bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 9
2 Kings 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 10 →
1
Juk kutim profëta mayinkunapita jukninta qayaykur Eliseo nirqan: «Shumaq alistakuskir kay botëllachö aceitita apakurkur Galaad partichö kaykaq Ramot markaman ayway.
2
Chaykur ashinki Josafatpa tsurin y Nimsipa willkan Jehúta. Amïgunkunawan kaykaqman yaykuskir kikillanta juk cuartuman pushanki.
3
Tsay cuartuchöna apanqayki aceitita umanman wiñaskir ninki: «Tayta Diosmi nin: Israel nacionpa mandaqnin rey kanaykipämi churä». Tsaynö niskirnin punkuta kichaskir ras qeshpir aywakunki».
4
Tsaynö yätsiskiptinmi jövin profëtaqa Galaadchö kaykaq Ramot markaman aywarqan.
5
Chaykurmi soldädukunapa mandaqnin capitankuna qorikashqa kaykaqta tarirqan. Tsaymi tsay profëta nirqan: «Tayta, jukta willanäpämi urgenti kayman shamurqü». Jehúnam nirqan: «¿Mayqäta willayämänaykipätä shamurquyki?» Tsaynö tapuptinmi profëta nirqan: «Taytay, qamta willanäpämi shamurqü».
6
Tsaynö niptinmi jinan höra Jehú juk cuartuman profëtawan yaykurqan. Tsaychönam Jehúpa umanman aceitita wiñar profëta nirqan: «Israel runakunata kuyaq Tayta Diosmi nin: «Kuyanqä Israel nacionpa mandaqnin rey kanaykipämi churaykä.
7
Rey karmi patronniki Acabpa castankunata llapanta wanutsinki. Paykunatam wanutsinki sirvimaqnï profëtakunata Jezabel wanutsinqanpita.
8
Acabpita miraq kaqtaqa sirviq o mana sirviq kaptinpis llapan ollqu kaqtaqa wanutsinki. Ninqänö wanutsiptikim jukllayllapis tsay castaqa Israel nacionchö kawaykar quëdayanqatsu.
9
Tsaynö wanutsiptikim Nabatpa tsurin Jeroboam castata y Ahíaspa tsurin Baasa castata ushakätsinqänölla Acab castatapis ushakätsishä.
10
Jezabeltanam Jezreel marka cercan chakranchö allqukuna mikuyanqa. Paypa ayantaqa manam pipis pampanqatsu». Tsaynö willaskirmi punkuta kichaskir profëta qeshpir aywakurqan.
11
Jehú kutiykuptinmi capitán mayinkuna tapuyarqan: «¿Imatä kashqa? ¿Imata nishunaykipätä tsay löcu runa shamushqa?» Tsaynö niyaptinmi Jehú nirqan: «Musyayankim löcu kar imatapis llutalla parlanqanta».
12
Tsaymi capitankuna niyarqan: «¡Ama llullapäyämaytsu! Imata nishunqaykitapis willayämay». Tsaynö niptinmi Jehú nirqan: «Tsay runam nimashqa: «Israel nacionpa mandaqnin rey kanaykipämi Tayta Dios churashurquyki».
13
Tsaynö niptinmi capitankunaqa cäpankunata jipiskir grädaman mashtapäyarqan Jehú ichïnanpä. Tsaypitam cornëtata tukar fuertipa niyarqan: «¡Viva rey Jehú!»
14
Tsaypitanam Nimsipa willkan y Josafatpa tsurin Jehúqa rey Jorampa contran shäriyarqan. (Rey Joramqa Galaadchö kaykaq Ramot markachö Siria nacionpa mandaqnin rey Hazaelwan pelyanqanpitam
15
Jezreel markaman kutirqan jampikunanpä.) Tsaypitanam capitán mayinkunata Jehú nirqan: «Rey kanäta munaykarqa cuidädutä rey Joramman aywar rey kanäpä yaykunqäta pipis willanman».
16
Tsaypitanam Jehúqa guërra carrëtaman yarkurkur Jezreel markaman aywarqan. Tsaychömi Joramqa guërrachö däñakunqanpita jampikuykarqan. Judá nacionpa mandaqnin rey Ocozíaspis Joramta watukananpä aywashqa karmi tsaychö kaykarqan.
17
Soldädunkunawan Jehú chaykanqanta rikarmi Jezreel markata cuidaq runa qayakur nirqan: «¡Atska runakunam shamuykäyan!» Tsayta wiyaykurmi rey Joram nirqan: «Juk soldäduta manday caballuta muntakurkur aywar imapä shamuykäyanqantapis tapumunanpä».
18
Tsaymi caballuta muntakurkur tsay soldädu aywar Jehúta tapurqan: «Reymi mandamashqa imaq shamunqaykitapis willamänaykipä». Tsaymi Jehú nirqan: «Imapä shamunqätapis ¡imapätä musyayta munanki! Tapupämanqaykinöqa aywanantsikpä qepäkunaman churakämuy». Mana kutimunqanta rikarmi marka cuidaq soldädu nirqan: «Mandanqantsik soldädu manam kutimuntsu».
19
Tsaynö niptinmi rey Joramqa juk soldädutana mandarqan caballuta muntarkur aywananpä. Paypis Jehú kaqman chaykurmi tapurqan: «Reymi mandamashqa ima yarpaywan shamuykäyanqaykitapis willamänaykipä». Tsaynö niptinmi Jehú nirqan: «Imapä shamunqätapis ¡imapätä musyayta munanki! Tapupämanqaykinöqa aywanantsikpä qepäkunaman churakämuy».
