bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 16
Deuteronomy 16
Kamba (MBIVILIA ŨVOO MŨSEO)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
1
“Lilikanaai mwei wa mbee ũla wĩtawa Avivu na kũtanĩa Mboka ya Vasaka ya Mwĩai Ngai, Ngai wenyu kwondũ wa kũmũnenga ndaĩa, nũndũ ũtukũnĩ ũmwe mweinĩ ũsu nĩwamumisye nthĩ ya Misili.
2
Mũkaendaa vandũnĩ vala Mwĩai Ngai, Ngai wenyu wĩnyuva athaithĩawe na kũthemba mwĩ vau ĩmwe ya ng'ombe, mbũi kana ĩlondu yĩthĩwe nthembo ya Vasaka kwondũ wa kũmũnenga ndaĩa.
3
Yĩla mũũya lĩu ũsu, mũikaye mũkate ũuĩtwe wĩ mwĩkĩe mbota. Vandũ va mĩthenya mũonza, mũkaĩsaa mĩkate ĩuĩtwe ĩte mbĩkĩe mbota o ũndũ mweekie yĩla mwaumaa nthĩ ya Misili mwĩkalaatĩte. Yai mĩkate ĩsu ĩla ĩketawa mĩkate ya mathĩna nĩ kana ĩvindanĩ yonthe yĩla yũkĩte mwĩthĩawe mũililikana mũthenya ũla mwaumie nthĩ ya Misili, kũla mwekalaa mwĩ ngombo.
4
Vandũ va mĩthenya mũonza vai mũndũ o na ũmwe ũla wĩ nthĩ yenyu waĩlĩte kwĩthĩwa e na mbota ya kũua mĩkate nyũmba kwake. Nyama sya nyamũ ĩla yũaiwe mũthenyanĩ wa mbee ĩa mawĩoo, iikatialw'e ivikye kĩoko mũthenya ũla ũatĩĩe.
5
“Mũikaumĩsye nthembo ya Vasaka ndũanĩ ĩla mũkwenda katĩ wa ila Mwĩai Ngai, Ngai wenyu ũkũmũnenga;
6
ĩndĩ myumĩsyei vala Mwĩai Ngai wĩnyuva vethĩwe vandũ vake va kũthaithĩwa. Umĩsyai nthembo ya Vasaka vau ĩa mawĩoo syũa yamina kũthũa, saa o ila mwaumie nthĩ ya Misili.
7
Uai nyama isu na kwiya mwĩ vandũnĩ vala Mwĩai Ngai, Ngai wenyu wĩnyuva, na ĩndĩ ũnĩ ũsu kwakya mũisyoka maeemanĩ menyu.
8
Vandũ va mĩthenya thanthatũ yai mĩkate ĩuĩtwe ĩte mbĩkĩe mbota na mũthenyanĩ wa mũonza mũyũmbana mũthaithe Mwĩai Ngai, Ngai wenyu. Mũthenyanĩ ũsu mũikatethasye wĩa.
9
“Talai syumwa mũonza kuma mũthenyanĩ ũla mwambĩĩa kũketha ngetha ya mbaa mbeke,
10
na ĩndĩ mũitanĩa Mboka ya Ngetha, kwondũ wa kũmũnenga Mwĩai Ngai ndaĩa, kwa kũmumĩsya nthembo yumĩtw'e na ngoo ya kwenda kwĩanana na ũndũ ũmũathimĩte.
11
Tanai mwĩ mbee wa Mwĩai Ngai, Ngai wenyu vandũnĩ vala ũnyuvĩte athaithĩawe. Tanai inyw'ĩ, syana syenyu, athũkũmi menyu ma aũme na ma aka, Alivai, aeni ala matwĩe katĩ wenyu, syana ndiwa na aka ndiwa ala matwĩe ndũanĩ syenyu.
12
Mũikolwe kana mwaĩ ngombo yĩla mwaĩ nthĩ ya Misili, na kwoou ĩanĩsyai motw'ĩo asu na kĩthito.
13
“Mwamina kũvũa ngetha yenyu ya mbaa mbeke na kũviva nzavivũ syenyu, tanĩai mboka ya Tũsũmba twa Matũ vandũ va mĩthenya mũonza.
14
Tanĩai mboka ĩsu mwĩ na syana syenyu, athũkũmi menyu ma aũme na ma aka, Alivai, aeni ala matwĩe katĩ wenyu, syana ndiwa na aka ndiwa ala matwĩe ndũanĩ syenyu.
15
Nengai Mwĩai Ngai, Ngai wenyu ndaĩa kwa kũtanĩa mboka ĩsu vandũ va mĩthenya mũonza vandũnĩ vala Mwĩai Ngai ũnyuvĩte athaithĩawe. Tanai nũndũ Mwĩai Ngai, Ngai wenyu nũathimĩte ngetha yenyu na wĩa wenyu ũla mũtethasya.
16
“Aũme onthe ma Ĩsilaeli no nginya mokae mavinda atatũ kwa mwaka kũthaithĩa Mwĩai Ngai vandũnĩ vala ũnyuvĩte athaithĩawe: Ĩvindanĩ ya Mboka ya Vasaka, Mboka ya Ngetha na Mboka ya Tũsũmba twa Matũ. No nginya kĩla mũndũ-ũme aendae akuĩte kĩndũ kya kumĩsya Mwĩai Ngai:
17
Kĩla ũmwe no nginya aetee Mwĩai Ngai, Ngai wenyu mũthĩnzĩo kwĩanana na ũndũ ũmũathimĩte.
18
“Nyuvai asili na atongoi angĩ kwondũ wa kĩla mbaĩ yenyu kuma ndũanĩ syenyu syonthe ila Mwĩai Ngai, Ngai wenyu ũkũmũnenga. Andũ asu nĩmatw'ĩĩae andũ sila wa katĩ.
19
Maikethĩwe me andũ mataatĩĩaa sila wa katĩ kana kwendeesya ngalĩko ĩmwe yĩla mekũsilany'a andũ. Maiketĩkĩle ĩtuvi nĩ kana mendeesye mũndũ, nũndũ ĩtuvi ya mũthemba ũsu nĩyĩvw'ĩkaa metho na kũtuma mũndũ mũĩ kana mũlũngalu anengane sila ũte wa w'o.
20
Atĩĩaai sila wa katĩ wĩ w'oka nĩ kana mũendee kwĩkala thayũ, na mũimesya nthĩ ĩla Mwĩai Ngai, Ngai wenyu ũkũmũnenga.
21
“Yĩla mwaseũvya kĩthembeo kwondũ wa Mwĩai Ngai, Ngai wenyu mũikenzĩle ũtee wakyo kĩtuĩ kya mũtĩ kĩthĩwe wonany'o wa ĩla ngai yĩtawa Aseli.
22
O na mũikenzĩle kituĩ kya ĩvia kwondũ wa kũthaitha ngai sya mĩvw'anano. Mwĩai Ngai nũmenete syĩndũ isu.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34