bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 27
Deuteronomy 27
Sukuma 2019
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
1
Ū Musa hamò na a banamhala ba Baisilaeli būbalagīla a banhū balībawīla, “Shidimagi pyī ī shilagīlo shenīshi īsho nalīng'winha lelo.
2
Ūlū mulagūkīle ū mongo gwa Yolodani ng'wingīle ū mu sī īyo SEEBA Mulungu wing'we alīng'winha, mukūtūūla mawe mataale mugateleleje gatelele.
3
H'ūmo īlī, ūlū ūlagūkīle ū mongo ūshike ū mu sī īyo SEEBA Mulungu wako alīkwinha, ī ya būhondo, gīt'ūmo SEEBA Mulungu wa bakūlūgenji bako walī wakwisagīja, ūkūyandīka ī mihayo ya shilagīlo shenīshi a ha mawe genayo.
4
Ūlū ng'ūgūkīla ū mongo gwa Yolodani gatūūlagi a mawe genaya ha lūgūlū lwa Ebaali, gīt'ūmo nalīmulagīīlīla ī lelo īyī; hama mugateleleje gatelele.
5
Ūkūbeeja ho na ng'walīlo gwa mawe kūlwa ng'wa SEEBA Mulungu wako. Yaya ū kūtūmamīla shizengelo sha chūūma ū mu kūgūbeeja.
6
Alīyo ū ng'walīlo go ng'wa SEEBA Mulungu wako gwenūyo, gūzengage na mawe ga kūfuma kū malaale, hūna ū SEEBA Mulungu wako ūmfunīje ho shitambò sha kūpemva.
7
Ūkūfunya ho na shakwinha sha būsangī, ūshilīīle henaho ūyege kū būtongi bo ng'wa SEEBA Mulungu wako.
8
Ī mihayo ya shilagīlo shenīshi ūkūyandīka hape hape chiza a ha mawe ayo ūlagatūūle genayo.”
9
Hūna ū Musa na a bagabīji, a ba lūganda lwa Lawī, būbawīla pye a Baisilaeli gīkī, “Bebe Isilaeli, lembeelaga nīyo ūdegeleke chiza. Ī haha wabizaga ihanga lya banhū ba ng'wa SEEBA Mulungu wako.
10
Na lūūlū bizaga ng'wigwi gete ū kūlī SEEBA Mulungu wako, shimīzīlaga ū mu katongeelele kakwe na a malange gakwe ayo nalīkwinha lelo.”
11
Ū mu lūshikū lwenūlo ū Musa ūbakomeleja a banhū alīhaya;
12
“Ūlū ng'ūgūkīla ū mongo gwa Yolodani, ī ng'anda īji jikwīmīīla kū lūgūlū lwa Gelizimu kūbalombela a banhū, Simioni, Lawī, Yuda Isakaali, Yosefu na Benjamini.
13
Ī ng'anda īji jene jikwīmīīla kū lūgūlū lwa Ebaali kūbawīla a banhū a mazumo ayo galīho, Lubeni, Gadi, Asheli, Zabuloni, Dani na Nafutali
14
A Balawī bakūbawīla pye a Basilaeli n'ilaka lya higūlya gīkī.
15
“Azumilwe ū munhū wa kūbeeja shiikolile sha kūlamiwa, sha mbika ya kūpūnza, nūūlū sha kūsula; shikolo īsho shilī sha malofu kūlī SEEBA, nīmo gwa makono ga banhū; hanuma ūshīmīlīja hipandī lyibisile.” A banhū a bose bakūhaya, “Alichene.”
16
“Azumilwe ū munhū wa kūndalaha ise na nina.” A banhū a bose shibigelile bahaye, “Alichene.”
17
“Azumilwe ū munhū ū wa kūsaamya iwe lya ha lūbīmbī lwa nzenganwa ng'wiye.” A banhū a bose bakūhaya, “Alichene.”
18
“Azumilwe ū munhū wa kūng'wīnja mboku mu nzīla, ūntongeela kūja sagala.” A banhū a bose bakūhaya, “Alichene.”
19
“Azumilwe ū munhū wa kwīliganya ī ng'hana ū mu kalamulīle, ūlū alīnamula ngeni nūūlū munhc wamala bakwe, nūūlū nchīlwa.” A banhū a bose bakūhaya, “Alichene.”
20
“Azumilwe ū munhū wa kūlaala na nke o ng'wa ise, nguno alīīta mhayo gw'ibengwe kūlī ise.” A banhū a bose bakūhaya, “Alichene.”
21
“Azumilwe ū munhū wa kūlaala na shiinū yose yose.” A banhū a bose bakūhaya, “Alichene.”
22
“Azumilwe ū munhū wa kūlaala n'ilūmbūye, nshīke o ng'wa ise nūūlū o ng'wa nina.” A banhū a bose bakūhaya, “Alichene.”
23
“Azumilwe ū munhū wa kūlaala na nina būkwi.” A banhū a bose bakūhaya, “Alichene.”
24
“Azumilwe ū munhū wa kūmūlaga nzenganwa ng'wiye mu mbisīla.” A banhū a bose bakūhaya, “Alichene.”
25
“Azumilwe ū munhū wa kūzunya kūhongwa amūlage munhū ūyo atī na būbi.” A banhū a bose bakūhaya, “Alichene.”
26
“Azumilwe ū munhū ūyo atūyīdima ī mihayo ya mu shilagīlo īshi nūūlū kwīshikīlīja.” A banhū a bose bakūhaya, “Alichene.”
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34