bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 20
Deuteronomy 20
Sukuma 2019
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
1
Ūlū ūbūūka kūja kū būlūgū kwilwisha na banishi bako, ūbona gīkī balī na falasa na magogoteni mingī ga būlūgū, nī libità lyabo līl'itaale kūtinda ī lyako, yaya ū kūbogoha; nguno ū SEEBA Mulungu wako, ūyo wakwenha kūfuma sī ya Misili akūbiza hamò nang'ho.
2
Ūlū lyegeela kūshika ikanza lya kūja kū būlūgū, ū ngabīji ize ū kū bashilikale ahooye nabo;
3
abawīle, “Igwagi gete Baisilaeli, ī lelo mulīfuma kūja kwilwisha būlūgū na banishi bing'we. Mutizūhaahūūka nūūlū kogoha, yaya ū kūdetema nūūlū kūbbaha ū kūbūtongi wabo.
4
Nguno ū SEEBA Mulungu wing'we alīja hamò ning'we; hū ng'wene ūyo akūmulwīlīīla ū kū banishi bing'we ang'winhe būpyeni.”
5
Hanuma a batongeeji ba mabità ga bashilikale bakūhooya nabo babawīle, “Alīho nani ūyo wazengile numba haha ītaalī mhya, ataalī nūūlū kwītūūla mu makono ga ng'wa SEEBA? Ni ashokage kaya atizūchīla kū būlūgū ī numba yenīyo īkatūūlwa na ūngī ū kūlī SEEBA.
6
Nūūlū alīho nani a henaha ūyo walīmile ngūnda gwa mizabibu haha, alīyo ataalī kwandya ū kūgalūmba a matwajo gaamo? Ni ashokage kaya, atizūchīla kū būlūgū a matwajo ga mu ngūnda gwakwe gakalūmva na ūngī.
7
Nūūlū hamo alīho munhū a henaha walūngije nkīma haha, gwike ataalī ū kū ntoola? Ni ashokage kaya atizūchīla kū būlūgū ū nkīma ng'wenūyo akatoolwa na ūngī.”
8
Hanuma ya henaho a batongeeji ba bashilikale bakongeja kūhaya, “Hamo alīho ose ose ogohaga? Ni ajage kaya atizūbenheleja na biye kogoha.”
9
A batongeeji ba bashilikale ūlū būmala ū kūhooya na a mabità, bakūbakomanya bamò babo babatūūle kūbiza bataale ba mabità.
10
Ūlū ūbūūka kūja kūbadumīla banhū mu nzengo nebe, gīkī ūlwe nabo būlūgū, binhage tame ng'wanya gwa kūhooya nang'ho mihayo ya kūtūūla mhola.
11
Ūlū būzunya, būkūlekela wingīla ū mu nzengo gwabo, pye a banhū ba ng'wene bakūbiza batūmami bako, bakūbeeja pyī ī milīmo yako īyo ūlabatūme kūbeeja.
12
Alīyo ūlū būlema ū kūhooya, bandya kūkūdumīla kwilwisha nang'ho būlūgū, ū nzengo gwabo gūtūūlīlage mabità ga bashilikale gagūpīndīlīje.
13
Hūna ū SEEBA ūlū ūgūtūūla mu makono gako ū nzengo gwenūyo, pye a bagoosha ūkūbabūlaga na līlūshū.
14
Lelo a bakīma na a baana nī mitugo, pyī nī shingī ī sha mu nzengo gwenūyo, ūkūsola ūpandīke nding'wa. Ī shose īsho alakwinhe ū SEEBA Mulungu wako kūfuma ū mu banishi bako ūdūgije kūtūmamīla gīt'ūmo ūtogelilwe.
15
Ūkwīyītīla gīko pyī ī mizengo īyo īlī ka kūle nang'ho, ī mizengo ya mahanga ayo gatī bbihī nang'ho.
16
Alīyo ū mu mizengo ya mahanga ayo SEEBA Mulungu wako alīkwinha kūbiza wingīji wako, ūtizūlekeela mo shose shose īsho shikesheemaga.
17
Yagajaga pye pye pye gete; a Bahītī, Baamoli, Bakanani, Bapelizi, Bahīvī, na a Bayebusi, gīt'ūmo SEEBA Mulungu wako wakūlagīīlīla.
18
Batizūbiza ba kūkūlanga kūshimīzīla mu mihayo ya malofu yose yose, īyo bakītūmamīlaga mu kūbalamya bamulungu babo. Ūlū wīta gīko ūkūng'hūba no ū SEEBA Mulungu wako.
19
Ūlū ng'ūgūpīndīlīja nzengo gose gose n'ibità mukūlwaga nago gīkī mugūsole, hūna ng'ūkwīja ī shikū mulīho a h'ipandī lyenīlo, yaya ū kwīkenaagūla ī mitī mukwībbutagūlaga na mbasa, nguno mukūyūūlya; mutizīgwisanja. Ī gīsī, ī mitī ya mu makūngū yabizaga banhū nose ng'wilwishe nayo a bing'we?
20
Gwike ahene mudūgije ū kūbbuta ī mitī īyo ng'wīdeebile gīkī ītī na matwajo ga kūlyiwa. Ī yenīyo mudūgije ū kūzengela ī nhala ja būlūgū ūlū mugūpīndīlīgije ū nzengo gwenūyo kūshisha mugūgwishe.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34