bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 22
2 Kings 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 23 →
1
Josías puwaq watayuq kaykarmi Judá nacionchö rey kayta qallaykurqan. Payqa kimsa chunka juk (31) watam Jerusalénpita mandarqan. Mamanpa jutinmi Jedida karqan. Payqa Boscat markapita Adaíapa wamranmi karqan.
2
Josíasqa unay castan Davidnömi Tayta Dios munanqannö imaypis kawarqan.
3
Chunka puwaq watana rey kaykarmi Azalíapa tsurin Safánta rey Josías templuman mandarqan. Safánqa Josíaspa secretariun y Mesulampa willkanmi karqan. Templuman mandarmi Safánta Josías nirqan:
4
«Templuman chaykur mandaq sacerdöti Hilcíasta niy: «Tayta Diospa templunchö punku cuidaq runakuna qoriyanqan qellayta qoriskirshi
5
encargädu runakunata entreganki paykuna templuta shumaq allitsatsiyänanpä.
6
Paykuna tsay qellaywan carpintërukunata y albañilkunata pägayätsun. Qeruta y llaqllashqa rumitapis rantiyätsun.
7
Tsay encargädu runakunata ama cuentata mañankitsu imachö qellayta gastayanqantapis. Paykunaqa honrädu runakunam kayan». Rey Josías ninqannöllam Safánqa llapanta nirqan.
8
Juk kutichömi secretariu Safánta mandaq sacerdöti Hilcías nirqan: «Tayta Diospa templunchömi leyninkuna qellqashqa kaq libruta tarirqü». Tsaynö willar makyaptinmi Safán liyirqan.
9
Liyiskirnam Safánqa rey kaqman aywaykur nirqan: «Nimanqaykinömi qellayta qoriskir encargädu runakunata entregayashqa templuta allitsatsiyänanpä».
10
Tsaypitanam nirqan: «Mandaq sacerdöti Hilcíasmi templuchö tariykur kay libruta apamushqa». Tsaynö willarmi tsay libruta liyiparqan.
11
Tsaynö liyipaptinmi reyqa pasaypa mantsakar röpantapis rachirqan.
12
Tsaypitam sacerdöti Hilcíasta, Safánpa tsurin Ahicamta, Micaíaspa tsurin Acborta, secretariun Safánta y yätsiqnin Asaíasta nirqan:
13
«Kay libruchö qellqashqa leykunata manam noqantsikpis ni unay castantsikkunapis cäsushqatsu ni cumplishqatsu. Tsaynö mana cumplinqantsikpita quizasmi Tayta Dios pasaypa rabyar castigamäshun. Tayta Diosta tapukayämuy noqapä, Israel nacionchö quëdaq runakunapä y kay nacionnintsikchö kaq runakunapäpis».
14
Tsaynö mandaptinmi Hilcías, Ahicam, Acbor, Safán y Asaías aywayarqan Salumpa warmin profetïsa Huldaman tapukuq. Huldapa runan Salumqa Ticvapa tsurin y Harhaspa willkanmi karqan. Tsaynöllam Salumqa templuchö röpakunata cuidaq karqan. Huldaqa runanwan Jerusalénpa lädun mushuq barriuchömi täyarqan.
15
Tapukuptinmi Hulda nirqan: «Israel runakunata kuyaq Tayta Diosmi nin: «Mandamushuqniki runaman kutiykur ninqäkunata willar niyay:
16
Liyipäshunqayki libruchö castiganäpä ninqänöllam kay markachö täraqkunata castigar kay markatapis ushakätsishä.
17
Paykunaqa mana cäsumarmi juk dioskunapä sacrificiukunata rupaykätsiyan. Tsaynö kayanqanpitam pasaypa rabyar mana kuyapaypa castigashä».
18
«Tayta Diosta tapukunanpä mandamushuqniki reyman kutiykur willayanki: «Tsay libruchö qellqashqa kaykaqta cäsunqaykipitam Israel runakunata kuyaq Tayta Dios nin:
19
Kay marka y kay markachö täraqkuna ushakätsishqa kayänanpä kanqanta musyar llakikunqaykitam y mantsapakunqaykitam rikarqü. Tsaynöllam röpaykikunata rachir waqanqaykita rikarqü.
20
Tsaymi kawanqaykiyaqqa kaychö täraq runakunata castigashätsu. Wanuskiptikinam unay castaykikuna pamparäyanqanman pampayäshunki». Profetïsa Hulda tsaynö ninqantam mandanqan runakuna kutiykur reyta willayarqan.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25