bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 26
Deuteronomy 26
Sukuma 2019
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
1
Nīyo ūlū ūshika ū mu sī yenīyo, īyo SEEBA Mulungu wako alīkwinha kūbiza ya wingīji wako, ūbiza wīdima wigasha mo ūlembeela,
2
ūkūsola matwajo gamò ga kwandya kūfuma ū mu matwajo ga mu sī īyo SEEBA Mulungu wako alīkwinha, ūgatūūle mu shigabbu. Hanuma ūje ū kwipandī īlo SEEBA Mulungu wako alalīsole kūlwa wikalo wa lina lyakwe.
3
Ū ngabīji ūyo alī h'isumbī ū mu shikū jenījo ūkūshika ūng'wīle, “Ī lelo nalīhaya hape ū kūlī SEEBA Mulungu wako gīkī, naashikile lūūlū ī haha ū mu sī īyo SEEBA walī wabilahīlīla bakūlūgenji bise gīkī akūtwinha.”
4
Ū ngabīji akūshisola ī shigabbu kūfuma ū mu makono gako ashitūūle hasī kū būtongi wa ng'walīlo go ng'wa SEEBA Mulungu wako.
5
Hanuma ya henaho ūkūhaya hape ū kū būtongi bo ng'wa SEEBA Mulungu wako, “Ū nkūlūgenji wane walī muna Alaamu wa kwikala akūsaamaga; akīīta ūsaamīla Misili, ūja ko na banhū bagehu dūhū, ūkikala kwenūko, ūbiza ihanga itaale lya nguzu na lya banhū bingī.
6
Alīyo a Bamisili bakatūluhya no, būtwītīla mihayo mingī ya kūminya, būtūtūmamya milīmo midito no.
7
Aho twanīlīīla ū SEEBA, ū Mulungu wa bakūlūgenji bise, ū SEEBA ūtwigwa ū kūlīla kwise, ūgabona na a makoye gise nū būluhi, pyī nū wiboneelwa wise.
8
Na lūūlū ū SEEBA ūgoloola nkono gwakwe gwa būdūla, ūtūfunya ū mu sī ya Misili na lyogohya itaale na shimanīkījo sha kūkumya, na mihayo ya kūdedebaja;
9
ūtwenha ū kwipandī īlī, ūtwinha ī sī yenīyī; sī ya būhondo.
10
Na lūūlū ī haha nenha a matwajo ga kwandya ga mu sī īyo bebe SEEBA waninha.” Hanuma ūkūshitūūla ī shigabbu kū būtongi bo ng'wa SEEBA Mulungu wako, hūna winama kū būtongi wakwe.
11
Ū bebe nū Nawī hamò nū ngeni ūyo akikalaga nang'ho, mukūshiyegela ī shizeeze shose īsho alīkwinha ū SEEBA Mulungu wako, hamò nī kaya yako.
12
Ūlū ūmala kūtūūla ha mhelo pyī ī zaka ya matwajo gose a ga mu ng'waka gwa kadatū, ūyo gūlī ng'waka gwa zaka, ī zaka yenīyo ūkūng'winha Nawī, na ngeni, nū yūyo atī na bakwe hamò na nchīlwa; nabo balye ū mu mizengo yako bigūte.
13
Hanuma ya henaho ūkūng'wīla ū SEEBA Mulungu wako, “Ū ngabo ng'wela nagwīnjaga ū mu ng'wane, nang'winhaga Nawī na ngeni, nū yūyo wamala bakwe, hamò na nchīlwa, kūlenganīla nī shilagīlo shako ī shose. Natagalūkile gīkī nashileke ī shilagīlo shako, nūūlū natashībile na hado yaya.
14
Nūūlū aho naalī ng'wikanza lya būpīna nataliile shose shose kūfuma ū mu ngabo gwa shikolo ī sheela. Nūūlū aho nalī mu shikū ja būsoso natagemile kūkuumya shose shose ū mu shikolo shenīsho; nūūlū natashifunije shimò shaho kūlwa nguno ya bafu. Naabizile ng'wigwi ū kūlī SEEBA Mulungu wane, nīītile pyī ī yose gīt'ūmo wanilagīīlīla.
15
Bebe ūyo ūlī ng'wigūlū, lolaga ū kūfuma ū kū wikalo wako wela, ūbīīlūkīle a banhū bako a Baisilaeli, nī sī īyo watwinha, ī sī ya būhondo ī ya kūsūlūka būkī na mabeele, kūlenganīla nū kwisagīja kwako gīt'ūmo ūkabilahīlīla bakūlūgenji bise.”
16
Na lūūlū, ū SEEBA Mulungu wako alīkūlagīla ī lelo īyī kūshimīzīla ū mu malange nī shilagīlo shenīshi; ilang'hanage ūshidime na ng'holò yako yose, na būpanga wako bose.
17
Ī lelo īyī wahabūlaga na nomo gwako gīkī ū SEEBA alī Mulungu wako, na gīkī ūkūshimīzīla ū mu nzīla jakwe na kūgadima a malange gakwe na a kahelele kakwe, nī shilagīlo shakwe; na gīkī ūkūbiza ng'wigwi ū kūlī we.
18
Ī lelo yenīyī ū SEEBA nang'hwe wahayaga hape gīkī mulī banhū bakwe ba wikomangīle, gīt'ūmo kūlī kwisagīja kwakwe, na gīkī īkūng'wigeleelwa kūshidima pyī ī shilagīlo shakwe.
19
Wahayaga gīkī akūng'wīta mubize ba kūkumīlījiwa na ba lūkumo lwawiza n'ikūjo, kūtinda pye a mahanga ga banhū abo wababeeja, na gīkī mukūbiza banhū beela kūlwa ng'wa SEEBA Mulungu wing'we, gīt'ūmo kūlī kwisagīja kwakwe.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34