1 Chronicles 20

Nepali 2008 - (सरल नेपाली पवित्र बाइबल)

← Chapter 19 Jump to: Chapter 21 →

1अर्को बसन्‍त ऋतुमा जब राजाहरू लडाइँमा जाने समय आयो, योआबले सेना लिएर गए र अम्‍मोन देशमाथि आक्रमण गरे। दाऊद राजाचाहिँ यरूशलेममा नै बसे। तिनीहरूले रब्‍बा सहरलाई घेरे, त्‍यसमाथि हमला गरे र त्‍यसलाई ध्‍वस्‍त पारे।

2अम्‍मोनी देवता मिल्‍कोमको शिरमा एउटा सुनको मुकुट थियो, जसको ओजन प्राय: पैंतीस किलोग्राम थियो। त्‍यसमा एउटा रत्‍न जडिएको थियो। दाऊदले त्‍यो मुकुट लिएर आफ्‍नै शिरमा लाए। तिनले सहरबाट धेरै लुटका सामान पनि लिए।

3सहरका मानिसहरूलाई तिनले कैदमा लिए र तिनीहरूलाई आरा, फलामका कोदाला र बन्‍चरोहरू लिएर काम गर्न लाए। अम्‍मोनका अरू सहरका बासिन्‍दाहरूसित पनि उनले त्‍यसै गरे। त्‍यसपछि आफ्‍ना सेनासित उनी यरूशलेम फर्के।

4फेरि पछिबाट पलिश्‍तीहरूसित गेजेरमा लडाइँ भयो। त्‍यस लडाइँमा हूशातीका सिब्‍बकैले एउटा सिप्‍पै नाम गरेको दैँत्‍यजस्‍तालाई मारे र पलिश्‍तीहरूको हार भयो।

5पलिश्‍तीहरूसित अर्को लडाइँ भयो। याईरको छोरो एल्‍हानानले गातका गोल्यतको भाइ लहमीलाई मारे। लहमीको भालाको डन्‍डा तानको डन्‍डाजत्तिकै मोटो थियो।

6अर्को लडाइँ गातमा भयो। त्‍यहाँ हात र खुट्टामा छ-छ वटा औँला भएको एउटा दैँत्‍यजस्‍तो मानिस थियो। त्‍यो प्राचीनकालका दैँत्‍यहरूजस्‍ताको सन्‍तान थियो।

7त्‍यसले इस्राएलीहरूलाई धम्‍की दियो र दाऊदको दाजु शिमेअको छोरो जोनाथनले त्‍यसलाई मारे।

8दाऊद र उनका मानिसहरूले मारेका यी तीन जना गातका रफाका दैँत्‍यहरूजस्‍ताका सन्‍तान थिए।

← Chapter 19 Jump to: Chapter 21 →

Recommended Reading

Commentary 1 Chronicles Commentaries → Devotional 1 Chronicles Devotional Guide → Get This Bible Nepali - (सरल नेपाली पवित्र बाइबल) Study Bible →