩa mwone kana nĩmwaĩlĩte kwĩthĩwa na mũsumbĩ o ta mbaĩ ila ingĩ imũthyũlũlũkĩte,
15
mũndũ ũla mũũnyuva ethĩwe mũsumbĩ wenyu no nginya ethĩwe e ũla Mwĩai Ngai ũnyuvĩte. No nginya ethĩwe e ũmwe wa andũ menyu; mũikanyuve mũndũ mũeni ethĩwe mũsumbĩ wenyu.
16
Mũsumbĩ ndaĩlĩte kwĩthĩwa na mbalasi mbingĩ kwondũ wa asikalĩ make, na ndaĩlĩte kũtũma andũ mathi nthĩ ya Misili kũthooa mbalasi, nũndũ Mwĩai Ngai nĩwaĩtye kana vai ũmwe wa andũ make waĩlĩte kwĩsa kũsyoka nthĩ ĩsu.
17
Mũsumbĩ ndaĩlĩte kwĩthĩwa na iveti mbingĩ, nũndũ ũu ũkatuma aeka kũatĩĩa Mwĩai Ngai; o na ndaĩlĩte kwĩthĩwa e na silĩva na thaavu mwingĩ mũno.
18
Mũsumbĩ ambĩĩa kũsumbĩka, no nginya aandĩke ĩvukunĩ yake mĩao ya Ngai kuma ĩvukunĩ yĩla yiĩtwe nĩ athembi, ala nĩ Alivai.
19
No nginya akekalaa e na ĩvuku yĩu vakuvĩ na aiyĩsomaa matukũnĩ onthe ma thayũ wake, nĩ kana emanyĩsye kwĩthĩwa na kĩkĩo kya Mwĩai Ngai, na kũatĩĩa na kĩthito mĩao ĩsu yonthe na motw'ĩo.
20
Ũndũ ũsu ũkatumaa mũsumbĩ atesilya kana nĩwe mũseo kwĩ andũ ala angĩ onthe ma Ĩsilaeli. O ta ũu ũkatumaa aatĩĩa mĩao ya Mwĩai Ngai maũndũnĩ onthe. Nĩvo ĩndĩ mũsumbĩ ũsu wĩsumbĩka vandũ va myaka mingĩ, na o ta ũu nzyawa syake iisumbĩka andũ ma Ĩsilaeli vandũ va myaka mingĩ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34