bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 15
2 Kings 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Ishkay chunka qanchis (27) wata Israel nacionchö Jeroboam rey kaykaptinmi Judá nacionchö Amasíaspa tsurin Azarías rey kayta qallaykurqan.
2
Mandayta qallanqan witsanmi chunka joqta watayuq kaykarqan. Payqa pitsqa chunka ishkay (52) watam Jerusalénpita mandarqan. Mamanmi Jerusalénpita Jecolías karqan.
3
Azaríasqa papänin Amasíasnömi Tayta Dios munanqannö kawarqan.
4
Peru markakunachö altarkunataqa manam juchutsirqantsu. Tsay altarkunachömi sacrificiukunata imaypis rupatsiyarqan y inciensiuta qoshnitsiyarqan.
5
Tayta Dios castigaptinmi Azaríasqa leprawan wanunqanyaq qeshyarqan. Tsaynö qeshyarmi palaciupita juklächöna täraptin tsurin Jotamna mandarqan.
6
Azarías imata ruranqankunapis llapanmi Judá nacionpa mandaqnin reykunapa acta librunchö qellqashqa kaykan.
7
Azarías wanuskiptinnam Davidpa Markanchö unay castankuna pamparäyanqanman pampayarqan. Paypa trokinnam tsurin Jotamna rey karqan.
8
Azarías kimsa chunka puwaq (38) wata Judá nacionchö rey kaykaptinmi Israel nacionchö Jeroboampa tsurin Zacarías rey kayta qallaykurqan. Payqa joqta killallam Samariapita mandarqan.
9
Paypis Tayta Diosta mana cäsurmi Nabatpa tsurin Jeroboamnö y wakin unay reykunanölla Israel runakunata jutsata ruratsirqan.
10
Jabespa tsurin Salummi Ibleam markachö atacar Zacaríasta wanutsirqan. Tsaypitanam Zacaríaspa rantin rey karqan.
11
Zacarías imata ruranqanpis llapanmi Israel nacionpa mandaqnin reykunapa acta librunchö qellqashqa kaykan.
12
Zacarías rey kaykaptinmi Jehúta Tayta Dios ninqan cumplirqan. Paymi nirqan: «Israel nacionpa trönunchö qampita miraqkuna chusku generacionyaqmi rey kayanqa».
13
Kimsa chunka isqun (39) wata Judá nacionchö Uzías rey kaykaptinmi Israel nacionchö Jabespa tsurin Salum rey kayta qallaykurqan. Payqa juk killallam Samariapita mandarqan.
14
Juk killa rey kaykaptinmi Tirsa markapita Samaria markaman Gadipa tsurin Manahem chaykur Salumta wanutsirqan. Tsaypitanam Salumpa rantin rey karqan.
15
Salum imata ruranqankuna y Zacaríaspa contran shärinqanpis llapanmi Israel nacionpa mandaqnin reykunapa acta librunchö qellqashqa kaykan.
16
Manahemmi Tirsa markapita soldädunkunawan yarquskir Tifsa markata atacayänanpä aywarqan. Marka punkuta mana kichapuyaptinmi Tifsa markapita hasta Tirsa markayaq llapan runakunata wanutsiyarqan. Tsaynöllam qeshyaq warmikunatapis pachankunata qashar wanutsiyarqan.
17
Azarías kimsa chunka isqun (39) wata Judá nacionchö rey kaykaptinmi Israel nacionchö Gadipa tsurin Manahem rey kayta qallaykurqan. Payqa chunka watam Samariapita mandarqan.
18
Paypis Tayta Diosta mana cäsurmi rey kayman yaykunqanpita hasta wanunqanyaq Nabatpa tsurin Jeroboamnölla Israel runakunata jutsata ruratsirqan.
19
Manahem rey kanqan witsanmi Asiria nacionpa mandaqnin rey Pul Israel nacionman soldädunkunawan atacayänanpä chäyarqan. Atacayänanta mana munarmi Manahem pägarqan kimsa chunka kimsa waranqa (33,000) kïlu qellayta. Tsaynöllam nirqan imapis kaptin payta yanapananpä.
