bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 11
Deuteronomy 11
Sukuma 2019
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
1
Na lūūlū shikwigelile kūntogwa ū SEEBA Mulungu wako shikū jose; na kwīdima pyī īyo ayīlagīlile, na a malange gakwe, nī shilagīlo shakwe.
2
Ideedeng'hanyagi chiza ī lelo nguno natūlūngalūngaga na bana bing'we, a boi batībonile, nūūlū ītītilwe mu shikū jabo ī milīmo ya ng'wa SEEBA Mulungu wing'we, īyo wītūmamīlaga mu kahūgūlīle kakwe; nī likūjo lyakwe batalībonile, nū būdūla wa nkono gwakwe, nūūlū ūmo akagūgoloolela ū nkono gwakwe batabonile.
3
Batashibonile nī shimanīkījo īsho washibeejaga mu sī ya Misili kū būtongi bo ng'wa Falao, ū ntemi wa Misili, nū mu sī yakwe ī yose.
4
A benabo batabonile nūūlū ūmo akalyītīla ū SEEBA ī libità lya bashilikale ba Bamisili nī falasa jabo, na a magogoteni gabo, ū ng'wikanza īlo baamukūūbījaga; aho akabalibīja mu minzī ga Nyanza Yaza, pyī būshila fu, ūbayagaja ilalī.
5
A bana bing'we batayībonile īyo wang'wītīla ū ng'witogolo kūshisha ng'ūshika a hipandī lyenīlī mulī ī haha.
6
Batīībonile nī yīyo akabīītīla ba Dasani na Abilamu, a bitūnja ba ng'wa Eliabu wa lūganda lwa Lubeni; aho sī īkalugūka ha gatī gatī ya Baisilaeli, yūbamila a banhū benabo nī kaya jabo, na a maheema gabo, nī shikolo shabo shose ī shipanga īsho baalī nasho.
7
Miso ging'we benekīlī ayo gayībona ī mihayo ī mitaale yenīyī, īyo SEEBA wayīta.
8
Na lūūlū shidimagi ī shilagīlo ī shose īsho nalīng'winha lelo, hū mukūbiza na nguzu ja kwīdima ībize ying'we ī sī īyo mulīkīla mongo gwa Yolodani kūja kwīsola.
9
Ū mu gīko hū mukūbiza na būlamu būlīhu ū mu sī īyo SEEBA wabilahīlīla bakūlūgenji bing'we nī shibyalīlwe shabo gīkī, akūbinha ī sī ya būhondo.
10
Ī sī īyo mulīkīla kūja kwīsola yenīyo ītabizile gīt'ūmo īlī sī ya Misili ūko mulīfuma, ūko ng'wajihambaga ī mbīyū jing'we hū ng'walinhya kūshaadūūka lwa magūlū mukūjitīīlaga minzī gītī shisasīla sha makūbī.
11
Alīyo ī sī īyo mulīkīla mongo gwa Yolodani kūja kwīsola, ī yene īpīndiwe ngūlū, hama īlī na malago gawiza no; nīyo īkang'waga minzī ga mbula kwīnga kwigūlū.
12
Ū SEEBA Mulungu wako īdīlīlile no ī sī yenīyo; a miso ga ng'wa SEEBA Mulungu wako galolelile ho pye a makanza, kūfuma wandījo wa ng'waka kūshisha kū būkalīkījo wago.
13
Na lūūlū ūlū ng'ūbiza bigwi na bakalalwa ū kūshishikīlīja ī shilagīlo īsho nalīng'winha lelo īyī, kūntogwa ū SEEBA Mulungu wing'we, na kūntūmamīla we na ng'holò yose na būpanga bose,
14
a henaho hū nakūmutūmīla mbula ū mu sī ying'we ng'wikanza lyayo; ī mbula ya wandījo wa shidikū nī ya kū būkalīkījo wa ng'waka, ūdūle kūyūpandīka chiza ī shilīwa nī divai, na a maguta.
15
Nū mu madīīmīlo gako nakūkūzwisīja maswa ga kūyūlya ī mitugo jako jigeja; nū bebe ng'wenekīlī ūkūyūlya ī shilīwa wigūta.
16
Ilang'hanagi gete, ī ng'holò jing'we jitizūhūmbūūlwa mugalūke ng'wandye kūlamya bamulungu bangī, na kūbinamīla.
