bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 2
Deuteronomy 2
Sukuma 2019
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
1
Hanuma ya henaho tūkīnga ī lipandī lyenīlo, tūūgalūka tūūdima nzīla ya kūja kwitogolo lya kūjīlīīla kū nyanza yaza, gīt'ūmo walī wanilagīīlīla ū SEEBA. Myaka mingī īkabīta tūkwipīndīlaga ng'witogolo lya sī ja magūlya ga Seili.
2
Hūna ū SEEBA ūniwīla gīkī,
3
“Lyang'wigelaga lūūlū ī likanza lya kūyeela yeela ū mu sī ya magūlya yenīyī, ī haha galūkagi mulole sukuma.
4
Binhage a banhū ī shilagīlo īshi; ūbawīle gīkī, ‘Ī haha mulī bbihī kūbīta mu sī ya baana bang'wing'we, a ba shibyalīlwe sha ng'wa Esau, abo bakikalaga mu sī ya Seili. A boi bakūng'ogoha no, alīyo shing'wigelelile kwilang'hana gete.
5
Mutizūbikoloosha nose bakandya kūlwa būlūgū ning'we, nguno natūūng'winhaga ī sī yabo; yaya nūūlū ni katogolo kado kakūtūūla lūpambala dūhū. Ī sī ya magūlya ga Seili naamala kūng'winha Esau, īlī yakwe ī yenīyo.
6
Mukūfunya hela ja kūshigūla ī shilīwa shabo īsho mulaalye, na a minzī ayo mulatūmamīle.’”
7
Ū SEEBA Mulungu wing'we wamufuuhile ū mu milīmo ying'we ī yose īyo mukūtūmamaga na makono. Wamulang'hanile ū mu lūgendo lwing'we ū ng'witogolo na būtaale walyo ī lyose īlī. Ū SEEBA Mulungu wing'we walī hamò ning'we ū ng'wikanza lya myaka makūmi anè, na mutageehelilwe shikolo shose shose.
8
Na ng'hana tūkabīta ū mu sī ya badūgū bise, a ba shibyalīlwe sha ng'wa Esau abo bakikalaga mu Seili. Tūūgalūka twīnga ū ng'wikūūwa lya Alaba, īlo lītulumenhile kūfuma kū magūlya ga Elasi na Ezioni-geba; tūja n'ikūūwa lya kūbītīla ng'witogolo lya Moabu.
9
A henaho ū SEEBA ūniwīla hangī, “Ilang'hanagi mutizūbikoloosha a Bamoabu, nose mukabasayīcha bandye kwilwisha būlūgū ning'we. Nguno natūng'winha ī sī yabo nūūlū katogolo kado. Ī sī ya Aali naamala kūbinha ba shibyalīlwe sha ng'wa Lutu, īlī sī yabo.”
10
(Ū mu sī yenīyo ī kale bikalaga Baemu, banhū ba nguzu, nīyo bingī, hama balīhu gītī Baanaki.
11
Nabo baabalagwa gīkī balī Balefai, alīyo a Bamoabu baabitanaga Baemi.
12
Ū mu sī ya Seili bikalaga Bahooli ī kwandya, alīyo a banhū ba shibyalīlwe sha ng'wa Esau būbapyena; būbapeeja moi bikala mo boi a ha ng'wanya gwabo, gīt'ūmo bakīītīla Baisilaeli ū mu sī īyo SEEBA walī wabinha kūbiza yabo.)
13
Hanuma ū SEEBA ūhaya, “Ī haha lūūlū būkagi mugūkīle ū mongo gwa Zaledi.” Na ng'hana tūūgagūkīla ū mongo gwenūyo.
14
Ū kūfuma a h'ikanza lya kwīnga Kadeeshi-balinea kūshisha a ha kūgūkīla ū mongo gwa Zaledi, īkabīta myaka makūmi adatū n'īnaane. Ū ng'wikanza lyenīlo pye a bagoosha abo baalī badūgije kūbiza ng'wibità lya kūlwa būlūgū bakacha; pyī ī shibyalīlwe shabo shūshila, gīt'ūmo SEEBA walī wabilahīlīla.
15
Ū SEEBA walī wabagoloolela nkono, kūshisha ūbamala pye gete ū mu ng'hambī ngima.
16
Na lūūlū aho baakalīka a bagoosha abo baalī badūgije kūlwa būlūgū, aho bashila kūcha pye a bose gete,
17
ū SEEBA ūniwīla gīkī,
18
“Ī lelo īyī mukūbītīla Aali mulūkīle ū lūbīmbī lwa Moabu.
19
Ūlū mulashike ū mu sī ya Baamoni yaya ū kūbikoloosha, nose mubasayīche bandye kwilwisha būlūgū ning'we. Nguno natūng'winha ī sī ya Baamoni nūūlū katogolo kado; ī sī yenīyo naamala kūbinha ba shibyalīlwe sha ng'wa Lutu, īlī sī yabo.”
