bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 4
2 Kings 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Juk profëtapa viüdanmi profëta Eliseuta nirqan: «Taytay, runämi wanukushqa. Musyanqaykinöpis Tayta Diosta mantsapakurmi payqa kawarqan. Runä kawaykaptinmi jaqa tukuyarqä. Tsay jaqan kayanqä runam kanan cobrakuq shamushqa. Tsaymi päganäpä imäpis mana kaptin jaqan kayanqäpita ishkan wamräta sirviqnin kayänanpä apakuyta munan».
2
Eliseunam nirqan: «¿Imatatä ruräman qamta yanapanäpä? Mä nimay. ¿Imallaykitä wayikichö kan?» Tsaynö niptinmi viüda nirqan: «Taytay, wayïchöqa manam imäpis kantsu. Ichik uylluchö aceitillämi kaykan».
3
Eliseunam nirqan: «Ayway llapan vecïnuykikunapita aykatapis puëdinqaykiyaq jäkuq uyllukunata mañakamuy.
4
Tsaypitana wamraykikunawan wayikichö wichqakurkur mañakamunqayki uyllukunaman aceitita wiñanki. Cada uylluman juntayllanta jukläman churanki».
5
Tsaynö yätsiskiptinmi warmiqa wayinman wamrankunawan yaykuskir wichqakayämurqan. Tsaychömi jäkuq uyllukunata wamrankuna makyayaptin aceiti juntayllanta jukläman churarqan.
6
Llapan uyllukunaman juntaskiptinnam jukaq wamranta nirqan mas uyllukunata apananpä. Jäkuq uyllukuna manana kanqanta willayaptinmi tikwaptinpis aceiti karqannatsu.
7
Tsaypitanam profëta Eliseuman aywaykur warmi willarqan llapan uyllukuna juntana kanqanta. Tsaynö willaptinmi Eliseo nirqan: «Tsay aceitita rantikuskir jaqaykita pägakuy. Sobraq kaq qellaynam gastuykikunapä kanqa».
8
Juk junaq profëta Eliseo Sunem markapa päsaykaptinmi tsaychö täraq juk rïca warmi qayatsirqan wayinchö mikunanpä. Tsaypitam imaypis tsaypa päsar tsay warmipa wayinman Eliseo mikunanpä chaq.
9
Tsaymi tsay warmi runanta nirqan: «Cada vezlla wayintsikman chämuq runaqa Tayta Diospa santu profëtanmi kaykan.
10
Watukamaqnintsik chämuptin patsatsinantsikpä wayi jananchö juk cuartuta rurashun. Tsaychö alistashun cämata, mësata, sïllata y chiwchitapis».
11
Tsaypita juk kutichömi tsay alistanqan cuartuman patsakur
12
sirviqnin Giezita Eliseo nirqan: «Wayiyuq doña sunamitata qayamuy». Qayaptinmi Eliseo patsaranqan kaqman tsay warmi aywarqan.
13
Eliseunam Giezita nirqan: «Wayiyuq warmita niy: «Alli chaskiyämanqaykipita ¿imachö yanapashunaykitatäshi munanki? ¿Mandaq reytakush o soldädukunapa mandaqnin capitantakush yanapashunaykipä mañakamunqa?» Eliseo ninqannö Giezi niptinmi warmi nirqan: «Päkillä, taytay. Marka mayïkunawan alli kawaptïmi imapis faltämantsu».
14
Warmi ninqanta Giezi willaptinmi Eliseo tapurqan: «Tsaynö kaptinqa ¿imachötä yanapashwan?» Tsaynö tapuptinmi Giezi nirqan: «Paypa wamrankuna manam kantsu y runanpis rukunam».
15
Eliseunam «qayamuy» nirqan. Qayaptin aywarmi warmiqa cuartu punkullachö ichiskirqan.
16
Tsaymi Eliseo nirqan: «Watan kaynö witsan wamrayki marqashqanam kaykanki». Tsaynö niptinmi warmi nirqan: «Taytay, Tayta Diospa profëtan kaykarqa ama tsaynö llullapämaytsu».
17
Eliseo ninqannöllam watanninpäqa tsay warmi ollqu wamrata qeshyakurqan.
18
Tsay wamra wiñarkurnam juk junaq papänin peonninkunawan trïguta segaykanqanman chaykur
19
illaqpita qayararqan: «¡Ay, umallä! ¡Umämi nanan!» Tsaymi wamrapa papäninqa juk sirviqninta qayaykur nirqan: «Wamräta maman kaqman apay».
20
Tsaymi sirviqninqa wamrata aparikurkur maman kaqman aparqan. Maman millqaraykaptinmi pullan junaq wanuskirqan.
21
Tsaymi warmiqa profëta patsakunan cuartuman apaykur cäma jananman sutaykurqan. Yarqaskamurmi punkuta wichqaskirqan.
22
Tsaypitam runanta qayaskir nirqan: «Juk sirvimaqnintsik shamutsun ashnuta qatikurkur. Tayta Diospa profëtan kaqpita raslla kutiskamushä».
23
Tsaynö niptinmi runan nirqan: «Llullu killapis manarä kaykaptin ni jamay junaqpis manarä kaykaptin ¿imaqtä profëta kaqpa aywanki?» Tsaynö niptinmi warmi nirqan: «Imanö kaptinpis raslla kutiskamushä».
