bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 7
Deuteronomy 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
1
Ū SEEBA Mulungu wako ūlū ūkūshisha ū mu sī īyo ūjile kwīdima ībize yako, hūna ūgapeeja mahanga mingī gūkwīngīla, ga Bahītī, Bagiligashi, Baamoli, Bakanani, Bapelizi, Bahīvī, na Bayebusi, mahanga mpungatī mataale na ga nguzu kūtinda bebe;
2
ū SEEBA Mulungu wako ūlū ūgatūūla mu nkono gwako a mahanga genayo, nang'ho ūgapyena, īkūkwigelela kūbamala pye gete a banhū benabo. Yaya ū kūbeeja ilagane nabo nūūlū hado, hama yaya gete nūūlū kūbachīla shigongo.
3
Yaya ū kwitooleela nabo; mutizūbazunīlīja a bashike bing'we ū kūtoolwa na a bitūnja babo, na a bitūnja bing'we yaya ū kūbatoola a bashīke babo.
4
Nguno bakūbagalūcha a bitūnja bing'we, booye kūnilondeela nene, bandye kūbatūmamīla bamulungu bangī, a heneho ū SEEBA akūmupelanīla wangū no amukenaagūle.
5
Na lūūlū ī ya kūbīītīla a banhū benabo yīyī: Ī myalīlo yabo īsambaagūlagi gete, hama balī na mawe bakagalamyaga; nago gabelagūlagi. Na ng'hīngī ja Maashela balī najo, nī jene jikambagūlagi, na a mashiikolile gabo gapembagi mu moto.
6
Nguno ū bebe ūlī ihanga lyeela ū kūlī SEEBA Mulungu wako; ū SEEBA Mulungu wako wakūsola kūfuma ū mu banhū a bose abo balī mu sī; gīkī ūbize ihanga lya banhū bakwe ba wikomangīle.
7
Ū Mulungu atang'olekegije ū būtogwa wakwe a bing'we mu nzīla ya kūmusola īkī gīkī ng'walī bingī no kūtinda a banhū a bangī; ītī gīko yaya, nguno a bing'we ng'walī bagehu no kūtinda pye a banhū.
8
Alīyo yalī kūlwa nguno īkī ū SEEBA amutogilwe no; na lūūlū washikīlīja kwisagīja ūko walī wabisagīja bakūlūgenji bing'we. H'ī nguno yene akamukomoola na nkono gwa būdūla, ūmufunya ū mu sī ya būsese, ng'wīnga ū mu nkono go ng'wa Falao ū ntemi wa Misili.
9
Na lūūlū itegelejagi gīkī, ū SEEBA Mulungu wing'we, hū ng'wene ū Mulungu; ū wei alī Mulungu nsanyiwa, akadimīīlaga ilagane lyakwe kū bose mu būtogwa būshikanu, kūshisha shihūmbī sha shibyalīlwe sha banhū abo bantogilwe na bashidimile ī shilagīlo shakwe.
10
Alīyo abo bankolilwe, akabashokejaga īyo ībigelelilwe, gīkī abayagaje gete. Atadīlaga ū kūbamalīla shiilī abo bankolilwe, kūlenganīla nū mumo ībigeleelilwe.
11
Na lūūlū īng'wigeleelilwe kwilang'hana no no no, mushimīzīle ū mu kahelele na a malange gakwe, nī shilagīlo īsho nalīng'winha lelo īyī.
12
Ūlū ng'ūshidīlīla ī shilagīlo shenīshi, hama ng'wilang'hana ng'ūdūla kūshimīzīla musho, ū SEEBA Mulungu wako akūlīlang'hana ī lilagane lyakwe ū kūlī bebe mu būtogwa, gīt'ūmo wabilahīlīla bakūlūgenji bako.
13
Nīyo akūkūtogwa no ūkūfuuha na ningī, gīkī mukwīle kūtinda. Ū būbyīle wa nda yako akūwīlūkīla mbango, pyī na a matwajo gako ga kūfuma mu malaale ī shilīwa shako, mizabibu yako, na a maguta akūgafuuha mbango; nī ndama ja mu madaale gako, na a baana ba ng'holo na a ba mbūli jako. Ī yose yenīyī akūkwītīla ū mu sī īyo wabisagīja bakūlūgenji bako gīkī akūkwinha.
