bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 28
Deuteronomy 28
Sukuma 2019
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 29 →
1
Ūlū ūliigwa mu wishigwa ī lilaka lya ng'wa SEEBA Mulungu wako, ūbiza nshikanu nū mu kūshimīzīla mu shilagīlo shakwe īsho nalīkūlagīla lelo īyī, ū SEEBA Mulungu wako akūkūgūngūhya higūlya ya mahanga gose ayo galī mu sī.
2
Nīyo ūlū ūliigwa ī lilaka lya ng'wa SEEBA Mulungu wako, ī jose īji jikūkwidīkīla, jikookalīīle.
3
Ūkūbiza na ū mu mizengo yako, nū kū malaale.
4
Ī nda yako ya būbyīle īkūbiza na mbango, na matwajo ga mu migūnda yako, pye nī mbyalwa ja mu madaale gako, ī ndama ja ng'ombe jako na a baana ba ng'holo jako.
5
Ī shigabbu shako shikūbiza na mbango, nī shiseme shako ī sha kūzugīla.
6
Ūkūbiza na ūlū ūlī mu kaya, n'ūkūbiza na nūūlū ūlī hanze.
7
A banishi bako abo balize kwilwisha nang'ho mu būlūgū ūkūbapyena, ū SEEBA akūbatūūla mu makono gako. Bakwiza ū kūkūūbūkīla balī hamò kūfuma ipandī līmò, alīyo bakūkūpeela babbalasanile kūja hose hose.
8
Ū SEEBA akūtūūla ū mu maluuli gako, nū mu milīmo yako yose īyo ūkwītūmama na makono gako. Ū SEEBA Mulungu wako akūkwīlūkīla ū mu sī īyo alīkwinha.
9
Ūlū ūshidima ī shilagīlo sha ng'wa SEEBA Mulungu wako, na kūshimīzīla mu nzīla jakwe, akūkwīta ūbize ihanga lya banhū bakwe beela, gīt'ūmo wakwilahīlīla.
10
Ū mu gīko pye a banhū ba mu sī bakwībona ī nguno ya kūkwenheleja witanīlwe kū lina lya ng'wa SEEBA; na lūūlū bakūkogoha.
11
Ū SEEBA akūkwinha ū mu sī īyo wabilahīlīla bakūlūgenji bako gīkī akūkwinha. Akūgīīlūkīla a matwajo gako ga nda ya būbyīle, nī mitugo jako, na a matwajo ga mu malaale gako.
12
Ū SEEBA akūlīlugūla ī ligūlū, ī libīkīlo lya shawiza shakwe, ūyūpandīka mbula ū mu sī yako mu makanza ayo gigeleelilwe, akūkwinha nū mu milīmo yose ya makono gako. Mahanga mingī gakūyūlanda kūfuma ū kūlī bebe, alīyo ū bebe ūtīko kūlanda kūlī ose ose.
13
Ū SEEBA akūkwīta ūbize ntwe, ūtūbiza nkīla na hado yaya. Ūlū ūshidīlīla ī shilagīlo sha ng'wa SEEBA Mulungu wako īsho nalīkwinha ī lelo īyī, kūshimiizīla musho mu welwa ng'holò, ūkūbiza higūlya gwa, ūtiika na hado yaya.
14
Na lūlū ūtizūgema kūgalūka ūshileke ī shilagīlo īsho nalīkwinha lelo; yaya ū kūbiza na mbyūla miso ya kūlola ūko na ūko, kūlondeela bamulungu bangī na kūbatūmamīla.
15
Alīyo ūlū ūleka ū kūbiza ng'wigwi ū kūlī SEEBA Mulungu wako, ūleka ū kūshilondeela mu welwa ng'holò pyī ī shilagīlo shakwe na a malange gakwe, ayo nalīkwinha lelo īyī, a mazumo gose aya gakūkwidīkīla, gakookalīīle:
16
Ūkūzung'wa ū mu mizengo yako, nū kū malaale gako.
17
Ī nda yako ya būbyīle īkūzung'wa, na a matwajo ga mu migūnda yako, pye nī mbyalwa ja mu madaale gako, ī ndama ja ng'ombe jako na a baana ba ng'holo jako.
18
Ī shigabbu shako shikūzung'wa, nī shiseme shako ī sha kūzugīla.
19
Ūkūzung'wa ūlū ūlī mu kaya, nūūlū ūlī hanze ūkūbiza ūzumilwe.
