bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 15
Deuteronomy 15
Sukuma 2019
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
1
Būlī ng'waka gwa mpungatī ū kū būkalīkījo wago, mukūbalekeja a banhū abo mukūbatondaga būgasa.
2
Ū būlekeja wenūbū mukūwīta mu nzīla yīyī, būlī ntondi ūyo akūntondaga Ng'wisilaeli ng'wiye būgasa bo shikolo, akūnekeja; aleke ū kūntonda ū būgasa wenūbo ū Ng'wisilaeli ng'wiye, nūūlū nzenganwa ng'wiye. Nguno ī likanza lya ng'wa SEEBA lyahamīlagwa, īlo alītūūlile kūlwa kūbalekeja banhū būgasa wabo.
3
Ūdūgije kūsola ī shikolo ū kūfuma ū kūlī nobeji, ūyo atī Ng'wisilaeli ng'wiyo; alīyo ū ndūgūyo ū ng'wene nekejage gete pyī ū būgasa wakwe.
4
Gwike nahene ītīho nguno ya kūbiza ho bahabī ū mu bing'we; nguno ū mu sī īyo SEEBA Mulungu wako alīkwinha ībize yako ya wingīji wako, akūkwīlūkīla ningī no.
5
Ū bebe bizaga ng'wigwi dūhū ū kūlī SEEBA Mulungu wako, ūbiza ng'welwa ng'holò ū kūshimīzīla ū mu shilagīlo īsho nalīkwinha lelo.
6
Nguno ū SEEBA Mulungu wako akūkwīlūkīla gīt'ūmo kūlī kwisagīja kwakwe; na lūūlū banhū ba mahanga mingī bakūyiza ū kūlī bebe kūlanda shikolo, alīyo ū bebe ūtūlanda kūfuma kūlī ose ose; hama ūkūsuga mahanga mingī, alīyo lītigela ihanga nūūlū līmò lya kūkūsuga ū bebe.
7
Gwike ūlū ng'habī wilonga ū mu baana ba ng'wing'we mu nzengo gūmò gwaho ū mu sī īyo SEEBA Mulungu wako īyo alīkwinha, ūtizūbiza mi ng'holò, nūūlū ngugu ū kūlī ndūgūyo ūyo alī na makoye ga būhabī.
8
Alīyo bizaga ng'wiza ng'holò, nzunīlījage ū ng'wiyo akūlande īsho atī nasho.
9
Ilang'hanage ūtizūbiza n'iganiko lyabūbi ū mu ng'holò yako lya kwiwīla, “Yaya nguno gwegeelaga no ū ng'waka gwa mpungatī, ū gwa kūbalekeja banhū būgasa wabo.” Na lūūlū kūlwa mhayo gwenūyo ūtizūmipīja ng'holò ū ndūgūyo, ūkaleka kūngunanha ūlū alī mu makoye. Nguno ū ndūgūyo ūlū ūnīlīīla SEEBA ū mu mhayo gwenūyo, ū bebe ūkūbalīlwa būbi.
10
Hū kūhaya īkwigelile ūngunaane ū ndūgūyo, nīyo wīte mu wiza ng'holò. Ūlū wīta gīko ū SEEBA Mulungu wako akūkwīlūkīla ū mu milīmo yako yose, nū mu yose īyo ūkwīyīta na makono gako.
11
Managa gīkī a bahabī batūleka ū kwilonga ū mu sī, na lūūlū nalīkūlagīla ūbize ng'wiza ng'holò ū kūlī ndūgūyo, ū kū banhū abo balī na makoye na a bahabī abo balīmo ū mu sī yako.
12
Hama ūlū Ng'hebulania ng'wiyo, ngosha nūūlū nkīma, ūjinjiwa kūlī bebe ūbiza nsese wako, hūna ūkūtūmamīla kūshisha ikanza lya myaka ītandatū, ū mu ng'waka gwa mpungatī ūkūng'winha wiyaabī.
13
Nīyo ūlū ūng'winha ū wiyaabī, ūtizūneka aje makono dalali.
14
Ng'wītīlage wiza ng'holò ūngabūlīle nang'hwe nūūlū tūgeehu kūfuma ū ng'widaale lyako, na a ha lūbūūga lwako, nū ng'wikamīlo lyako lya divai. Ng'winhage kūlenganīla nī ījo SEEBA Mulungu wako wakwīlūkīla.
15
Shikwigelile kwizūkwa gīkī, ū bebe walī nsese mu sī ya Misili; alīyo ū SEEBA Mulungu wako ūūkūkomoola, h'ī nguno yene ī lelo nalīkwinha ī shilagīlo shenīshi.
16
Alīyo ū ndūgūyo ūlū ūkūwīla, “Natatogilwe ū kwīnga a ha ng'wako,” īkī wakūtogilwe no pyī nī kaya yako, nīyo hangī alībona gīkī a ha ng'wako abeegije no.
17
Ūlū gūja chene solaga līmeelo, hūna ūng'wenhe ha nyango, ūgūkandīkīje ū gūtū gwakwe ha nyango ūgūchibūlīle henaho nī līmeelo lyenīlo; na lūūlū kūfuma ikanza lyenīlo akūbiza nsese wako ilalī. Nū nsese wako ū nkīma ūkūng'wītīla gīko.
18
Ūtizūbona gīkī ū kūng'winha wiyaabī ū nsese wako gūlī mhayo ndito no, nguno ī solobo ya kūkūtūmamila ikanza lya myaka ītandatū dalali, īlī nhaale no; īkīlile ng'hangala ibīlī a ha solobo ya kūfuma mu milīmo ya kūbeejiwa na bitūmamīja ba mheela. Na lūūlū ū SEEBA Mulungu wako akūkwinha ū mu yose īyo ūlayīte.
19
Ū mu madaale gako ga ng'ombe na ga ng'holo na mbūli, ī mbyalwa ja kwandya ī ng'hosha pyī ī jose jisolanhyage kūlwa ng'wa SEEBA Mulungu wako. Ī mbyalwa ja kwandya ja ng'ombe jako yaya ū kujitunga ijoki gīkī jibize ja kūtūmama milīmo, nī mbyalwa ja kwandya ja ng'holo jako ūtizūjileka gīkī ūyūpandīka solobo nguno ya booya wajo.
20
Ū bebe hamò nī kaya yako mukūyūjilya ī mitugo jenījo būlī ng'waka, kū būtongi bo ng'wa SEEBA Mulungu wako, ū kwipandī īlo alalīsole wei.
21
Ū ntugo gwa mbika yenīyo ūlū gūlī na būlemehazu būlebe; gītī kūgigīla, būbboku, nūūlū būlemehazu būngī bose bose wabūbi, yaya ū kūgūfunya kūbiza shitambò kūlwa ng'wa SEEBA Mulungu wako.
22
Ū gwenūyo ūkūgūlya ūlī mu nzengo gwa ng'wing'we; banhū bose badūgije kūlya ī nyama yenīyo, babize beela na a babo batī beela; lyagi gīt'ūmo mukalīīlaga laala nūūlū saala.
23
Gwike yaya ū kūgalya a mininga gayo, gitage hasī gītī minzī.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34