bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Kings 21
2 Kings 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
1
Manasés chunka ishkay watayuq kaykarmi rey kayta qallaykurqan. Payqa pitsqa chunka pitsqa (55) watam Jerusalénpita mandarqan. Mamanpa jutinmi Hepsiba karqan.
2
Manasésqa Tayta Diosta mana cäsurmi unay runakunanö jutsata rurar kawarqan. Tsay runakunatam Tayta Dios qarqurqan paykunapa markankunachö Israel runakunana täyänanpä.
3
Tsaynöllam Manasésqa papänin Ezequías juchutsinqan altarkunata yapay shäritsir Baalta adorayänanpä mushuq altarkunatapis ruratsirqan. Tsaypitanam Israel nacionpa mandaqnin rey Acab ruranqannö raku qeruta jawitsirqan Asera diösata adorayänanpä. Rupayta, killata y qoyllurkunatam adorarqan.
4
Jerusalénchö imayyaqpis täränanpä Tayta Dios nishqa kaykaptinpis juk dioskunata adorayänanpämi templunchö altarkunata ruratsirqan.
5
Rupayta, killata y qoyllurkunata adorayänanpämi Tayta Diospa templunpa ishkan patiunchö altarkunata ruratsirqan.
6
Juk diosta adorarmi Manasésqa tsurintapis altarchö rupatsirqan. Tsaynöllam suerti qatiq y brüju karqan. Payqa almakunawan parlaqkunatapis tapukurqanmi. Tsaynö mana allikunata rurarmi Tayta Diosta pasaypa rabyanätsirqan.
7
Asera diösapä raku qerutapis Tayta Diospa templunpa patiunmanmi jawitsirqan. Tsay templupämi Davidta y tsurin Salomónta Tayta Dios nirqan: «Jerusalén templuchömi imayyaqpis täkushä. Jerusalénchö täkunä templu kananpämi Israel nacionchö llapan markakunapita Jerusalén markata akrarqü.
8
Sirvimaqnï Moisés yachatsinqan leykunata cumpliyaptinqa unay castankunata entreganqä nacionpita Israel runakunata imaypis manam qarqushätsu».
9
Tsaynö nikaptinpis Judá runakunaqa manam cäsuyarqantsu. Tsaypa rantinmi rey Manasés mas animatsiptin Tayta Dios ushakätsinqan nación runakunapitapis mas peorrä jutsata rurayarqan.
10
Tsaymi sirviqnin profëtakunawan Tayta Dios willakatsir nirqan:
11
«Judá runakunapa mandaqnin rey Manasésqa Tayta Dios qarqunqan amorreo runakunapitapis mas peormi jutsata ruraykan. Ïdulukunata adorayänanpä nirmi Judá runakunatapis jutsata ruraykätsin».
12
Tsaymi Israel runakunata kuyaq Tayta Dios nin: «Jerusalén markata y Judá nacionta tukuy niraq desgraciawan castigaptïmi pasaypa mantsariywan tullunkunapis tsuktsukyanqarä.
13
Samaria markachö täraqkunata y Acab casta kaqkunata ushakätsinqänöllam Jerusalénchö täraqkunatapis ushakätsishä. Plätuta shumaq mayllaskir pukraqnömi Jerusalén markatapis limpiashä.
14
Kawaykar quëdaq runakunatapis manam tsapäshänatsu. Tsaymi contrankuna shamur imaykankunatapis qechuskir prësu apakuyanqa.
15
Rabyanätsimar jutsata rurayanqanpitam tsaynö rurashä. Unay castankunata Egiptupita jipimunqäpitam kananyaqpis paykunaqa jutsata rurar pasaypa rabyanaykätsiyäman».
16
Manasésqa Judá runakunata jutsata ruratsinqan jananmanmi jutsaynaq runakunata wanutsirqan. Tsaynö wanuskatsirmi entëru Jerusalénman yawartapis jicharqan.
17
Manasés imata ruranqanpis y jutsata ruranqanpis llapanmi Judá nacionpa mandaqnin reykunapa acta librunchö qellqashqa kaykan.
18
Manasés wanuskiptinnam palaciuchö kaykaq Uza niyanqan jardinman pampayarqan. Tsaypitanam tsurin Amónna rey karqan.
19
Amón ishkay chunka ishkay (22) watayuq kaykarmi rey kayta qallaykurqan. Payqa ishkay watam Jerusalénpita mandarqan. Mamanmi Jotba markapita Haruzpa tsurin Mesulemet karqan.
20
Amónpis papänin Manasésnöllam Tayta Diosta mana cäsur jutsata rurarqan.
21
Tsaymi ïdulukunata papänin adoranqannölla paypis adorarqan.
22
Tsaynöllam unay castankuna yärakuyanqan Tayta Diosta mana cäsur kawarqan.
23
Juk junaqmi yanapaqninkunalla contran shärir jinan palaciullanchö Amónta wanuskatsiyarqan.
24
Tsayta musyaskirmi wanutsiq runakunata marka runakuna wanutsiyarqan. Tsaypitanam Amónpa tsurin Josíastana rey kananpä churayarqan.
25
Rey Amón imata ruranqanpis llapanmi Judá nacionpa mandaqnin reykunapa acta librunchö qellqashqa kaykan.
26
Paytapis Uza niyanqan jardinllamanmi pampayarqan. Amónpa rantinnam tsurin Josíasna rey karqan.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25