20
Ū SEEBA akūkūtūmīla mazumo na būlemeelwa, na būdalahwa ū mu yose īyo ūkūgema kwīta; ūkūhayimanīla wakenaagūka ūshila ho gete, nguno ya būhūbi ūbo ūlawīte kūlwa kūnileka.
21
Ū SEEBA akūkūtūla na mahūūya na mabūsaatu kūshisha akūkenaagūle gete, ūshile ū mu sī īyo ūjile kwīdima.
22
Ū SEEBA akūkūtūmīla na mabūsaatu gatī ga kūpīla, na miswiza na mabimbà; na būsebu būtaale bo līīmi, na būgaya mbula, na lūguukule, na lūgogà; ī shose shenīshi shikūkūkūūbīlīja kūshisha ūshile gete.
23
Ī ligūlū īlo līlī higūlya yako līkūbiza ibbaadi, ī sī yako nayo īkūbiza chūūma.
24
Ū SEEBA akwīgalūcha ī mbula ya mu sī yako ībize lūbuubu na būfuufu; a genayo gakūyidīka kūfuma ū kwilunde, kūshisha ūyagaale gete.
25
Ū SEEBA akūkwīta ūbize mpyenwa ū kū banishi bako. Ū ng'wikanza lya kūja kwilwisha būlūgū nabo ūkūbizīīla kūfuma ipandī līmò, alīyo bakūkūpeeja ūbbalasane kūja hose hose. Hama ūkūbiza shiilolelo sha kūkamaaja hose pyī ū mu mahanga ga mu sī.
26
Ī mibimba ya banhū bako īkūbiza shilīwa sha noni jose ī ja kūlala, nī shiinū pyī ī ja mu makūngū; nīyo atigela nūūlū ūmò wa kūjilecha.
27
Ū SEEBA akūkūtūla na mabute gītī ga Misili, na mabaale, mabūhele, na mabūbabū gabūbi; mabūsaatu ayo ūtūdūla kūpīla.
28
Ū SEEBA akūkūtūmīla makoye ga lūsalo, na būbboku, na kūhuugana maganiko.
29
Ūkūbiza wa kūja ūkūbbabbasha bbabbashaga nūūlū makanza ga līīmi, gītī mu giiti sha nyaboku. Būlī mhayo ūyo ūlaagwīte gūtūbiza na matwajo gose gose; hama būlī makanza ūkūbiza wa kwiboneelwa na kūtaagījiwa shikolo, alīyo atigela wa kūkūgunanha.
30
Nūūlū ūlūnja nkīma ūtūntoola, nguno munhū ūngī akūkwiboneela ansole alaale nang'hwe. Nūūlū numba ūkūzenga, alīyo ūtikala mo; ngūnda gwa mizabibu ūkūlīma, alīyo ūtūgalya a matwajo gaamo.
31
Nī ng'ombe jako jikūyūsīnzwa ūlolile, alīyo ūtīlya nūūlū īmò yajo; nī nzobe jako jikūyūsolwa bo nguzu yaya ū kūshokejiwa. Ī ng'holo jako bakwinhwa banishi, na atilonga wa kūkūgunanha.
32
Bitūnja bako na bashīke bako bakūtwalwa kwihanga līngī, ū bebe ūkūlekwa ūlolile kūshisha ūminyiwe ng'hūmbū, alīyo ūtūbiza na gwa kwīta.
33
Ihanga lya banhū abo ūtabamanile bakūgalya a matwajo ga mu sī yako, ayo ūkūganoga nogelaga na nkono gwako; nīyo ūkūbiza wa kūluha na kwiboneelwa sagala dūhū pyī ī shikū jako.
34
Ī mihayo īyo ūkwikala ūkwībonaga būlī makanza ntondo na ntodo, nose īkūgahūūganya a miso gako.
35
Ū SEEBA akūkūtūla na būsaatu wa mabute gabūbi no ū kū mazwi na magūlū gako; gakūbiza masaatu no gatī ga kūpīla, na gakūgūsambaalīla pyī ū mīlī kwandīja kū mhambala kūshisha kū londooji.
36
Ū SEEBA akūkūtwala ū bebe nū ntemi wako ūyo ūlantūūle, kwihanga īlo ūtalīmanile na hado yaya, pyī na a bakūlūgenji bako baalī batalīmanile. Ū kwenūko ūkūbiza namya wa bamulungu bangī, bamulungu ba mantī na ba mawe.
