bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 29
Deuteronomy 29
Sukuma 2019
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
1
Ī mihayo īyī hū yene ī yilagane īlo SEEBA akanagīla Musa kūbeeja na Baisilaeli, aho balī mu sī ya Moabu; kūlīleka ī lilagane īlo akabeeja nabo balī kū lūgūlū lwa Holebu.
2
Ū Musa ūbitana pye a Baisilaeli ūbawīla, “Ng'wībona na miso ging'we pyī īyo SEEBA akīyīta mu Misili kūlī Falao na batūmami bakwe, nī sī yakwe ī yose.
3
Miso gako bebe ng'wenekīlī gībona ī mihayo ya kūluhya kūtaale nī yīngī ī ya kūkamaaja; gūshibona nī shimanīkījo sha kūkumya.
4
Alīyo nahene kūshisha lelo īyī ū SEEBA ataalī ū kūkwinha a masala ga kwitegeleja, nūūlū a miso ayo gadūgije kūbona, na a matū ayo gadūgije kwigwa.
5
Ū mu myaka makūmi anè ī yose īyo naamutongeelile ng'witogolo ūmu, ī shizwalo shing'we shitashilile, pyī nūūlū ī shilatū sha kū mhambala jing'we shitashilile.
6
Mutalile ngatī gose gose, nūūlū sha kūng'wa shose shose sha kūmukola mutang'wile ū ng'wikanza lyenīlo. Ī yenīyī nakayīta gīkī mumane ū nene hū nalī SEEBA Mulungu wing'we.
7
Aho ng'washika a hipandī lyenīlī ū Sihoni ū ntemi wa Heshiboni, nū Ogi ū ntemi wa Bashani, bakiza kūtūdumīla kwilwisha būlūgū nise, alīyo tūbapyena.
8
Twīsola ī sī yabo tūbinha ba ng'anda ja ba Lubeni na Gadi, na nusu ya lūganda lwa Manase, yūbiza wingīji wabo.”
9
Na lūūlū itegelejagi gete, ng'wīdime ī mihayo ya ilagane lyenīlī, mūdūle kūpandīka ū mu yose īyo mulayīte.
10
Ī lelo yenīyī ng'wīmīīlaga a bose kū būtongi bo ng'wa SEEBA Mulungu wing'we; batongeeji ba ng'anda, bataale ba kaya, banamhala, bagunanhi, na a Baisilaeli a bangī a bose;
11
hamò na a bana bing'we na a bake bing'we, na a bageni abo bakwikalaga mu bing'we kūlwa kūmupandūlīla ng'hwi na kūmudahīla minzī.
12
Ng'wīmīīlaga aha kūlwa kūbeeja ilagane nū SEEBA Mulungu wing'we, ilagane īlo SEEBA alībeeja ning'we ī lelo mu kūlahīla
13
gīkī ī lelo yenīyī alīng'wīta mubize banhū bakwe, nū wei abize Mulungu wing'we, gīt'ūmo wang'wisagīīgīja, na gīt'ūmo wabilahīlīla a bakūlūgenji bing'we, ba Abulahamu, Isaka, na Yakobo.
14
Ī lilagane lyenīlī nī shilahīlo shalyo natūbeejaga na bing'we dūhū,
15
abo ng'wīmīīlaga hamò nise aha, kū būtongi bo ng'wa SEEBA Mulungu wise, alīyo na a babo batīho hamò nise aha ī lelo īyī.
16
A bing'we benekīlī mumanile ūmo twikalīlaga ū mu sī ya Misili, nū mumo tūkajibītīla ī sī ījo tūkajibīta kūshisha tūshika aha.
17
Ng'wagabona a mashikolo gabo ga malofu, a mashiikolile ga mantī na ga mawe, ga feza na ga zahabu ayo galīmo ū mu sī jabo.
