bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 10
2 Kings 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 11 →
1
Samaria markachömi Acabpa qanchis chunka (70) tsurinkuna kaykäyarqan. Tsaymi cartakunata Jehú apatsirqan tsay markachö kaykaq autoridäkunaman, mayor runakunaman y Acabpa tsurinkunata wätaqkunamanpis. Tsay cartakunachömi nirqan:
2
«Qamkunam rey Acabpa tsurinkunata wätaykäyanki. Tsaynöllam qamkuna tsaraykäyanki caballunkunata, guërra carrëtankunata y armankunatapis. Tsaynöllam pipis mana atacayäshunaykipä murallashqa markachö kaykäyanki. Kay cartata chaskiskir
3
Acabpa tsurinkunapita mas allin kaq jövinta rey kananpä churayay. Tsaypitana alistakuyay payta defiendiyänaykipä».
4
Tsay cartata liyiskirnam mantsarirnin kikinkunapura niyarqan: «Ishkay reykunatapis vinciykarqa ¡noqantsiktapis mana mayayllachi vincimäshun!»
5
Tsaynö nirmi palaciuchö administraq, marka autoridäkuna, mayor runakuna y Acabpa tsurinkunata wätaqkuna Jehúman willakatsir niyarqan: «Noqakunaqa podernikichömi kaykäyä. Manam mayqantapis churayäshätsu rey kananpä. Podernikichöna kaykäyaptïqa yarpanqaykinö ruraykullay».
6
Tsaynö niptinmi Jehúqa cartata yapay apatsir nirqan: «Rasunpa noqapa podernïchö kayta munarqa y ninqäkunata rasunpa rurayta munarqa rey Acabpa tsurinkunapa umankunata waray kaynö höra Jezreelman apayämuy». Acabpa qanchis chunka (70) ollqu tsurinkunaqa tsay markachö täraq mas respitashqa runakunapa poderninchömi kayarqan.
7
Cartata yapay chaskiskirnam rey Acabpa ollqu tsurinkunata wanutsiyarqan. Tsaypitanam canastaman umankunata wiñarkur Jezreel markaman apatsiyarqan.
8
Chaykätsiyaptinmi Jehúta juk runa nirqan: «Rey Acabpa tsurinkunapa umankunatam chätsiyämushqa». Tsaynö niptinmi Jehú nirqan: «Tsay runakunapa umankunata marka punku yaykunaman ishkay muntunta muntunaskir waray wärayyaq dëjaykuyätsun».
9
Waraynin wäraynam Jehúqa marka punkuman aywaykur tsaychö qorikaq runakunata nirqan: «Mandamaqnintsik rey wanunanpä manam qamkunatsu jutsayuq kaykäyanki, sinöqa noqam. Peru ¿pirä kay qanchis chunka (70) runakunata wanutsishqa?
10
Imanö kaptinpis Acab casta kaqkunapä Tayta Diospa profëtan Elías willakunqannöllam llapanpis cumpliykan».
11
Tsaypitam Acabpa castankunata Jezreel markachö llapanta wanutsir Jehú usharqan. Tsaynöllam Acabpa yanapaqninkunata, kuyanakuyanqan amïgunkunata y pay churanqan sacerdötikunatapis llapanta ushakätsirqan. Manam ni jukllayllatapis kawaykaqtaqa dëjarqantsu.
12
Tsaypitanam Samaria markata atacananpä Jehú päsarqan. Tsayman aywar mitsikuqkunapa majädan Bet-equedman charmi
13
Judá nacionpa mandaqnin rey Ocozíaspa castankunata tarirqan. Paykunatam tapur nirqan: «Qamkunaqa ¿pitä kaykäyanki?» Paykunanam niyarqan: «Taytay, noqakunaqa rey Ocozíaspa castankunam kaykäyä. Rey Acabpa tsurinkunata y reina Jezabelpa wamrankunata watukayänäpämi aywaykäyä».
14
Tsaynö niyaptinmi yanapaqnin runakunata Jehú nirqan: «¡Paykunata tsariyämuy!» Tsaymi ninqannölla tsariskir pözu lädunman apaykur llapanta wanutsiyarqan. Kawaykaqta mana dëjaypam chusku chunka ishkay (42) runakunata wanutsiyarqan.
15
Tsaypita päsarnam Recabpa tsurin Jonadabwan tinkurqan. Tsaynö tinkurninmi Jehúqa tapurqan: «¿Favorniki kanqänöku qampis favornï kaykanki?» Tsaynö tapuptinmi Jonadab nirqan: «Awmi taytay, qampa favornikim kä». Tsaymi Jehú nirqan: «Tsaynö karqa makikita qomay». Jonadab makinta qoptinnam Jehúqa carrëtanman yarkatsir
16
nirqan: «Aku aywashun Tayta Diosta llapan shonqüwan sirvinqäta rikanaykipä». Tsaynö niskirmi ishkan aywayarqan.
17
Samaria markaman chaykurmi Jehúqa Acab casta kaqta llapanta wanutsirqan. Tsaynö wanutsirqan profëta Elíasta Tayta Dios ninqannöllam.