20
Tsaynö pägananpämi Manahemqa Israel nacionchö täraq llapan rïcukunata cobrarqan mediu kïlu qellayta. Tsay qellayta qoriskir Asiria nacionpa mandaqnin Pulta pägaykuptinmi soldädunkunawan kutikuyarqan.
21
Manahem imata ruranqanpis llapanmi Israel nacionpa mandaqnin reykunapa acta librunchö qellqashqa kaykan.
22
Manahem wanuskiptinnam paypa rantin tsurin Pekaíana rey karqan.
23
Pitsqa chunka (50) wata Judá nacionchö Azarías rey kaykaptinmi Israel nacionchö Manahempa tsurin Pekaía rey kayta qallaykurqan. Payqa ishkay watam Samariapita mandarqan.
24
Paypis Tayta Diosta mana cäsurmi Nabatpa tsurin Jeroboamnölla Israel runakunata jutsata ruratsirqan.
25
Pekaía rey kaykaptinmi soldädunkunapa capitannin karqan Remalíaspa tsurin Peka. Paymi pitsqa chunka (50) Galaad runakunawan Samariachö palaciuman yaykuykur Pekaíata wanutsiyarqan. Tsaynöllam tsaychö wanutsirqan Argobta y Arieta. Tsaypitanam Pekaíapa rantin Pekana rey karqan.
26
Pekaía imata ruranqanpis llapanmi Israel nacionpa mandaqnin reykunapa acta librunchö qellqashqa kaykan.
27
Azarías pitsqa chunka ishkay (52) wata Judá nacionchö rey kaykaptinmi Israel nacionchö Remalíaspa tsurin Peka rey kayta qallaykurqan. Payqa ishkay chunka (20) watam Samariapita mandarqan.
28
Paypis Tayta Diosta mana cäsurmi Nabatpa tsurin Jeroboamnölla Israel runakunata jutsata ruratsirqan.
29
Israel nacionchö Peka rey kaykaptinmi Asiria nacionpa mandaqnin Tiglat-pileser soldädunkunawan atacar vinciyarqan Ijón markachö täraq runakunata, Abel-bet-maacachö täraq runakunata, Janoa markachö täraq runakunata, Cedes markachö täraq runakunata, Hazor markachö täraq runakunata, Galaad partichö täraq runakunata, Galilea partichö täraq runakunata y Neftalí partichö täraq runakunatapis. Tsaypitam tsaychö täraq runakunata Asiriaman prësu apayarqan.
30
Tsaypitanam Elapa tsurin Oseasqa Remalíaspa tsurin Pekapa contran shärir wanutsirqan. Tsaypitanam Pekapa rantin rey karqan. Tsayqa karqan Uzíaspa tsurin Jotam ishkay chunka (20) wata Judáchö rey kaykaptinmi.
31
Peka imata ruranqanpis llapanmi Israel nacionpa mandaqnin reykunapa acta librunchö qellqashqa kaykan.
32
Ishkay wata Israel nacionchö Remalíaspa tsurin Peka rey kaykaptinmi Judá nacionchö Uzíaspa tsurin Jotam rey kayta qallaykurqan.
33
Mandayta qallanqan witsanmi ishkay chunka pitsqa (25) watayuq kaykarqan. Payqa chunka joqta watam Jerusalénpita mandarqan. Mamanmi Sadocpa tsurin Jerusa karqan.
34
Jotamqa papänin Uzíasnömi Tayta Dios munanqannö kawarqan.
35
Paymi Tayta Diospa templun jana waqtan murällapa punkunta churatsirqan. Peru markakunachö altarkunataqa manam juchutsirqantsu. Tsay altarkunachömi sacrificiukunata imaypis rupatsiyarqan y inciensiuta qoshnitsiyarqan.
36
Jotam imata ruranqanpis llapanmi Judá nacionpa mandaqnin reykunapa acta librunchö qellqashqa kaykan.
37
Jotam rey kanqan witsanmi Siria nacionpa mandaqnin rey Rezínta y Remalíaspa tsurin Pekata Tayta Dios mandarqan Judá nacionta atacayänanpä.
38
Jotam wanuskiptinmi Davidpa Markanchö unay castankuna pamparaykäyanqanman pampayarqan. Paypa trokinnam tsurin Acazna rey karqan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25