bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 7
2 Kings 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
1
Tsaynö niptinmi Eliseo nirqan: «Tayta Diosmi nin: «Waray junaqmi kaynö höra Samaria marka punkuchö qanchis kïlu jarinata rantikuyanqa juk qellayllachö. Tsaynöllam chunka pitsqa kïlu cebäda jarinatapis rantikuyanqa juk qellayllachö».
2
Reyta yanapaq runanam profëta Eliseuta nirqan: «Ciëlu punkuta kichaskir bendicionninta Tayta Dios mandamuptinpis ¡imanötä tsayqa kanqa!» Eliseunam nirqan: «Ninqäta mana criyinqaykipitam rikarpis mikunkitsu».
3
Tsay tardim leprawan qeshyaykaq chusku runakuna marka yaykuna punkuchö jamaraykäyarqan. Paykunam parlar niyarqan: «Janantsikchöna wanuy kaykaptinqa ¿imatatä kanan rurashun?
4
Markachö pasaypa hambrüna kaykaptinqa tsayman yaykur wanushunchi. Y kayllachö jamararpis wanushunchi. Imanö kaptinpis Siria soldädukunapa campamentunman yaykushun. Mana wanutsimashqaqa kawashunchi. Wanutsimashqaqa jina wanutsishqachi kashun».
5
Tsaynö willanakuskirmi patsa tsakanaykaptin Siria soldädukunapa campamentunman aywayarqan. Tsayman chäyänanpäqa manam pipis kanätsu.
6
Manarä chäyaptinmi Siria soldädukunata Tayta Dios wiyapakatsirqan carrëtakunawan caballukunawan tsaytsika soldädukuna atacayänanpä yaykuykaqta. Tsaynö wiyapakurmi Siria soldädukuna yarpäyarqan heteo soldädukunata y Egipto soldädukunata Israel nacionpa mandaqnin rey yanapayänanpä minkakuptin yaykuykäyanqanta.
7
Tsaymi toldunkunata, caballunkunata y ashnunkunata jaqiriykur wanuyta mantsar tsay tsakay qeshpir aywakuyarqan.
8
Leprawan qeshyaykaq runakunam campamentuman chaykur juk tolduman yaykur tariyanqan kaqta mikuyarqan y upuyarqan. Tsaynöllam qellaytapis, qoritapis röpatapis tariyanqan kaqta jukläman apaykur pakayarqan. Tsaynöllam kutiykur juk toldumanna yaykuskir jukaq toldupita apayanqannölla apakuyarqan.
9
Tsaynö apaykäyanqanchömi yarpachakuskir ninakuyarqan: «Kikillantsikpä aparqa llutantam ruraykantsik. Campamentuchö pipis mana kanqanta ras willakushun. Warayyaq mana willakurqa jutsayuqmi kashun. Campamentuchö pipis mana kanqanta reyta ras musyatsishun».
10
Willanakuyanqannö aywarmi marka punku cuidaq runakunata qayaykur willayarqan: «¡Siria soldädukunapa campamentunchö manam pipis kantsu! ¡Caballunkuna y ashnunkunallam wataraykäyan! ¡Toldunkunapis shäritsiyanqannöllam kaykan!»
11
Paykuna willakuyanqanta punku cuidaq runakuna willakuskiptinnam palaciuchö kaykaq runakunapis musyayarqan.
12
Tsayta musyaskirmi punuykanqanpita shäriskir capitanninkunata rey nirqan: «Siria soldädukunaqa pasaypa mallaqaypita wanunaykanqantsikta musyarmi campamentunkunapita jukläman pakakuyashqa kanqa. Yarqushqaqa tsariykamarnintsikmi markantsikman yaykayämunqa».
13
Juk capitannam nirqan: «Rikapakayämunanpä pitsqaq runakunata mandashun. Paykuna aywayätsun quëdaq kaq pitsqa caballuntsikkunata muntakurkur. Llapantsik wanunantsikpäna kaykaptinqa rikapakuqkunata Siria soldädukuna wanutsiyaptinpis imanäshunnatä».
14
Tsaynö willanakuskirmi runakunata rey mandarqan caballu qarachanqan ishkay carrëtakunawan rikapakuq aywayänanpä.
15
Tsay rikapakuq aywaqkunaqa Jordán mayuyaq aywaykurmi shumaq rikapakayämurqan. Tsaymi Siria soldädukuna qeshpir röpakunata y imatapis dëjayanqanta nänichö tariyarqan. Tsaypita kutiykurmi reyta willayarqan llapan rikayanqanta.
16
Tsaymi Samaria markapita runakuna aywaykur Siria soldädukunapa campamentunpita imaykatapis tariyanqan kaqta apakuyarqan. Tayta Dios ninqannöllam qanchis kïlu jarinata y chunka pitsqa kïlu cebäda jarinatapis juk qellayllachö rantikuyarqan.
17
Runakuna markapita yarqur campamentuman aywayaptinmi mas yärakunqan runata rey churarqan marka punkuta cuidananpä. Markapita tanqanakurrä yarqurmi tsaychö ichiraykaq runata kumaskir lamqur wanuskatsiyarqan. Tsaynö päsananpämi wayinman rey aywaykaptin profëta Eliseo nirqan.
18
Reytam profëta Eliseo nishqa karqan: «Waray junaq kaynö höram Samaria marka punkuchö qanchis kïlu trïgu jarinata y chunka pitsqa kïlu cebäda jarinata juk qellayllachö rantikuyanqa».
19
Tsaytsika mikuy kananpä niptinmi wanuq capitán nishqa karqan: «Ciëlu punkuta kichaskir bendicionninta Tayta Dios mandamuptinpis ¡imanötä tsayqa kanqa!» Tsaynö niptinmi Eliseo nirqan: «Ninqäta mana criyinqaykipitam rikarpis mikunkitsu».
20
Eliseo ninqannöllam marka punkuchö runakuna jaruptin tsay runa wanurqan.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25