37
Ūkūbiza shiilolelo sha kūkamaaja, na ndalahwa wa kwikala ūkwanīīlagwa hose pyī ū kū mahanga ayo SEEBA alakūponye.
38
Ūkūhamba mbīyū ningī ū mu migūnda yako, alīyo ī shilīwa ūkūgesa shigehu no, nguno shikūlyiwa njige.
39
Ūkūlīma migūnda na kwīhamba mizabibu, alīyo ūtūng'wa ī divai, nūūlū ūtūgahūlūla a matwajo gayo; nguno īkūlyiwa magino.
40
Ūkūbiza na mitī mingī ya mizeituni pye a hose ū mu sī yako, alīyo ūtūgatūmamīla a maguta gayo, nguno a matwajo gakūyūholoosha.
41
Ūkūbiza na bitūnja hamò na bashīke, alīyo ūtikala nabo, nguno bakūding'wa batwalwe mu būsese.
42
Ī mitī ya mu sī yako īkwikīīlwa būhī na būhī wa njige, pyī nī shilīwa ū mu malaale gako.
43
Ū ngeni ūyo akwikala hamò nang'ho ū mu sī yako akūbiza higūlya, alīyo ū bebe ūkongeja kwika sīlīlī būl'ikanza.
44
Ūkūlanda shikolo ū kūlī we, alīyo ū bebe ūtūbiza na shikolo sha kūkūlanda ū wei. Ū wei akūbiza ntwe, ū bebe ūkūbiza nkīla.
45
A mazumo a gose aya gakūkwidīkīla gakookalīīle, kūshisha gakūkenaagūle gete, nguno ya kūlema kūlyigwa ī lilaka lya ng'wa SEEBA Mulungu wako, nū kūlemeelwa ū kūshidima ī shilagīlo shakwe, na a malange gakwe ayo wakwinha.
46
Gakūbiza shimanīkījo na mihayo ya kūkumya ū kūlī bebe, nū kū shibyalīlwe shako welelo bose.
47
Nguno ū ng'wikanza lyako lya būsabi, ūtantūmamīlile ū SEEBA Mulungu wako mu būyegi na kūsangabala.
48
Na lūūlū ūkūgatūmamīla a mahanga ga banishi bako ayo alīkūtūmīla ū SEEBA; nīyo ūkūtūmama mu makoye ga būtuubu, notà, būzuuka, na būkuuneese būtaale. Akūkūtunga ijoki lya chūūma ū mu nhingo yako, kūshisha akūmale gete.
49
Ū SEEBA akwenha ihanga lya kūkūdumīla, īlo ūtīko kūlūmana ū lūlīmi lwalyo; līkūfuma kūle kūfuma kū ngelelo ya sī. Līkwiza likwelemaga gītī mbeeshi īkwikaga hasī.
50
Līl'ihanga lya banhū ba būshū wa makanji ū kūbūlola; ī lyoi lītadīlīlaga banamhala na bagikūlū, hama lītabasaatagwa na a bado bado nūūlū na hado yaya.
51
A banhū benabo bakūjilya pyī ī mitugo jako, na a matwajo ga mu sī yako, kūshisha ūkenaagūke. Batūkūlekela shilīwa nūūlū hado, pyī nī divai na a maguta; batūkūlekela nūūlū ndama ja mu madaale gako, nūūlū baana ba ng'holo, kūshisha ūshile ho gete.
52
Pyī ī mizengo īyo wīsanije mu sī yako, īkī īgītīlījiwe ndugu ndīhu ū kūja ū ng'wigūlya, bakwīpīndīlīja mabità ga bashilikale kūshisha īgwe hasī pye. Bakwīpīndya na mabità ga bashilikale ī mizengo ī yose, ū mu sī īyo SEEBA Mulungu wako alīkwinha.
53
Kūlwa kaluhīle kataale ū ng'wikanza lya kūpīndiwa na a mabità genayo, ūkūgalya nose na a matwajo ga būbyīle wako; ūkūlya nyama ja bitūnja na bashīke bako, abo SEEBA Mulungu wako akūkwinha.
54
Nū munhū ū mpolo gete na ng'wiza ng'holò ū mu bing'we akūng'wima nūūlū ng'wanong'wawe, pyī nūūlū nke ūyo antogilwe, nūūlū a baana bakwe abo bataalī bapanga.
