Luke 17

Shona (Baiberi Magwaro Matȿene aMŋari 1949 (Doke)

← Chapter 16 Jump to: Chapter 18 →

1Ɀino wakati kuʋadzidzi ʋake: Haɀiŋgaitiki kuti ɀigumbuso ɀisaʋuya. Asi unenhamo iye waɀinoʋuya naye.

2Ɀaiʋa nani kwaari, kuti guyo risuŋgirirwe pamutsipa wake, awisirwe muguŋgwa, pakuti agumbuse mumŋe waʋaɗuku aʋa.

3Cenjerai; kana hama yako ikatadza, umuraire; kana akatendeʋuka, umukaŋganwire.

4Kunyaŋge akutadzira kanomŋe nezuʋa rimŋe, akadzokera kwauri kanomŋe, aciti: Ndatendeʋuka; umukaŋganwire.

5Ɀino ʋaapostora ʋakati kunaShe: Tiwedzerei kutenda kweɗu.

6Ishe akati: Kana maiʋa nokutenda kwakaita setsaŋga yemastarda, maiti kumuʋonde uyu: Dzurwa, usimŋe muguŋgwa! ucakutererai.

7Ndiani kwamuri uŋgaʋa nomuranda unorima, kana unofudza makwai, akati kwaari, acibva kumunda: Ʋuya, ugare pakudya?

8Handiti uŋgati kwaari: Ndigadzirire ɀokudya, uɀisuŋge ciʋuno, undishandire, kuȿikira ini ndadya, ndikanwa; iwe ugozodya, nokunwa?

9Ko uŋgatenda muranda, ɀaaita ɀakaŋga ɀarairwa here?

10Saiɀoɀo nemi ʋo, kana maita ɀose ɀamarairwa, muti: Tiri ʋaranda pasina, takaita seɀataifanira kuita.

11Ɀino ʋakati ʋacienda Jerusarema, akapfuʋura napaSamaria neGarirea.

12Ɀino acipinda munomumŋe musha, akasoŋgana naʋarume ʋanegumi ʋaiʋa namaperembudzi, ʋamire kure.

13Ʋakaɗanidzira, ʋaciti: Jesu, Tenzi, tinzwirei ŋgoni!

14Ɀino wakati aciʋaʋona, akati kwaʋari: Endai mundoɀiratidza kuʋaprista. Ʋakati ʋacienda, ʋakapora.

15Ɀino mumŋe waʋo, wakati aciʋona kuti ndaporeswa, akadzoka, acikudza Mŋari nenzwi guru;

16akawira pasi neciso patsoka dzake, akamuʋoŋga. Ɀino iye wakaŋga ari muSamaria.

17Ipapo Jesu akapindura, akati: Haʋana‐kuporeswa ʋanegumi here? Ʋapfumbamŋe ʋaripiko?

18Hapanawakawanikwa wadzokera kuzokudza Mŋari, asi uyu mutorwa here?

19Ipapo akati kwaari: Simuka, uende; kutenda kwako kwakuponesa.

20Ɀino wakati acibvunzwa naFarise kuti ʋushe bgaMŋari bgunoȿika rini, akapindura, akati: Ʋushe bgaMŋari habguʋuyi bguciʋonekwa.

21Haʋaŋgati: Tarirai pano! kana: Uko! Nokuti tarirai, ʋushe bgaMŋari bguri mukati menyu.

22Akati kuʋadzidzi ʋake: Mazuʋa acaȿika amucatȿaka kuʋona zuʋa rimŋe ramazuʋa oMŋanakomana womunhu, asi hamuŋgariʋoni.

23Ʋacati kwamuri: Tarirai uko! Tarirai pano! Regai kuenda, kana ku ʋa teʋera;

24nokuti semheni inopenya, icibva kunorumŋe rutiʋi pasi peɗeŋga, icivenekera kuȿikira kunorumŋe rutiʋi pasi peɗeŋga; ndiɀo ɀicaita Mŋanakomana womunhu ʋo nezuʋa rake.

25Asi unofanira kumbotambudzika ɀizhinji, nokurashwa norudzi urwu.

26seɀaɀakaŋga ɀakaita namazuʋa aNoa, ndiɀo ɀaɀicaita ʋo namazuʋa oMŋanakomana womunhu;

27ʋaidya, nokunwa, nokuwana, nokuwaniswa, kuȿikira zuʋa rakapinda Noa muareka, mvura zhinji ikaȿika, ikaparadza ʋose.

28seɀaɀakaŋga ɀakaita ʋo namazuʋa aRoti; ʋaidya, nokunwa, nokuteŋga, nokuteŋgesa, nokusima, nokuʋaka;

29asi nomusi wakaɓuɗa Roti muSodoma, mŋoto nesurferi ɀakanaya, ɀicibva kuɗeŋga, ɀikaʋaparadza ʋose.

30Ndiɀo ɀaɀicaita ʋo nezuʋa iro, Mŋanakomana womunhu raacaʋonekwa naro.

31Nezuʋa iro, uri pamsoro peimba, nhumbi dzake dziri mumba, ŋgaarege kuɓuruka kundodzitora; saiɀoɀo ʋo, uri kumunda ŋgaarege kudzokera kuneɀiri shure.

32Raŋgarirai mukadzi waRoti.

33Aninani unotȿaka kuŋgwarira ʋupenyu bgake, ucarashikirwa nabgo, ʋuye aninani unorashikirwa nabgo, ucabguraramisa.

34Ndinoti kwamuri: Ʋusiku ubgo ʋarume ʋaʋiri ʋacaʋa panhoʋo imŋe, mumŋe ucatorwa, mumŋe ucasiyiwa.

35Ʋakadzi ʋaʋiri ʋacakuya pamŋe cete, mumŋe ucatorwa, mumŋe ucasiyiwa.

36Ʋaʋiri ʋacaʋa kumunda, mumŋe ucatorwa, mumŋe ucasiyiwa.

37Ipapo ʋakapindura, ʋakati kwaari: Ipiko, Ishe? Akati kwaʋari: Apo panomutumbu, ndi’po panoʋuŋganira ʋo magora.

← Chapter 16 Jump to: Chapter 18 →