14
Ū bebe ūkūbiza na kūtinda pye a banhū ba mu sī, atīho nūūlū munhū ūmò, ngosha nūūlū nkīma ūyo akūbiza ngumba; na gūtīho ntugo gwako nūūlū gūmò ūyo gūtūdūla kwibyala.
15
Ū SEEBA akūkwīngīja pyī ī mbika ja mabūsaatu; atūkūgwisīja na hado yaya a mabūsaatu gabūbi ayo walī ūgamanile mu sī ya Misili, a genayo akūbagwisīja abo bakūkolilwe ū bebe.
16
Na lūūlū shikwigeleelilwe kūbamala pye a banhū abo SEEBA Mulungu wako alabatūūle mu nkono gwako. Ūtizūbachīla shigongo nūūlū hado yaya, hama a bamulungu babo ūtizūgima gete kūbatūmamīla nūūlū hado; nguno ū lwenūlo lūkūbiza lūtu lwa kūkūgwasha.
17
Ū bebe ūshikile kwiganika, “A mahanga genaya galī na nguzu no kūtinda a bise. Tūkūdūla kinehe ū kūgapeeja gatwīngīle?”
18
Yaya ū kūbogoha nūūlū hado a banhū benabo, ū bebe izūkagwa dūhū ūmo SEEBA Mulungu wako akang'wītīla ū Falao na a bana Misili a bose.
19
Bebe ng'wenekīlī ūkabona na miso gako īyo SEEBA Mulungu wako akīyīta; ūbona mihayo ya kūluhya kūtaale, na shimanīkījo sha kūkumya na kūdedebaja, ūgūbona ū nkono gwakwe gwa būdūla, ū nkono ūyo akagūgoloola ng'wikanza lya kūkūfunya ū mu sī yenīyo. Ū SEEBA Mulungu wako akūgīītīla gīko na a mahanga pye ayo ūlīgogoha genayo.
20
Nīyo ū SEEBA Mulungu wako akūbatūmīla būkalasa, kūshisha bashile pyī, na a bakūyūng'witūlūganya.
21
Yaya gete ū kūbogoha a benabo, nguno ū SEEBA Mulungu wako, ūyo alī hamò nang'ho, alī Mulungu ntaale na wa lyogohya.
22
Ū SEEBA Mulungu wako akūgīnja had hado a mahanga genayo gakwīngīle; yaya ū kūgapeeja pye a gose haho na haho ikanza līmò, nguno mashiinū ga mu mapoolu gakwibyala gakwīle gakūkoye.
23
Alīyo ū SEEBA Mulungu wako akūbatūūla mu nkono gwako a banhū benabo, abinhe ng'holò ya kūbbaha kūshisha bashile pye.
24
A batemi babo akūbatūūla mu nkono gwako, kūshisha ūlīpyagūle ī lina lyabo lījimangūke gete, lyīnge a ha sīlīlī y'igūlū. Atīho nūūlū ūmò wabo ūyo akūgima kūkwīmīla ū bebe; ūkūbakenaagūla pye gete.
25
Nī shiikolile sha ba mulungu babo ūshipemba mu moto. Yaya ū kūjikūmva ī zahabu nūūlū feza ījo jizwalīkījiwe ū kū mashiikolile genayo; yaya nūūlū kūjisola gīkī nang'ho ūbize wipandīkīla. Ūlū wīta gīko ūkwigwasha mu būsese wa kūgatūmamīla, nguno a mashiikolo genayo galī ga malofu ū kūlī SEEBA Mulungu wako.
26
Yaya ū kwenha shikolo shose shose sha malofu ū mu numba yako, ūlū wīta gīko nū bebe ūkūbiza wigeleelwa kūgwīlwa nsango gwa kūkenaagūlwa gīt'ūmo gal'a goi. Ī shikolo sha mbika yenīyo h'ūmo shibizīle; shikolagwe gete, nīyo ūshogohe no, nguno shizumilwe.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34