bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Isaiah 30
Isaiah 30
Luganda (BIBU1) (BIBULIYA ENTUKUVU)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
1
“Zibasanze, abaana abajeemu,” Omukama y'agamba, “abatuukiriza entegeka sso nga si yange, abakola emikago naye nga si ku lwa Mwoyo wange, ne mutuuma ebibi ku bibi;
2
abatambula ne muserengeta e Misiri nga temunneebuuzizzaako, abaddukira eri Faraawo abakuume, abanoonya obwewogomo mu kittuluze kya Misiri.
3
Naye obukuumi bwa Faraawo bulibafuukira ensonyi, n'ekittuluze kya Misiri kiribafuukira obuswavu.
4
Newandibadde abakungu bo bali mu Zowani, n'ababaka bo nga batuuse e Kanesi,
5
bonna bagenda kuswazibwa olw'okubeera abantu abatayinza kubagasa, abatabayamba yadde okubaganyula, okuggyako okubaleetera ensonyi n'okuweebuuka.”
6
Obubaka ku bisolo by'omu Negevu: Nga bayita mu nsi ey'ennaku n'obuyinike, ey'empologoma enkazi n'ensajja, ey'amasalambwa n'amabuukizi, obugagga bwabwe ababaka babutisse ku migongo gy'endogoyi, n'amakula gaabwe ku mabango g'eŋŋamiya, bagatwalira nnyini eggwanga eritabaliimu muganyulo,
7
babitwala mu Misiri obuyambi bwe omutali nsa; kyenva mmuyita 'Rakabu-Nnantaganyula'!
8
Kale nno, gendayo, okibawandiikire ku kipande, kiwandiike mu kitabo, kibeere bujulizi gye bulijja emirembe n'emirembe.
9
Kubanga bano bantu bajeemu, baana balimba, abaana abataagala kuwuliriza njigiriza ya Mukama;
10
bagamba abalabi nti: “Mulekere awo okulabikirwa”, n'abalanzi nti: “Temutulangira bituufu; mutubuulire bisanyusa; mutubuulire bya kwefaanaanyiriza.
11
Lino ekkubo mulireke, muve mu bukubo buno; mutuggyirewo Omutuukirivu wa Yisirayeli.”
12
N'Omutuukirivu wa Yisirayeli kyava agamba nti: “Kubanga ng'ekigambo kino mukigaye, ne musuubirira mu kukola obubi ne mu bulyake, ne mwesiga ebyo,
13
kale nno ekibi kino kiribabeerera ng'ekisenge ekiwanvu ekibomole, ekibunduukiridde, ekinaagonnomoka amangu ddala.
14
Kiryatika ng'ensumbi ne kimulungukira ddala, ne wabulawo n'akatundu kaakyo akasangibwa okukuŋŋaanyizaako amanda okuva ku kyoto, yadde akaggyo okusenesa amazzi okuva mu luzzi.”
15
Omukama Katonda, Omutuukirivu wa Yisirayeli, kino ky'agamba: “Mu kweddamu ne mu butebenkevu mwe mulirokolerwa; mu busirise ne mu bwesige mwe muliba amaanyi gammwe; naye mmwe temwakyagala.”
16
Wabula mwagamba nti: “Nedda! Tujja kuddukira ku mbalaasi.” Kale ggwe mulidduka! Era nti: “Tugenda kwebagala mbalaasi eziwenyuka.” N'olw'ekyo n'ababagoba bagenda kubeera bawenyusi.
17
Olukumi lugenda kudduka ng'omu yekka y'ababoggoledde, ate abataano bwe balibaboggolera mugenda kudduka, okutuusa lwe mulisigala ng'omulongooti ku ntikko y'olusozi, ng'ebendera ku kasozi.
18
Sso nno Omukama abalindirira abasaasire; kyava asituka abasaasire, kubanga Omukama ye Katonda ow'obwenkanya; beesiimye bonna abamulindirira.
19
Mmwe abantu abali mu Siyoni, ababeera mu Yeruzaalemu, temukyaddayo kukaaba; tewali kubuusabuusa agenda kubasaasira bwe mulisaba okubajuna; amangu nga yaakawulira okulaajana kwammwe agenda kubaanukula.
20
Newandibadde Omukama abaleetera ennaku ng'ekyokulya, n'obuyinike ng'ekyokunywa, kyokka Omuyigiriza wammwe taliddayo kwekisa, n'amaaso gammwe mulimulaba.
21
Oba mukyukidde ku ddyo oba ku kkono, amatu gammwe galiwulira eddoboozi emabega wammwe nga ligamba nti: “Lino lye kkubo, mwe muba mutambulira.”
22
Olwo mulijaajaamya ebifaananyi bya balubaale ebisaanuuse bye mwasiigako ffeeza wammwe n'ebyo ebimaaleko zaabu. Mugenda kubisuula eri ng'ebiwero ebijama, nga mubirangiriza nti: “Muddire eri!”
23
Alitonnyesa enkuba ku nsigo zo z'onoobanga osize mu ttaka, n'emmere eribala mu ttaka eriba nnyingi nga ya mwero. Ku olwo amagana go galiriira mu malundiro ageetadde.
24
N'ente n'endogoyi ezikabala ettaka zinaalyanga essubi erirungemu omunnyo erimaze okwanjalibwa n'ekiwabyo n'ekkabi.
25
Ate ku buli lusozi olugulumivu ne ku buli kasozi akawanvu, kunaabangako emyala gy'amazzi egikulukuta, ku lunaku olw'okusanjaga okunene, eminaala lwe girigwa.
26
Ekitangaala eky'omwezi kiriba ng'eky'enjuba, ate eky'enjuba kirigejja emirundi musanvu okwenkana ekitangaala eky'ennaku omusanvu, ku lunaku Omukama lw'alisiba ebiwundu by'abantu be, n'awonya n'obuvune bw'abatuusizzaako.
27
Mulabe, erinnya ly'Omukama lijja nga liva ewala, n'obusungu obubuubuuka, ne mu kire ky'omukka ekikwafu; emimwa gye gijjudde obusungu, n'olulimi lwe, muliro ogusenkenya.
28
Omukka gw'assa guli ng'omugga ogubimba, ogutumbiira okutuuka ku bulago. Akuŋŋunta amawanga mu lugali olw'okuzikiriza; assa mu mba z'amawanga eddobo erigawabya.
29
Muliyimba ng'abali mu kiro omukuzibwa embaga enkulu, ng'emitima gijaganya ng'abambuka olusozi lw'Omukama nga bafuuwa endere, ku lwazi lwa Yisirayeli.
30
N'Omukama aliwuliza abantu eddoboozi lye ery'obuyinza; alibalaga omukono gwe nga gukka wansi, mu busungu obukambwe n'omuliro ogusenkenya, n'eggulu eribwatuka, kikuŋŋunta n'omuzira.
31
Eddoboozi ly'Omukama liritekemula Assuri, alimukuba n'omuggo ggwe.
32
Ate buli lukuba Omukama lw'alibakubanga n'omuggo gwe ogubonereza, luligenderanga ku nvuga y'ebide n'ennanga; alirwanyisa mu ntalo ng'omukono gwe agusitudde.
33
Tofeti yategekebwa dda, yategekebwa dda olwa kabaka. Ekinnya ky'enkoomi kyongeddwako obuwanvu n'obugazi, omuliro n'enku biri mu bungi; omukka gw'Omukama oguli ng'engezi y'ekibiriiti, gwe gunaakikuma.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66