bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 9
Deuteronomy 9
Sukuma 2019
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
1
Na lūūlū igwaga Isilaeli, ī haha ūlī bbihī kūgūkīla ū mongo gwa Yolodani, ūje kūgapeeja mahanga mataale na ga nguzu kūtinda bebe, kū sī ya mizengo mitaale īpīndīlījiwe ngītīli ja ndugu, ja būlīīhu wa kushika kū malunde.
2
A banhū ba kwenūko balī na nguzu, hangī balīīhu no, ba shibyalīlwe sha ng'wa Anaki. Ū bebe ūbamanile, nīyo ūlūdeebile nū lūkumo lwabo ūmo bakahayīlagwa, “Nani ūyo adūgije kwilwisha na Baanaki?”
3
Alīyo ī lelo yenīyī managa hape gīkī, ū SEEBA Mulungu wako hū ng'wene ūyo alīkīla, atonge ko gītī moto gwa būpī gūkūlyaga mabbaala. Akūbakenaagūla wei, akūbagwisha ū kū būtongi wako. Hūna ū bebe ūkūbapeeja na kūbayagaja wangū, gīt'ūmo SEEBA wakwisagīja.
4
Alīyo ū SEEBA Mulungu wako ūlū ūbapeeja būkwīngīla, ūtizikumīlīja ūlīhaya, “Ū SEEBA wanenhile ū mu sī īyī kwiza kwīsola ībize yane kūlwa nguno ya būtūngīlīja wane.” Ītī gīko na hado yaya, alīyo īlī kūlwa nguno ya būsoso wa nhūngwa jabo a banhū ba mahanga genayo, hī chene ū SEEBA alībapeeja bakwīngīle.
5
Ūtūjaga kwīsola ī sī ya banhū benabo kūlwa nguno ya būtūngīlīja wako, nūūlū kūlwa būgololoku wa nhūngwa jako. Alīyo īlī kūlwa nguno ya būsoso wa nhūngwa jabo, hī nguno yene ū SEEBA Mulungu wako akūbapeeja bakwīngīle, ashikīlīje īyo wabisagīja bakūlūgenji bako ba Abulahamu, Isaka na Yakobo.
6
Hūna lūūlū itegelejage gīkī, ū SEEBA Mulungu wako atūkwinhaga ī sī yawiza yenīyo kwīsola ībize yako, kūlwa nguno ya būtūngīlīja wako; nguno ū bebe ūl'ihanga lya banhū ba nhingo ngang'hanazu no.
7
Gwizūkagwe ū mhayo ūyū, ūtizīība ūmo ūkampelanīja ū SEEBA Mulungu wako aho ūlī kwitogolo. Kūfuma ikanza lya kwīnga kwako mu sī ya Misili kūshisha washika aha, ūkūnkoyaga dūhū ū SEEBA Mulungu wako, kūlwa būshitiigwa wako.
8
Ū kū lūgūlū lwa Holebu mukampelanya no ū SEEBA, kūshisha ūhaya kūmuyagaja.
9
Aho nalinha ū mu lūgūlū kūja kwanukūla mabalala ga mawe, a mawe ga būkaanījibo ng'wa SEEBA ūbo walī wabeeja ning'we, nakikala ū mu lūgūlū ikanza lya shikū makūmi anè, līīmi na būjikū; nataliile shilīwa nūūlū natang'wile minzī yaya.
10
Ū SEEBA ūninha mabalala abīlī ga mawe gandīkilwe na nkono go ng'wa Mulungu. Gaalī gandīkilwe ho pye a malange ga shilagīlo sha ng'wa SEEBA, ayo akang'winha lūshikū lwene ng'walī ng'wibilinga, aho wayombaga ning'we kūfuma mu lūgūlū lūkūligimaga moto.
11
Aho jabīta ī shikū ījo makūmi anè līīmi na būjikū, ū SEEBA ūninha mabalala abīlī ga mawe, a mabalala g'ilagane.
12
Hūna ū SEEBA ūniwīla, “Būkaga wike wīnge a henaha ūje wangū, nguno a banhū bako abo wabenhile kūfuma Misili bisosohagije. Baagalūkile wangū no bīīleka īyo naalī nabalagīīlile, bibeegegije shiikolile sha kūsula.”