24
Tsaymi sillanqan ashnuta muntakurkur sirviqninta nirqan: «Ras aywanantsikpä ashnuta janchay. Ichïnaykipä mana niptïqa maychöpis ama ichinkitsu».
25
Tsaynö nirmi profëta Eliseo täranqan Carmelo jirkaman aywayarqan. Karullatarä aywaykaqta reqiskirmi Eliseo sirviqnin Giezita nirqan: «Sunemchö täraq warmim shamuykan.
26
Cörrilla aywar taripaykur tapunki: «¿Imanötä runaykiwan wamrayki kaykäyan?» Taripaykur tapuptinmi warmi nirqan: «Allillam kaykäyan».
27
Eliseo kaqman chaykurnam tsay warmi chakipita makallakurkurqan. Giezi sutayta munaptinmi Eliseo nirqan: «Dëjay. Payqa pasaypa llakishqam kaykan. Tayta Dios manam tantiyatsimashqatsu imapita llakishqa kanqantapis».
28
Warminam nirqan: «Taytay, wamrä kananpä mana mañakuykaptïmi «wamrayki kanqam» nimarqayki. Tsaynö nimaptikim nirqä: «Tayta Diospa profëtan kaykarqa ama llullapämaytsu».
29
Eliseunam Giezita nirqan: «Tseqllaykita chachaq wachakäkuskir tukrüta aptakurkur ras ayway. Nänichö piwanpis tinkur ama saludankitsu ni saludashuptikipis ama chaskinkitsu. Chaykur wamrapa cäranman tukrüta ras churanki».
30
Eliseutanam wamrapa maman nirqan: «Taytay, kikiki mana aywaptikiqa ni imata nimaptikipis manam kutishätsu».
31
Tsaynö niptinmi Eliseupis paywan aywarqan. Giezinam cörrilla puntaskir wamrapa cäranman tukruta churarqan. Tsaynö churaptinpis wamraqa manam kawamurqantsu. Mana kawamuptinmi Gieziqa Eliseo kaqman aywaykur nirqan: «Wamra manam kawamuntsu».
32
Patsakunan cuartuman Eliseo yaykunanpämi cämanchö wamraqa wanushqa sutaraykänä.
33
Tsaymi yaykuskir punkuta wichqaskamur Tayta Diosta mañakurqan.
34
Tsaypitam wanushqa wamrapa jananman lätaykur shiminta töpatsirqan wamrapa shiminman, ñawinta töpatsirqan wamrapa ñawinman y makinkunata töpatsirqan wamrapa makinkunaman. Tsaynö töpatsiptinmi tsay wanushqa wamra qoñuyta qallaykurqan.
35
Tsaymi Eliseuqa shäriskir kayläpa wakläpa purikachaskir wamra jananman yapay lätaykurqan. Tsaynö ruraptinmi wamraqa qanchis kuti wishqakuskir kawaskamurqan.
36
Tsaymi Giezita mandarqan wamrapa mamanta qayamunanpä. Maman yaykuskiptinmi nirqan: «Wamraykita apakuyna».
37
Tsaymi warmiqa agradëcikur Eliseupa puntanman qonqurikuykurqan urkunpis patsaman töpanqanyaq. Tsaypitanam wamranta marqakurkur cuartupita yarqurqan.
38
Tsaypitanam Gilgalman Eliseo kutikurqan. Tsay witsanmi pasaypa hambrüna karqan. Juk junaqmi profëta mayinkunawan kaykar sirviqninta nirqan: «Profëtakunawan mikunantsikpä jatun mankawan kusinakamuy».
39
Tsaymi juk profëta caldupä jacha ashiq chakrapa aywarqan. Puriykanqanchö calabäsu niraqta tariskirmi millqaynin juntata aparqan. Tsayta chaykatsirmi mikunanpä alli kanqanta yarpar ichishaqllaman ikiskir mankaman wiñarqan.
40
Kusinakunqanta yawarkurnam profëtakuna mantsakashqa Eliseuta niyarqan: «¡Taytay profëta, kayqa venenashqam kaykan!» Tsaynö nirmi mikuyarqannatsu.
41
Tsaymi Eliseo nirqan: «Jarinata apayämuy». Apapaykuyaptinmi mankaman wiñarqan. Tsaypita yapay qarakuyaptinmi mikuy ayarqannatsu.
42
Tsaypitanam Baal-salisapita juk runa chätsirqan punta poquq cebädapita ruranqan ishkay chunka (20) tantata. Tsaynöllam taliganwan aparqan tsayrä cosechanqan trïgutapis. Tsaymi sirviqninta Eliseo nirqan: «Profëta mayïkuna mikuyänanpä chätsimunqan mikuyta qaray».
43
Peru sirviqninmi nirqan: «¿Imanöpatä pachak (100) runakunapäqa kay wallkalla mikuyta aypätsishä?» Niptinmi Eliseo nirqan: «Wallkalla kaptinpis qaray. Tayta Diosmi nimashqa llapan mikuptinpis sobrananpä kanqanta».
44
Tsaynö niptinmi sirviqninqa profëtakunata qararqan. Tayta Dios ninqannöllam llapan mikuptinpis tsay mikuykuna sobrarqan.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25