bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Deuteronomy 21
Deuteronomy 21
Kamba (MBIVILIA ŨVOO MŨSEO)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 22 →
1
“Ethĩwa mũndũ nĩweethĩwa e mũae avalũkĩte kĩthekanĩ, nthĩ ĩla Mwĩai Ngai, Ngai wenyu ũkũmũnenga mũmesye, na ũla ũmũaĩte ayĩthĩwa atesĩkĩe,
2
atongoi menyu na asili nĩmathi makathime ũasa wa kuma vala mwĩĩ wa mũndũ ũsu weethĩwa kũthi kũvika ndũanĩ ila syĩ vakuvĩ.
3
Nĩvo ĩndĩ atongoi ma ndũa ĩla yĩ vakuvĩ vyũ na vala mwĩĩ wa mũndũ ũsu wũaĩtwe weethĩwa menyuva moi itaatethya wĩa, na ĩtaaovwa ĩsokinĩ.
4
Nĩmatheesye moi ĩsu vandũ mwandanĩ wĩ kalũsĩ kena kĩw'ũ kĩvĩtĩte, na vataaĩmwa kana kũvandwa, na me vau nĩmatũle ngingo ya moi ĩsu.
5
Athembi ala nĩ ana ma Livai o namo nĩmaĩlĩte kũthi vo, nũndũ Mwĩai Ngai, Ngai wenyu nũmanyuvĩte mamũthũkũmae na kũneenaa ndeto sya kũathima andũ ĩsyĩtwanĩ yake. O ta ũu nĩmo maĩlĩte kumya ũtw'ĩo ĩũlũ wa makoani onthe ma mũndũ eeka ũngĩ naĩ.
6
Nĩvo ĩndĩ atongoi ma kuma ndũanĩ ĩla yĩ vakuvĩ vyũ na vala mwĩĩ wa mũndũ ũsu weethĩwa methambĩa moko moo ĩũlũ wa moi ĩsu yatũlwa ngingo,
7
na mayasya atĩĩ, ‘Tũinaaũaa mũndũ ũũ, o na tũineeona ũla ũnamũaie.
8
Ame Mwĩai Ngai ĩtĩkĩla nthembo ĩno kwondũ wa ũekeo wa naĩ na ũiekea andũ maku ma Ĩsilaeli ala wavoetye. Ndũkamatalĩle ĩvĩtyo ya kũaa mũndũ ũte na ĩvĩtyo.’ Naĩ ya kũaa mũndũ ũsu yĩĩthĩwa yaekewa.
9
Kwa kwĩka ũu mwĩĩthĩwa mwavetanga kuma kũla mũĩ ĩvĩtyo ya kũaa mũndũ ũte na ĩvĩtyo, nũndũ nĩmweeka ũndũ ũla waĩlĩte mbee wa Mwĩai Ngai.
10
“Yĩla mwathi kũkita na amaitha menyu na Mwĩai Ngai, Ngai wenyu aimũnenga ũsindi, na mũitava amwe moo,
11
na ũmwe wenyu ayona andũnĩ asu mũndũ mũka mwanake na ayendeew'a nĩ kũmũtwaa,
12
mũndũ ũsu nĩamũtwae mũsyĩ kwake. Nĩvo ĩndĩ mũndũ mũka ũsu wĩenza mũtwe wake na ayela mbwaa syake.
13
O ta ũu nĩakũany'e ngũa syake na ayĩkala mũsyĩ kwa mũndũ ũsu ethĩwe na ĩvinda ya kyeva ya mwei ũmwe kwondũ wa asyai make. Ĩtina wa ũu mũndũ ũsu nũtonya kũmũtwaa.
14
Ĩtina wa ĩvinda ĩna ethĩwa mũndũ ũsu ndanendeew'a nĩ mũndũ mũka ũsu, nĩamũnenge mwanya wa kũthi kũla ũkwenda. Ndakamũthoosye kana kũmũkua ta ngombo, nĩkwĩthĩwa nĩwamanyanie kĩ-mwĩĩ nake na vinya.
15
“Ethĩwa mũndũ e na iveti ilĩ, na ayenda kĩveti kĩmwe mbee wa kĩla kĩngĩ, na iveti isu syelĩ iimũsyaĩa twana twa tũvĩsĩ, ĩndĩ kana kala kasyaĩtwe mbee kayĩthĩwa ke ka kĩveti kĩla ũtendete,
16
yĩla mũndũ ũsu wĩambĩĩa kũaanĩsya syana syake syĩndũ, ndaĩlĩte kwĩthĩwa e na kyende kwa mwana wa kĩveti kĩla wendete, kwa kũmũnenga syĩndũ sya mwana ũla ũsyaĩtwe mbee.
17
No nginya anenge mwana ũla ũsyaĩtwe mbee kũndũ kwĩlĩ kwa syĩndũ syake, o na kau nĩ mwana wa kĩveti kĩla ũtendete. Mũndũ-ũme no nginya etĩkĩle mwana wake ũla ũsyaĩtwe mbee na kũmũnenga kĩlungu kĩla waĩlĩte kũnengwa.
18
“Ethĩwa mũndũ e na mwana mbaa matũ na mũng'endu ũtew'aa ĩthe na inyia wake, na o ta ũu ũtamethukĩĩasya o na yĩla meũmũkany'a,
19
ĩthe na inyia wake no nginya mamũkwate na kũmũtwaa mbee wa atongoi ma ndũa yake vala vombanĩawa vakuvĩ na mũvĩa wa ndũa ĩsu.
20
Nĩvo meneena na atongoi asu mamee atĩĩ, ‘Mwana ũũ waitũ nĩ mbaa matũ na nĩ mũng'endu. Ndatwĩw'aa, nĩ mũyi na nĩ mũthengi.’
21
Nĩvo ĩndĩ aũme onthe ma ndũa ĩsu memũkimanga na mavia akw'e, na kwoou mũyĩthĩwa mwavetanga ũthũku ũsu wume katĩ wenyu. Andũ onthe ma Ĩsilaeli makeew'a ũndũ ũla wĩkĩkie na maikwatwa nĩ w'ĩa.
22
“Ethĩwa mũndũ nĩwooawa nũndũ wa kwĩka ĩvĩtyo na mwĩĩ wake ũisũw'a mũtĩnĩ,
23
mwĩĩ ũsu ndwaĩlĩte kũekwa wĩkale vau ũtukũ mũima. No nginya mwĩĩ ũsu ũthikwe mũthenyanĩ ũla mũndũ ũsu wooawa, nũndũ mũndũ ũla ũsũaw'a mũtĩnĩ ethĩawa e mũumanĩe nĩ Ngai. Thikai mwĩĩ ũsu nĩ kana mũikavukye nthĩ ĩla Mwĩai Ngai, Ngai wenyu ũkũmũnenga yĩthĩwe ng'ũndũ.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34