13
Ū SEEBA ongeja kūniwīla alīhaya, “Nīyo a banhū benaba naababonile gīkī balī na ntwe ndaamu no!
14
Ī gete nilekage nabakenaagūle, nalīpyagūle gete ī lina lyabo lyīnge a ha sīlīlī y'igūlū, nakwīte ū bebe ūbize ihanga lya nguzu, n'itaale kūtinda a boi.”
15
Hūna nūgalūka kwika kūfuma ū mu lūgūlū; ī likanza lyenīlo lūkūligimaga moto. Na a mabalala ay'abīlī a g'ilagane naalī nago ū mu makono gane.
16
Na ng'hana aho naaponya a miso nūbona gīkī ng'wang'hūbile no ū SEEBA Mulungu wing'we; nūūbona ng'wagalūkile wangū ng'wīleka ī nzīla īyo SEEBA walī wamulagīla, ng'wibeegeja shiikolile sha ndama ya kūsula.
17
A mabalala ga mawe ayo naalī nagabūkije mu makono gane, nūgadima nūgaponya hasī mulolile, gūūbelagūka gūbiza mamenyagūlwa.
18
Hūna nūūgwa hasī kū būtongi wakwe ū SEEBA nūnīlīīla; nikala gīko ikanza lya shikū makūmi anè, līīmi na būjikū. Natalile shilīwa nūūlū kūng'wa minzī yaya, kūlwa nguno ya būkenaagūji wing'we ū bose ūbo ng'walī ng'wawīta, ī shibi īsho shikampelanya no no no ū SEEBA.
19
Ū nene nakabogoha ū būpelanu nū būdaki wakwe ū SEEBA, walī wasaya no kūshisha walī amalīīlile kūmuyagaja. Alīyo ū SEEBA ūniigwa nū lūkangala lwenūlo.
20
Hama nīyo ū SEEBA walī wampelanīla no nū Alooni; walī atogilwe kūnyagaja, nū ng'wene nakanombela ī likanza lyenīlo.
21
Hūna ī līshiinū ling'we, ī lidama īlo ng'walī ng'walībeeja nūlīsola nūlīpemba mu moto. Hama nūlīpondagūla, nūlīshigina lyūnoga, lyūbiza lūbuubu; ū lūbuubu lwenūlo nūlūsaamagūlīla mu minzī ga mu longa gaahūūmaga kūfuma mu lūgūlū.
22
Ū SEEBA ng'walī ng'wampelanya n'ikanza līngī mulī Tabeela, na Masa, na Kibuloti-havata.
23
Na a haho mulī Kadeeshi-balinea ū SEEBA akamutūma ūmuwīla, “Jagi mukīdime ībize ying'we, ī sī īyo nang'winha.” Na ahene mukalema, ng'ūshigomela ī shilagīlo sha ng'wa SEEBA Mulungu wing'we; ng'ūduuma ū kūnsanya nūūlū ū kūng'wigwa.
24
A bing'we mulī bashitiigwa na kale ū kūlī SEEBA, kūfuma aho nandīja kūmudeeba ū nene.
25
Hūna lūūlū nūdīla ī shikū ījo makūmi anè līīmi na būjikū nagwile ū kū būtongi bo ng'wa SEEBA, nguno ū SEEBA walī wahaya akūmuyagaja.
26
Nūnomba ū SEEBA nalīhaya, “Ee Seeba MULUNGU, ūtizūbayagaja a banhū bako, banhū ba wingīji wako abo wabakomoola na būdūla wako būtaale, ūbīnja mu sī ya Misili na nkono gwako gwa būdūla.
27
Bizūkagwe a batūmami bako; a ba Abulahamu, Isaka na Yakobo, yaya ūkūbūkalalīla ū būgūnu wa banhū benaba, nū būkenaagūji wabo nī shibi shabo.
28
Ūlū ītī chene a banhū ba kū sī īyo watūfunije bakūhaya, ‘Ū SEEBA walī atabatogilwe a banhū benaba, na lūūlū īkī walemeelilwe ū kūbashisha ū mu sī īyo walī wabisagīja, wakalīlile kūbamalīla ng'witogolo dūhū!’
29
Alīyo a boi balī banhū bako gete, banhū ba wingīji wako, abo bebe ng'wenekīlī ūkagoloola nkono gwako gwa būdūla ūbafunya ū mu sī ya Misili.”
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34