18
Tsaypitanam marka runakunata qoriskir Jehú nirqan: «Baalta Acab adoranqanpita masrämi noqaqa Baalta adorashä.
19
Tsaymi Baalpä atska sacrificiukunata rupatsinäpä shamurqü. Noqawan sacrificiukunata rupatsiyänanpä Baalta sirviq llapan profëtakunata, sacerdötikunata y payman llapan yärakuq runakunata qayatsiyämuy. Baalta sirviq kaqkuna pipis mana shamuptinqa wanutsishqam kanqa». Tsaynö llullaparmi Jehúqa qayatsirqan Baalta adoraq kaqkunata llapanta wanutsinanpä.
20
Tsaypitam runakunata nirqan: «Baalpä fiestata rurar sacrificiukunata rupatsinantsikpä shumaq willanakuyay». Niptinmi shumaq willanakuyarqan.
21
Tsaypitanam entëru Israel nacionchö willakatsiptin tsaytsika runakuna tsay fiestapä chäyarqan. Baalpa templunchöpis runakuna pasaypa kichkiyparämi qorikäyarqan.
22
Baalta adoraqkuna llapanpis tsaynölla röpata jatikuyänanta munarmi templu cuidaq runakunata Jehú nirqan: «Baalta adoraqkuna jatikuyänanpä templunchö churaraykaq röpata jipiyämuy». Tsaynö niptinmi churaraykaq röpakunata jatikuyänanpä jipiyämurqan.
23
Tsaychö runakuna qorikashqa kaykäyaptinmi Jehúwan Jonadabpis Baalpa templunman yaykuyarqan. Tsaypitam Jehú nirqan: «Baalta adoraqkunalla kaychö kayay. Pipis Tayta Diosta adoraqkuna kaychö kayaptinqa llapanta qarquyay».
24
Baalta adorar sacrificiukunata rupatsiyänanpä templunman llapan runakuna yaykuskiyaptinnam Jehúqa templu ñöpankunaman puwaq chunka (80) soldädukunata churar yätsirqan: «Templu rurinchö kaykaq runakunata wanutsiyänaykipämi makikikunaman llapanta churamurqü. Mayqanpis qeshpiyaptinqa kikikikunam wanutsishqa kayanki».
25
Sacrificiuta rupatsiyta ushaskiyaptinnam templu ñöpanman churanqan soldädukunata Jehú nirqan: «Templuman yaykur llapanta wanutsiyay». Tsaynö niptinmi Jehú churanqan soldädukunaqa Baalpa templunman yaykur llapanta espädankunawan wanutsiyarqan. Tsaypitam ayakunata jukläman jitayarqan. Tsaypitanam templu rurichö kaq cuartuman yaykuykur
26
sagrädu rumita jipiskir rupatsiyarqan.
27
Sagrädu rumita rupaskatsirmi Baalpa templuntapis juchutsir ushayarqan. Tsaypitam tsay templuqa runakuna ishpakuyänanpä kananyaqpis raqällana kaykan.
28
Tsaynö wanutsir Jehú ushaskiptinmi Israel nacionchö pipis Baalta adorayarqannatsu.
29
Baalpa templunta ushakätsirpis Bet-elchö y Danchö kaykaq qoripita rurashqa torïtukunataqa Jehú manam ushakätsirqantsu. Tsaynöpam Nabatpa tsurin Jeroboam Israel runakunata jutsata ruratsinqannö jutsata ruratsirqan.
30
Jehútam Tayta Dios nirqan: «Qamqa Acab casta runakunata wanutsir allitam rurarquyki. Tsaynö ruranqaykipitam Israel nacionpa trönunchö qampita miraqkuna chusku generacionyaq rey kayanqa».
31
Peru tsaynö nikaptinpis Israel runakunata Jeroboam jutsata ruratsinqannöllam Jehúpis jutsata ruratsirqan. Tsaynöpam Israel runakunata kuyaq Tayta Diospa mandamientunkunata cumplirqantsu.
32
Tsay witsanmi Siria nacionpa mandaqnin rey Hazaelta Tayta Dios yanaparqan Israel runakunapa markankunata y chakrankunata qechunanpä.
33
Tsaymi qechurqan Jordánman rupay yarqamunan kaq läduchö kaykaq llapan Galaad partita. Galaadchöqa Gad trïbu, Rubén trïbu y Manasés trïbu runakuna chaskiyanqan herenciankunam karqan. Tsaynöllam qechurqan Arnón mayu lädunchö kaykaq Aroer markapita Galaad y Basán partipa lindërunyaq.
34
Jehú imata ruranqanpis llapanmi Israel nacionpa mandaqnin reykunapa acta librunchö qellqashqa kaykan.
35
Jehú wanuskiptinmi Samaria markaman pampayarqan. Paypa trokinnam tsurin Joacazna rey karqan.
36
Israel nacionchö rey Jehú ishkay chunka puwaq (28) watam Samariapita mandarqan.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25