17
Ūlū ng'wīta gīko ū būpelanu bo ng'wa SEEBA būkūmupembekela alīlugale ī ligūlū yooye ū kūtūla ī mbula, nī sī yooye ū kūtwaja a matwajo gayo. Ū mu gīko mutūdīla ū kūyagaala na kūshila ū mu sī yawiza īyo SEEBA alīng'winha.
18
Ī mihayo yane yenīyī īdimagi na būkalalwa ū mu ng'holò nū mu maganiko ging'we; ng'wītunge ū kū nkono nū kū būshū wing'we, ībize būmanīkījo.
19
Muyūbalanga mu welwa ng'holò a bana bing'we; ūlū ng'wigashaga mu kaya ng'wīhooyela, nūūlū mukūyeelaga mu nzīla, nūūlū mulaalile; nūūlū ng'wikanza lya kūbūūka.
20
Ūyandīke a ha nyango na a ha mita gwako,
21
Ī shikū jing'we nī shikū ja bana bing'we ī ja kwikala ū mu sī īyo SEEBA Mulungu wing'we walahīla kūbinha bakūlūgenji bing'we, jongejiwe ū ng'wikanza ī lyose aho sī ītaalī ha sīlīlī y'igūlū.
22
Nguno ūlū ng'wilang'hana, ng'ūshidima chiza pyī ī shilagalo īsho nalīng'winha, ng'ūntogwa ū SEEBA Mulungu wing'we, ng'ūshimīzīla ū mu nzīla jakwe ī jose, na kūdimana nang'hwe mu welwa ng'holò;
23
a henaho lūūlū nang'hwe ū SEEBA akūgapeeja pye a mahanga genaya gang'wīngīle. Mukūbiza na būdūla wa kūgataaja ī sī a mahanga genayo nūūlū īkī a goi mataale na galī na nguzu kūmutinda a bing'we.
24
Būlī hene aho mukūpanda na mhambala ja magūlū ging'we, ī lipandī lyenīlo līkūbiza ling'we; kwandīja ū kwitogolo īlo lītī na banhū kūshisha Lebanoni, na kūfuma kū mongo gwa Flati kūshisha kū nyanza ya ng'weli.
25
Atīho munhū wa kūdūla kwilwisha ning'we; ū SEEBA Mulungu wing'we akūtūūla lyogohya ling'we n'idetemya hose pyī ū mu sī būlī kwene ūko mulaaje.
26
Managi gīkī, ī lelo nalītūūla ū kū būtongi wing'we n'izumo kūlwa nguno ying'we.
27
Ī jilī mu kūzunya kwing'we ū kūshidima ī shilagīlo sha ng'wa SEEBA Mulungu wing'we, īsho nalīng'winha lelo īyī.
28
Alīyo izumo ūlū ng'ūlema ū kūshidima ī shilagīlo sha ng'wa SEEBA Mulungu wing'we, ūlū ng'ūgalūka ng'wīleka ī nzīla īyo nalīmulanga lelo, ng'wandya kūlondeela bamulungu bangī abo mutabamanile kwīngīīla ikanza lyose lyose.
29
Na lūūlū ū SEEBA Mulungu wako ūlū ūkūshisha ū mu sī īyo ūlīja kwīdima ībize yako, ī ūkūjitūūla kū lūgūlū lwa Gelizimu; alīyo ī lizumo ī lyene kū lūgūlū lwa Ebali.
30
Ī ngūlū jenījo jilī kū nkīlo gwa mongo gwa Yolodani, kūūko n'ikūūwa īlo līlī kū lwande lwa ng'weli kū būgwa līīmi; mu sī ya Bakanani abo bakikalaga bbihī na mitī mitaale ya Moole, ng'witogolo lya Alaba kūūko na Giligali.
31
Na lūūlū, ī haha yenīyī mulī hihī kūgūkīla ū mongo gwa Yolodani, muje kwīdima ī sī īyo SEEBA Mulungu wing'we alīng'winha ībize ying'we. Ūlū ng'wīsola na kwandya kwikala mo,
32
ilang'hanagi gete mugadime pye a malange, nī shilagīlo īsho nalīng'winha lelo yenīyī.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34