bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 3
2 Kings 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 4 →
1
Josafat chunka puwaq wata Judá nacionchö rey kaykaptinmi Israel nacionchö Acabpa tsurin Joram rey kayta qallaykurqan. Payqa chunka ishkay watam Samariapita mandarqan.
2
Tayta Diosta mana cäsurmi Joramqa jutsata rurarqan. Peru papänin y maman jutsata rurayanqanpita mënusmi jutsata rurarqan. Tsaymi Baalta adorananpä papänin ichïtsinqan juytu rumikunata jitatsirqan.
3
Tsaynö karpis Nabatpa tsurin Jeroboam Israel runakunata jutsata ruratsinqannömi Jorampis jutsata ruratsirqan.
4
Moab nación runakunapa mandaqnin reymi Mesa karqan. Paypaqa atskam üshankuna karqan. Israel nacionpa mandaqnin reypa poderninchö karmi payqa cada wata entregaq pachak waranqa (100,000) üshakunata y pachak waranqa poqushqa carnërukunapa millwanta.
5
Rey Acab wanuskiptinnam Israel nacionpa mandaqnin reypa contran shärirqan.
6
Tsaymi rey Joram Samaria markapita aywar llapan Israel soldädukunata guërraman aywayänanpä qorirqan.
7
Tsaypitam Judá nacionpa mandaqnin rey Josafatman mandarqan ninanpä: «Moab nacionpa mandaqninmi conträ shärishqa. Paywan pelyaq aywaptï ¿manatsurä yanapamankiman?» Tsaynö niptinmi rey Josafat nirqan: «Soldädükunawan y caballükunawan yanapanäpä listum kä».
8
Tsaymi tapur nirqan: «¿Mayqan nänipatä aywashun?» Joramnam nirqan: «Edomman aywaq tsunyaq nänipam aywashun».
9
Tsaynö parlaskirnam Israel nacionpa, Judá nacionpa y Edom nacionpa mandaqnin reykuna contrankunata atacayänanpä soldädunkunawan guërraman aywayarqan. Qanchis junaq tsunyaqpa puriyämuptinmi soldädunkunapäpis y ashmankunapäpis yaku karqannatsu.
10
Tsaymi Joram nirqan: «¡Kayrächi kayllaqa! ¡ Tayta Diosmi kimsantsikta kayman pushamarquntsik Moab nación runakuna wanutsimänantsikpä!»
11
Tsaynö niptinmi Josafat tapurqan: «¿Manatsurä Tayta Diospa profëtan noqantsikwan aywaykan tapukunantsikpä?» Tsaynö niptinmi rey Jorampa juk capitannin nirqan: «Safatpa tsurin Eliseum noqantsikwan aywaykan. Payqa profëta Elíaspa discïpulunmi».
12
Tsaymi Josafat nirqan: «Payqa Tayta Dios yarpanqantam willamäshun». Tsaynö niptinmi Israel nacionpa mandaqnin rey Joram, Judá nacionpa mandaqnin rey Josafat y Edom nacionpa mandaqnin reypis Eliseo kaqman ras aywayarqan.
13
Chaykuptinmi rey Joramta Eliseo nirqan: «Papäniki y mamayki yärakuyanqan llulla profëtakunaman aywanaykipa rantin ¿imata ashirtä noqaman shamurquyki?» Tsaynö niptinmi Joram nirqan: «Moab nacionta atacanantsikpä Tayta Dios niptinmi tsay profëtakunaman tapukuq aywayänäpa rantin qamman shayämurqü. Tsaynö kaptinpis Moab nación runakuna wanutsiyämänanpämi ëllu kayman Tayta Dios pushayämashqa».
14
Niptinnam Eliseo nirqan: «Llapanta mandaq Tayta Diospa sirviqnin karmi nï: Judá nacionpa mandaqnin rey Josafat kaychö mana kaptinqa qamta manam rikayllapis rikämantsu.
15
Tayta Diosta tapukunäpä arpa tukaqta pushamuy». Arpata tukapaykaptinmi Tayta Dios Eliseuta tantiyatsirqan imata ninanpäpis.
16
Eliseunam nirqan: «Tayta Diosmi nimantsik: «Kay pampachö yaku juntananpä atska zanjakunata uchkuyay.
17
Mana vientuptinpis y mana tamyamuptinpis qamkuna y ashmaykikuna upuyänanpämi kay entëru pampachö yaku yurinqa.
18
Tsay milagruqa kanqa Tayta Dios poderösu kanqanta musyayänaykipämi. Tsaynöllam pay yanapayäshunki moabita soldädukunata wanutsiyänaykipä.
19
Paykunata vincirmi murallashqa jatusaq markakunatapis ushakätsiyanki. Tsaynöllam früta muntikunatapis mutur ushayanki y yaku pözukunatapis pampar ushayanki. Tsaynöllam chakrankunamanpis rumikunata qotuyanki».
20
Eliseo ninqannöllam waraynin wäray Tayta Diospä sacrificiuta rupatsinan höra Edom lädupita yaku illaqpita shamur qorikashqa kaykäyanqan pampaman juntarqan.
21
Moabita runakunanam kimsa reykuna paykunata atacayänanpä aywaykäyanqanta musyaskiyarqan. Tsaymi llapan runakuna jövinpita hasta yashqa runakunayaq qorikaskir contrankunawan pelyayänanpä nacionninpa lindërunkunaman churanakuyarqan.
22
Waraynin wäray rupay yarqamur qocharaykaq yakuman empañaptinmi moabita soldädukuna imayka yawar qocharaykaqtanö rikayarqan.
23
Tsaymi niyarqan: «¡Taqayqa yawarmi qocharaykan! Atacamänantsikpä shamuq reykunam kikinpura wanutsinakuyashqa kayanqa. ¡Ras aywashun dëjayanqankunata qorimunantsikpä!»
24
Tsaynö nir moabita soldädukuna yaykuykäyaptinmi Israel soldädukuna atacayarqan. Tsaymi moabita soldädukuna qeshpiykäyaptin qati qatiykur wanutsiyarqan.
25
Tsaypitanam jatusaq markakunata juchutsir ushayarqan, chakrakunamanpis rumikunata qotuyarqan, pukyukunatapis pampar ushayarqan y frütapa yurankunatapis mutur ushayarqan. Peru Kir-hareset markatam sïqa juchutsiyarqantsu. Mana juchutsirpis warakawan pelyaqkuna jiruruypa tsapaskirmi atacayarqan.
26
Soldädunkunata vinciykäyanqanta rikarmi Moab nacionpa mandaqnin reyqa edomita soldädukunata atacar tsaypa qeshpiyänanpä kanqanta yarparqan. Espäda manijayta yachaq qanchis pachak (700) soldädunkunawan atacarpis manam vinciyta puëdiyarqantsu.
27
Tsaymi rey kananpä kaq mayor tsurinta wanuskatsir marka murälla jananchö diosninpä rupatsirqan. Tsaynö ruranqanta rikarmi Israel soldädukunaqa mantsakashqa nacionninpa kutikuyarqan.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25