20
Tsaynö mana kutiptinnam marka cuidaq soldädu nirqan: «Jukaq mandanqantsikpis punta kaqnöllam kutimuntsu. Shamuykaq runaqa Nimsipa willkan Jehúnöllam kaykan. Paynöllam löcuypa löcur carrëtakunatapis manijaykämun».
21
Tsaymi Joramqa soldädunkunata nirqan: «Guërra carrëtäta ras alistapäyämay». Tsaynö alistaskiptinmi rey Jorampis y rey Ocozíaspis carrëtankunawan aywayarqan Jehú kaqman. Aywarmi tinkuyarqan Jezreelpita Nabotpa chakranchö.
22
Jehúpa cercanman chaykurmi rey Joram nirqan: «Jehú, ¿imatä kashqa shamunaykipä? ¿Llapanpis allillaku kaykäyan?» Tsaynö niptinmi Jehú nirqan: «¡Imanöpatä llapanpis alli kanqa ïdulukunata adorar brüja mamayki Jezabel llutanta ruraykaptinqa!»
23
Tsaynö niptinmi rey Joramqa jinan höra qeshpir aywakur nirqan: «¡Ocozías! ¡Kay runaqa wanutsimänantsikpämi shamushqa!»
24
Tsaymi rey Jehúqa arcunta aptarkur Joramta waqtanpa flëchaskirqan. Shonqunpa päsaqpä flëchaskiptinmi Joramqa carrëtallanchö wanuskirqan.
25
Tsaypitanam yanapaqnin Bidcarta Jehú nirqan: «Tsay ayata kaypita jipiskir Jezreelpita Nabotpa chakranman jitanki. Yarpaykämi Jorampa papänin Acabpa carrëtan qepanta aywaykashqa rey Acabta Tayta Diospa profëtan paypä ninqanta:
26
«Nabotpa yawarninta y tsurinkunapa yawarninta jichar qanyan wanutsinqaykitam Tayta Dios rikashqa. Tsaymi kay chakrallachö pasaypa desgracia päsashunki. Kanan ninqänöllam llapanpis päsashunki». Tayta Diospa profëtan tsaynö nikaptinqa Nabotpa chakranman apaykur Jorampa ayanta jitariy».
27
Rey Joramta wanuskatsiptinmi Judá nacionpa mandaqnin rey Ocozíasqa qeshpir Bet-haganman aywakurqan. Qeshpir aywakuptinmi Jehúqa qepanta qatipar yanapaqninta nirqan: «¡Paytapis wanutsiy!» Tsaynö niptinmi carrëtanchö kaykaqta flëchawan flëchaskirqan. Payta tsaynö flëchaskirqan Ibleam cercanchö Gur jutiyuq cuestata witsaykaptinmi. Flëchaskiptinpis manam rastsu wanurqan, sinöqa Meguiduman chaykurrämi wanurqan.
28
Tsaynö wanuskiptinmi carrëtawan sirviqninkuna Jerusalénman apayarqan. Chaykurmi Davidpa Markanman unay castankuna pamparäyanqan kaqman pampayarqan.
29
Ocozíasqa Judá nacionpa mandaqnin rey kayta qallaykurqan Acabpa tsurin Joram chunka juk wata Israel nacionchö rey kaykaptinmi.
30
Tsaypitanam Jehúqa Jezreelman aywakurqan. Tsayta musyaykurmi Jezabelqa ñawinta pintakurqan y aqtsantapis shumaq adornakurqan. Tsaypitanam ventänanpa qawararqan.
31
Marka yaykuna punkuman Jehú chaykaptinmi Jezabel nirqan: «¡Allillaku kaykanki, reyta wanutsiq Zimrinö runa!»
32
Ventänanpa Jezabel qawaraykaqta rikaykurmi Jehú nirqan: «¿Pitä yanapamänanpä tsaychö kaykan?» Tsaynö niptinmi Jezabelpa juk ishkay yanapaqninkuna ventänapa qawarpuyarqan.
33
Paykunatam Jehú nirqan: «¡Tsay warmita ras jitarpayämuy!» Tsaynö niptinmi Jezabelta patsaman jitarpayämuptin yawarninpis pirqaman y caballukunaman pillchirqan. Patsachö jitaraykaptinmi caballukuna jarur jarur päsaskiyarqan.
34
Tsaypitanam Jehúqa aywakurqan mikuq upuq. Tsaypita mas rätuntanam Jehú nirqan: «Reypa tsurin kaykaptinqa tsay maldicionashqa warmita pampayay».
35
Pampayänanpä aywarmi umanta, chakinta y makinta tullullantana tariyarqan.
36
Tsaynö kaykaqta tariykurmi Jehúman kutiyarqan imanö tariyanqantapis willayänanpä. Tsaynö willayaptinmi Jehú nirqan: «Tsaynö kananpä kaqtaqa maynam Tayta Dios willakatsirqan sirviqnin Elíaswan. Paymi nirqan: «Jezabelpa ayantaqa Jezreel chakranchömi allqukuna mikuyanqa.
37
Jezabelpa ayan wänunö chakrachö mashtaraptinmi pipis tantiyanqatsu paypa ayan kanqanta».
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25