55
Akūbahuhuma pye a benabo ī nyama ya bana abo wababūlagaga, nguno shikūbiza h'ī shenīsho dūhū īsho wasaajaga, kūlwa būluhi ūbo būkūkūgwīla ū ng'wikanza lya mizengo yako kūpīndīlījiwa na banishi bako.
56
Nū nkīma ū mpolo gete na ng'wiza ng'holò ū mu bing'we, ūyo būpolo na wiza ng'holò wakwe būkīlanīgije kagemeelelwe, nang'hwe akūng'huhuma ū ngoshi nūūlū akabiza antogilwe na kinehe; nīyo akūng'huhuma nūūlū ng'witūnja wakwe, pyī nūūūlū ū nshīke wakwe.
57
Akūlībisa ī liheeki lya kūfuma mu nda yakwe, na a beelele abo alabyale; nguno alī n'iganiko lya kūbalya mu mbisīla, ū ng'wikanza lya banishi bako kūkūgwisīja būluhi, kūlwa kwīpīndya na mabità gabo ī mizengo yako.
58
Ūlū ūleka kwīlondeela mu welwa ng'holò pyī ī mihayo ya shilagīlo shenīshi īyo yandīkilwe ū mu shitabo īshi, ūleka kūlīkūja ī lina ī lyawiza na lya magaka no no no, ī lya ng'wa SEEBA Muluangu wako,
59
ū SEEBA akūkūtūmīla mahūūya ga kogohya no ū bebe nī shibyalīlwe shako; mabūkenaagūji gabūbi na gakūshinga ho myaka mingī, na mabūsaatu ga kūkamaaja ayo gatī gakūpīla wangū.
60
A mabūsaatu ga Misili pye ayo walī ūgogohile, akūkwenhela gakūdamīīle.
61
Nīyo ū SEEBA akūkwenhela mabūsaatu na gangī gatandīkilwe nū mu shitabo sha shilagīlo īshi, hamò na mahuuya; kūshisha ūshile ho gete.
62
A bing'we abo ng'walī bingī gītī sonda ja ng'wigūlū, mukūsaaga bageehu no, nguno ya kūlema kūng'wigwa ū SEEBA Mulungu wing'we.
63
Ūmo walī ayegelile ū SEEBA kūng'wītīla yawiza, na kūng'wīta mubize bingī, nū kūmukenaagūla na kūmuyagaja akūyega gīko. Managi mukūdubbūlwa ng'wīnjiwe ū mu sī īyo mulīja kwīdima.
64
Hūna ū SEEBA akūkūsalang'hanya kūja hose pyī pyī pyī ū mu mahanga; kūfuma wandījo wa sī kūshisha kū būkalīkījo wayo. Ū kwenūko ūkūbiza namya wa bamulungu bangī, bamulungu ba mantī na ba mawe, abo ūtabamanile ū bebe, nūūlū a babyaji bako.
65
Ūtūdūla ū kūlembeela ū kū mahanga genayo, nīyo ūtūpandīka nūūlū ha kūtūūla lūpambala lwako gīkī wifuule. Ū ng'wikanza lya kūbiza kwenūko, ū SEEBA akūkwinha maganiko gatī ga kūlembeela na miso galyūngūmile, na kūgwa ng'holò.
66
Ūkūbiza munhū wa kwikala ūkwibakīlaga na kūtawatawa pye a makanza līīmi na būjikū, nguno ūtūdūla ū kwīmana īyo īkūkwilongela ū mu būpanga wako.
67
A makanza ga dilū ūkūyūhaya, “Hambū hambū ūlū ni mhīndī ī haha!” Ūlū lyūbiza lya mhīndī nahene ūkūhaya, “Hambū hambū ūlū ni dilū ī haha!” Ī yenīyo ūkwīhaya kūlwa nguno ya boobà ūbo ūkūyikala nabo ū mu ng'holò yako, nī mihayo īyo ūkwībona na miso gako.
68
Ū SEEBA akūmushosha Misili mu meeli, ū lūgendo ūlo nakakūwīla gīkī ūtigeleelilwe kūlūbūūcha hangī. Ū kwenūko mukwijinja kū banishi bing'we gīkī mubize nūūlū basese bagosha na bakīma; alīyo atilonga ū wa kūmugūla.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34