bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 17
2 Kings 17
Quechuan QXO (Biblia en Quechua del sur de Conchucos)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
1
Chunka ishkay wata Judá nacionchö Acaz rey kaykaptinmi Israel nacionchö Elapa tsurin Oseas rey kayta qallaykurqan. Payqa isqun watam Samariapita mandarqan.
2
Tayta Diosta mana cäsur jutsata rurarpis unay reykunanöqa manam jutsata rurarqantsu.
3
Oseas rey kanqan witsanmi Asiria nacionpa mandaqnin rey Salmanasar soldädunkunawan shamur Israel nacionta atacayarqan. Mas puntapitanam Oseasqa impuestuta cada vezlla Asiriaman apatsirqan.
4
Tsaymi Salmanasarpa contran shärir Oseasqa impuestuta pägarqannatsu. Tsaynöllam Egipto nacionpa mandaqnin reyman mandarqan soldädunkunawan shamur yanapayänanpä. Tsay reypa jutinmi karqan So. Tsaynö ruranqanta musyaskirmi Salmanasarqa rey Oseasta prësu tsaritsir carcelman wichqatsirqan.
5
Tsaypitam Asiriapa mandaqnin rey entëru Israelchö markakunata vinciskir Samaria markata soldädunkunawan kimsa wata jiruruypa tsaparäyarqan.
6
Oseas isqun wata rey kaykaptinmi Samaria markata vinciskir Israel runakunata Asiriaman prësu apayarqan. Chaykatsirmi Halah markaman, Gozánchö kaykaq Habor mayu kuchunchö kaykaq markakunaman y Media runakunapa markankunamanpis churayarqan.
7
Tsaynö päsarqan Israel runakuna Tayta Diospa contran jutsata rurayanqanpitam. Paykunatam rey Faraónpa poderninchö kaykäyaptin Tayta Dios Egiptupita jipimurqan. Tsaynö jipiykämuptinmi Israel runakunaqa juk dioskunata adorar
8
Tayta Dios unay qarqunqan mana Israel runakunanölla kawayarqan. Israel runakunapa mandaqnin reykuna kawayanqannöllam llutankunata rurar kawayarqan.
9
Tsaynöllam Israel runakuna Tayta Diosta manakaqman churar rikachakuna törriyuq taksha markakunachö y corralashqa jatun markakunachöpis juk dioskunata adorayänanpä altarkunata rurayarqan.
10
Tsaynöllam tsay dioskunata adorayänanpä jirkanchöpis y rämasapa munti chakinkunachöpis juytu rumikunata ichïtsiyarqan y Asera diösata adorayänanpämi raku qerukunatapis jawitsiyarqan.
11
Tsay altarkunachö inciensiuta qoshnitsirmi Tayta Dios unay qarqunqan runakuna mana allita rurayanqannölla rurayarqan. Llutankunata tsaynö rurarmi Tayta Diosta pasaypa rabyanätsiyarqan.
12
Ïdulukunata mana adorayänanpä Tayta Dios nikaptinmi paykunaqa mana cäsukuypa ïdulukunata adorayarqan.
13
Tsaymi llapan profëtankunawan y willakuqninkunawan Israel runakunata y Judá runakunata Tayta Dios tantiyatsir nirqan: «Jutsa ruraykunata dëjaskir mandamientükunata y leynïkunata cumpliyay. Unay castaykikunatapis tsay leykunata cumpliyänanpämi sirvimaqnï profëtakunawan tantiyatsirqä».
14
Profëtakuna tsaynö willayaptinpis paykunaqa manam cäsuyarqantsu. Tsaypa rantinmi unay castankunanö chukru shonqu kar Tayta Diosman yärakuyarqantsu.
15
Tsaynö mana yärakurmi unay castankunawan Tayta Dios pactu ruranqanta manakaqman churayarqan. Leyninkunata y mandamientunkunata mana cäsur mana sirviq ïdulukunata adorarmi paykunapis mana sirviq kayarqan. Jutsata mana rurayänanpä Tayta Dios nikaptinpis wakin nación runakuna jutsata rurayanqannöllam paykunapis jutsata rurayarqan.
16
Paykunaqa Tayta Diospa mandamientunkunata mana cäsurmi adorayänanpä qoripita ishkay torïtukunata rurayarqan. Asera diösata adorayänanpämi raku qerukunata jawitsiyarqan. Tsaynöllam rupayta, killata, qoyllurkunata y Baaltapis adorayarqan.
17
Paykunam tsurinkunata ollqutapis warmitapis sacrificiupä altarchö rupatsiyarqan. Tsaynöllam brüju kayman y suerti qatiq kaymanpis churakäyarqan. Tayta Diosta mana cäsurmi jutsa ruraykunallachö kayarqan.
18
Tsaymi Tayta Diosqa pasaypa ajarnin Israel runakunata puntanpita jukläman qarqurqan. Judá trïbu runakunallatam nacionninchö dëjarqan.
19
Judá runakunapis Tayta Diospa mandamientunkunata mana cumplirmi Israel runakunanölla jutsata rurar mana alli costumbrikunata rurayarqan.
20
Tsaymi Tayta Dios permitirqan juklä soldädukuna Israel runakunata vincir puntanpita qarquyänanpä.
