bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 13
2 Kings 13
Quechuan QXO (Biblia en Quechua del sur de Conchucos)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 14 →
1
Ocozíaspa tsurin Joás ishkay chunka kimsa (23) wata Judá nacionchö rey kaykaptinmi Israel nacionchö Jehúpa tsurin Joacaz rey kayta qallaykurqan. Samariapitam chunka qanchis wata Joacaz mandarqan.
2
Joacazqa Tayta Diosta mana cäsurmi Nabatpa tsurin Jeroboamnölla Israel runakunata jutsata ruratsirqan.
3
Joacaz tsaynö ruraptinmi Tayta Dios pasaypa rabyarnin Siria nacionpa mandaqnin rey Hazaelta y tsurin Ben-adadta yanaparqan Israel nacionta atacar atska kuti vinciyänanpä.
4
Siria soldädukuna pasaypa ñakatsiptinmi Joacazqa Tayta Diosta mañakurqan. Tsaynö mañakuptinmi Israel runakunata kuyapar Tayta Dios yanaparqan.
5
Tsaymi Siria nacionpa poderninchö kaykäyanqanpita jipinanpä juk runata churarqan. Tsaypitam Israel runakunaqa ñöpata kawayanqannölla tranquïlu kawayarqan.
6
Tsaynö salvaykaptinpis Jeroboampita miraq reykunanöllam Israel runakunata jutsata ruratsirqan. Tsaymi Samaria markachö Asera diösata imaypis adorayarqan.
7
Siria nacionpa mandaqnin reypa soldädunkuna guërrachö wanutsiyanqanpitam rey Joacazpa wallkallana soldädunkuna quëdayarqan. Tsaymi quëdayarqan pitsqa chunka (50) caballun muntashqa soldädukuna, chunka guërra carrëtakuna y chunka waranqa (10,000) chakillapa aywaq soldädukuna.
8
Rey Joacaz imata ruranqanpis llapanmi Israel nacionpa mandaqnin reykunapa acta librunchö qellqashqa kaykan.
9
Joacaz wanuskiptinmi Samaria markaman pampayarqan. Paypa trokinnam tsurin Joásna rey karqan.
10
Kimsa chunka qanchis (37) wata Judá nacionchö Joás rey kaykaptinmi Israel nacionchö Joacazpa tsurin Joás rey kayta qallaykurqan. Chunka joqta watam Samariapita Joás mandarqan.
11
Joásqa Tayta Diosta mana cäsurmi Nabatpa tsurin Jeroboamnölla Israel runakunata jutsata ruratsirqan.
12
Rey Joás imata ruranqanpis y rey Amasíaswan pelyanqanpis llapanmi Israel nacionpa mandaqnin reykunapa acta librunchö qellqashqa kaykan.
13
Joás wanuskiptinnam Israel nacionpa mandaqnin rey pamparanqan Samaria markaman pampayarqan. Paypa trokinnam tsurin Jeroboamna yaykurqan rey kananpä.
14
Pasaypa antsa qeshyar profëta Eliseo ujuraykaptinmi Israel nacionpa mandaqnin rey Joás watukaq aywarqan. Chaykurmi Eliseuta makallakurkur waqar nirqan: «¡Ay taytallay, tayta! ¡Israel runakunapa guërra carrëtankunata y caballunkunatam rikaykä!»
15
Tsaymi Eliseo nirqan: «Arcuykita y juk ishkay flëchakunata aptay». Tsaynö niptinmi flëchakunata y arcunta aptarqan.
16
Tsaypitanam Eliseo nirqan: «Arcuykita flëchanaykipä apuntay». Ninqannö apuntaraykaptinmi Eliseuqa reypa makin jananman makinta churaykur
17
nirqan: «Rupay yarqamunan kaq lädupa ventänata kichay». Ventänata kichaskiptinnam Eliseo nirqan: «Kananqa flëchay». Tsaynö niptinmi reyqa flëchaskirqan. Flëchaptinmi nirqan: «Tsay flëchanqaykim señal kaykan Siria soldädukunapa poderninpita Tayta Dios salvashunaykipä kanqanta musyanaykipä. Tsaymi Afecman aywar Siria soldädukunata vincir Israel runakunata poderninchö kaykäyanqanpita salvanki».
18
Mastam Eliseo nirqan: «Wakin kaq flëchakunata aptay». Flëchakunata aptarkuptinnam nirqan: «Kananqa patsata takay». Niptinmi patsata kimsa kuti takaykurqan.
19
Kimsa kutilla takaykuptinmi profëta Eliseo pasaypa rabyarnin reyta nirqan: «Pitsqa kuti o joqta kuti patsata takarqa Siria soldädukunata llapantam ushakätsinkiman karqan. Kimsa kutilla takanqaykipitam kimsa kutilla Siria soldädukunata vincinki».
20
Eliseo wanuskiptinnam pampayarqan. Cada watam Moab nacionpita asaltantikuna runakunata asaltayänanpä Israel nacionman shayämuq.
21
Juk kutichömi ayata Israel runakuna pampayänanpä apaykäyanqanchö rikayarqan tsay asaltantikuna shamuykaqta. Tsaymi apaykäyanqan ayata Eliseupa sepultüranman jitariykur qeshpir aywakuyarqan. Eliseupa tullunkunaman töpaskirmi jinan höra tsay ayaqa kawaskamur shärimurqan.
22
Joacaz rey kanqan witsanmi Siria nacionpa mandaqnin rey Hazael Israel runakunata pasaypa ñakatsirqan.
23
Tsaynö kaptinpis Abrahamwan, Isaacwan y Jacobwan pactuta rurashqa karmi Israel runakunata Tayta Dios imaypis kuyaparqan. Tsaymi kananyaqpis paykunata illakätsishqatsu ni ushakätsishqatsu.
24
Siria nacionpa mandaqnin rey Hazael wanuskiptinnam tsurin Ben-adadna rey karqan.
25
Joásqa soldädunkunawan kimsa kutim Ben-adadta vinciyarqan. Tsaynöpam papänin Joacaz rey kaykaptin Hazael qechunqan markakunata Joás qorirqan.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25