18
Na lūūlū ilang'hanagi atizigela munhū ose ose, ngosha nūūlū nkīma; nūūlū lūtizūbiza ho lūganda nūūlū kaya ndebe ū mu bing'we abo mulīho aha lelo īyī, atizigela wa kūgalūcha ng'holò yakwe aneke ū SEEBA Mulungu wise, aje kūbalamya bamulungu ba mahanga genayo. Lang'hanagi gete lītizigela ijinji lyose lyose ū mu bing'we īlo līshikile kūfuluma na kūtwaja matwajo ga būsūngū wabūbi gīko.
19
Ū munhū wa gīko ashikile kwīyigwa ī mihayo ya shilahīlo shenīshi hūna wandya kwikumīlīja wei ng'wenekīlī akwiwīlaga, “Natūbiza kanhū, nūūlū īkī nataalī nakūjaga na yane dūhū nane.” Ī liganiko lyenīlo lyabūbi no, nguno līkwenheleja būkenaagūji hose pyī ū mu sī.
20
Ū SEEBA atalanekeja ū munhū wa gīko, ū būpelanu nū wilu wakwe būkūbaka no ū kūlī munhū ng'wenūyo. Pye a mazumo ayo gandīkilwe ū mu shitabo shenīshi gakūngwīla, ū SEEBA akūlījimya gete ī lina lyakwe lyīnge a ha sīlīlī y'igūlū.
21
Nīyo ū SEEBA akūnkomanya ū munhū ng'wenūyo kūfuma ū mu ng'anda ja Baisilaeli, ankenaagūle kūlenganīla na a mazumo g'ilagane a gose, ayo gandīkilwe ū mu shitabo sha shilagīlo shenīshi.
22
A bana bing'we abo bakūmulondeela mu shikū ja shibyalīlwe sha hanuma, na a bageni abo bakwiza kūfuma sī ja kūle bakūgabona a makoye ayo gayīgwīla ī sī, na a mabūsaatu ayo wayenhela ū SEEBA.
23
Pyī ī sī īkūbiza gītī mbūga yitīīlilwe munhu, gītī ītiimilwe moto na būgota wa shibiliti; nguno shikūbiza shitahambilwe shose shose. Ndūhū gete īsho shikahambagwa, ndūhū ho nūūlū kī ū mu shose īsho shikazwaga. Ū būkenaagūji wene būkūbiza gīt'ūmo walī wa Sodoma na Gomola, hamò na Adima na Zeboimu, mizengo īyo SEEBA akīkenaagūlū kūlwa būpelanu wakwe būtaale.
24
Pye a mahanga gakūyibūūja, “Nibūlī ū SEEBA wayītīlile mhayo gītī gwenūyū ī sī īyī? Ū būpelanu ū būtaale wenūbū būlī na makūlū kī?”
25
Ī lishosho līkūbiza, “Īlī kūlwa nguno a banhū benaba baalīleka ī lilagane lya ng'wa SEEBA Mulungu wa bakūlūgenji babo, ī lilagane īlo akabeeja nabo aho alībenha kūfuma Misili.
26
Bakandya kūlamya bamulungu bangī, būyūbinamīla na kūbinamīla; bamulungu abo baalī batabamanile, bamulungu abo walī atabinhile wei.
27
H'ī nguno yene ū būpelanu bo ng'wa SEEBA wabakile gīko ū kū sī yenīyī, kūshisha nose wīyenhelile pye a mazumo ayo gandīkilwe ū mu shitabo shenīshi.
28
Ū SEEBA wabadubbūlile ū mu sī yabo ūbaponya kū sī yīngī gīt'ūmo īlī lelo kūlwa nguno ya būpelanu wakwe būtaale na būsaayi būtaale.”
29
Na lūūlū, ī mihayo ya mu mbisīla yene ya ng'wa SEEBA Mulungu wise, alīyo īyo yoolechiwa hape, ī yene yise hamò na bana bise kūshisha welelo, gīkī tūbize banhū ba kūshimīzīla ū mu mihayo yose ī ya shilagīlo shenīshi.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34