21
Mas unaynam David casta reykunapa poderninpita Israel nacionta Tayta Dios jipiptin Nabatpa tsurin Jeroboamta rey kananpä Israel runakuna churayarqan. Rey kaykarnam Tayta Diosta mana cäsuyänanpä Jeroboam yätsirqan. Yätsinqanta cäsurmi Israel runakuna pasaypa jutsata rurayarqan.
22
Jeroboam wanuskiptinpis Israel runakunaqa mana dëjaypam jutsata rurayarqan.
23
Tsaynö kayanqanpita sirviqnin profëtakunawan willakatsinqannöllam Israel runakunata Tayta Dios puntanpita qarqurqan. Tsaymi Asiria nación runakuna aywaykur Israel runakunata prësu apayarqan. Tsaypitam Israel runakunaqa kananyaqpis Asiriachö taykäyan.
24
Israel runakunata prësu apaskirmi paykuna dëjayanqan markakunachö täyänanpä Asiria nacionpa mandaqnin reyqa apatsimurqan Babilonia runakunata, Cuta runakunata, Ava runakunata, Hamat runakunata y Sefarvaim runakunata. Tsay runakunaqa Samariachö kaykaq markakunachönam täyarqan.
25
Tsaychö taykar Tayta Diosta mana adorayaptinmi Tayta Diosqa leonkunata yuritsimurqan. Tsay leonkunam wakin runakunata wanutsiyarqan.
26
Tsaymi Asiria nacionpa mandaqnin reyman willakuqkuna aywaykur willar niyarqan: «Samaria markakunachö täyänanpä churanqayki runakunaqa manam musyayantsu tsay nacionpa Diosnin imata munanqantapis. Tsaymi leonkuna paykunata wanuykätsiyan».
27
Tsaynö willayaptinmi rey nirqan: «Kayman prësu pushamunqantsik sacerdötikunapita jukta kutitsiyay tsay nacionpa Diosninta imanö adorayänanpä kanqantapis paykunata yachatsinanpä».
28
Tsaynö niptinmi Samariapita prësu apayanqan sacerdötikunapita jukta Bet-elman kutitsiyarqan. Tsaychömi tsay runakunata yachatsirqan Tayta Diosta imanö adorayänanpäpis.
29
Tsaynö yachaykätsiptinpis cada markachömi ïdulunkunata rurayarqan nacionninchö adorayanqan ïdulun niraqta. Tsay ïdulunkunatam markakunachö altarkunaman churayarqan.
30
Babiloniapita shamuq runakunam Sucot-benot diosninta adorayänanpä ïdulukunata ruratsiyarqan. Cuta markapita shamuq runakunam Nergal diosninta adorayänanpä ïdulukunata ruratsiyarqan. Hamatpita shamuq runakunam Asima diosninta adorayänanpä ïdulukunata ruratsiyarqan.
31
Ava runakunam Nibhaz diosninta y Tartac diosninkunata adorayänanpä ïdulukunata ruratsiyarqan. Sefarvaimpita shamuq runakunam Adramelec y Anamelec diosninkunata adorar wamrankunata altarchö rupatsiyarqan.
32
Tsaynöllam tsay runakunaqa Tayta Diosta adorayarqan. Peru sacrificiukunata rupatsiyänanpämi kikinkuna yarpäyanqannö pitapis llutalla sacerdöti kananpä churayaq. Tsaymi kikinkunapa altarninkunachö sacrificiukunata rupatsiyarqan.
33
Tayta Diosta adorarpis ñöpata täyanqan markankunachö diosninkunata adorayanqannöllam Samaria markakunachöpis diosninkunata adorayarqan.
34
Tsay runakunaqa kananyaqpis diosninkunata tsaynöllam adoraykäyan. Tsaynö karmi Tayta Diosta mana mantsapakur estatütunkunata, leyninkunata y mandamientunkunata cäsuyantsu. Tsay leykunatam Jacobpita miraqkunata Tayta Dios entregarqan imaypis cäsuyänanpä. Tsaynöllam Jacobpa jutinta Tayta Dios trocatsirqan Israel jutin kananpä.
35
Israel runakunawan pactuta ruranqan höram Tayta Dios nirqan: «Juk dioskunataqa ama adorayankitsu ni sirviyankitsu ni ima sacrificiutapis tsay dioskunapä ama rupatsiyankitsu.
36
Tsaypa rantinqa noqallata adorayämanki y noqa japalläta sirviyämanki. Llapanpä poderyuq karmi qamkunata Egiptupita jipimurqä. Tsaymi noqallata sirviyämänayki, adorayämänayki y noqallapä sacrificiukunatapis rupatsiyänayki.
37
Tsaynöllam mana qonqaypa cumpliyanki qellqaykur entreganqä estatütukunata, yachatsikuykunata, leykunata y mandamientukunata. Juk dioskunataqa ama adorayaytsu.
38
Qamkunawan pactu ruranqäta qonqaykurtä juk dioskunata adorayankiman.
39
Noqallata adorayämaptikiqa contraykikunapa poderninpitam salvashayki».
40
Tayta Dios tsaynö yachaykätsiptinpis Samaria markakunachö täraq runakunaqa mana cäsukurmi mana alli costumbrinkunata imaypis rurayaq.
41
Tsaymi paykunaqa Tayta Diosta adorarpis ïdulukunata adorar kawayarqan. Tsaynöllam kananyaqpis paykunapita miraqkuna kawaykäyan.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25