20
(Ī sī yenīyo nayo yalī ībalilwe gīkī yalī ya Balefai, abo bikalaga mo ī kale; a Baamoni babitanaga Bazamuzumi.
21
Baalī banhū ba nguzu, nīyo bingī, hama balīhu gītī Baanaki. Ū SEEBA akabakenaagūla būshila ho, bīsola Baamoni ī sī yabo.
22
H'ūmo akītīla ū SEEBA nū mu kūbagunanha a ba shibyalīlwe sha ng'wa Esau, abo bikalaga mu sī ya Seili, aho akabakenaagūla a Bahooli ūbapeeja būbīngīla, biza bigasha boi ū mu sī yenīyo a ha ng'wanya gwabo, kūshisha lelo īyī.
23
Baalīho na banhū bitanagwa Baavi, baalī bazengile mu magūngūli malebe, bīsambaalīla ī sī kūshisha mu Gaza, a bene bakakenaagūlwa na banhū ba kūfuma Kafutooli, būyīsola ī sī yabo, bikala mo a Bakafutooli.)
24
“Na lūūlū būkagi muje nalo ū lūgendo lwing'we, mugūkīle ū mongo gwa Alinoni. Managi gīkī ū Sihoni ū ntemi wa Heshiboni ū muna Amoli, nantūūlile mu makono ging'we, pye nī sī yakwe. Ndumīlagi ī haha ng'wandye būlūgū nag'hwe, ng'wīsole ī sī yenīyo, ībize ying'we.
25
Ī lelo īyī nakwandya kūgoolecha a magaka ging'we ū kū mahanga pye ayo galī ha sīlīlī y'igūlū; būlī bene abo balalwigwe ū lūkumo lwing'we nakūbatūūlīla booba bang'ogohe, bandye kūdetema na kūzwangana kūlwa nguno ying'we.”
26
Aho twashika ng'witogolo lya Kedemoti nakatūma banhū ū kūlī Sihoni, ū ntemi wa Heshiboni, kūntwalīla mihayo ya kūlomba mhola. Nūng'wīla gīkī,
27
“Tūzunīlījage tūbīte ū mu sī yako. Tūkūbīta ng'wikūūwa dūhū, tūtūgalūka kū nkono gwa būlyo nūūlū gwa lūmoso.
28
Ī shilīwa sha kūlya na a minzī ayo tūlatūmamīle tūgūgījage, tūkwinhe ī hela gīt'ūmo gūlī ū mpango gwasho. A bise tūlīkūlomba ūtūzunīlīje tūbīte dūhū,
29
gīt'ūmo baalī batūzunīlīgije banhū ba shibyalīlwe sha ng'wa Esau abo bakikalaga Seili; na a Bamoabi abo bakikalaga mu sī ya Aali. Tūtogilwe kūgūkīla ū mongo gwa Yolodani tūje mu sī yise, īyo SEEBA alītwinha.”
30
Alīyo ū Sihoni akalema ū kūtūzunīlīja ū kūbīta, nguno ū SEEBA Mulungu wing'we walī wagwīta ū moyo gwakwe gūbiza ndaamu, wīgagabaja ī ng'holò yakwe gīkī antūūle mu makono ging'we, gīt'ūmo wītīlile ī haha.
31
Hūna ū SEEBA ūniwīla, “Ī haha nandyaga kūntūūla ū Sihoni nī sī yakwe mu makono gako; na lūūlū nang'ho andyaga ū kwīdima ī sī yakwe, wīsole ībize yako.”
32
Ū Sihoni nī libità lyakwe aho watūsanga Yahazi kwiza kwamba būlūgū nise,
33
ū SEEBA Mulungu wise ūntūūla mu makono gise, tūntūla ūyagaala na a bitūnja bakwe, pye nī libità lyakwe.
34
Ī likanza lyenīlo twīdima pyī ī mizengo yakwe, tūbamala kūbabūlaga pye a banhū baamo, bagosha, bakīma, na a banīgīnī. Tūtalekile mo munhū mpanga nūūlū ūmò!
35
Alīyo ī mitugo nī shikolo īsho tūkasola mu mizengo, ī shene tūshijana shūbiza shise.
36
Pye hose hose, kwandīja ū nzengo gwa Aloe ūyo gūlī bbihī na mongo gwa Alinoni, nū nzengo ūyo gūlī ū mu ntubīlo gwa mongo, kūshisha Gileadi, gūtigelile nūūlū gūmò ūyo gwalī gūdūgije kūtūpyena. Ū SEEBA Mulungu wise akatwinha pyī ī mizengo yenīyo.
37
Gwike mukīīta gīt'ūmo SEEBA Mulungu wise walī watūlagīīlīla, mutasakamīlile sī yose yose ya Baamoni, nūūlū sī jose jose ījo jilī kū mbalama ya mongo gwa Yaboki, nūūlū ī mizengo ya kū sī ja magūlya.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34