bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 33
Deuteronomy 33
Sukuma 2019
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
1
Ū Musa ū munhū o ng'wa Mulungu aho ataalī kūcha walī wabafuuha īji a Baisilaeli;
2
ūhaya, “Ū SEEBA akiza kūfuma kū lūgūlū lwa Sinai, ūbilongela kūfuma Seili; waaka kūfuma kū lūgūlū lwa Palani. Akiza na beela bingī no, mashihūmbī na mashihūmbī; ūfuma dakama kū ngūlū jakwe.
3
Na ng'hana ū bebe ūbatogilwe a banhū bako; a beela a bose pye balī mu nkono gwako. A bose bakūtuja mazwi kū magūlū gako, banukūle būganikīlwa kūfuma kūlī bebe;
4
Ī shilagīlo īsho Musa watwinha, ū wingīji wa kwibilinga kwa ng'wa Yakobo.
5
Ū wei walī ntemi wa Yeshuluni mu shikū ja kwibilinga kwa batongeeji ba banhū hamò nī ng'anda ja Isilaeli.
6
Ū Lubeni ni ahangamage, atizūyagaala; na a banhū bakwe ni batizagūūgeeha.
7
Ū Yuda ūnombela alīhaya gīkī, ‘SEEBA degelekaga ū kūlīla kwa ng'wa Yuda, ūng'wenhe kū banhū bakwe. Wei ng'wenekīlī akwilwīlīīlaga na makono gakwe, ngunanhage alī na wilwisha na banishi!’”
8
Ū Lawī ūng'haya mu mihayo īyī; gīkī, “Ī Tumimu yako nī Ulimu yako leka shiikale mu nkono go ng'wa munhū ūyo ūntogilwe, ūyo ūkangema ng'witogolo lya Masa, ūkoya nang'hwe ū kū minzī ga Meliba.
9
A ba ise nū nina akabahaya gīkī, ‘Ū nene natūbalonja a benabo.’ Nūūlū a baana ba ng'wawe atabadīlīlile, pyī nūūlū a baana bakwe atabasaatilwe. A miso gakwe gaalī galolelile ha mhayo gwako, walī alīlang'hanile ī lilagane lyako.
10
Akūnangaga ū Yakobo a katongeelele kako, alichene, nī shilagīlo ū Isilaeli. Akūja nago ū nīmo gwa kūzuukīja ngazu kū būtongi wako; na shitambò sha kūpemva shūshilīla ha ng'walīlo gwako.
11
Ee SEEBA, ng'wīlūkīlage mu yose īyo akwītaga, nī milīmo ya makono gakwe ūyanukūle. Batūlage ūbabīnze mikīmbīlī abo bakūng'ūbūkīlaga; a banishi bakwe batūlage batizūbūūka hangī gete.”
12
Ū Benjamini ūng'haya mu mihayo īyī; gīkī, “Ū nganja o ng'wa SEEBA n'alembeelage mu mhola yakwe; hū ng'wene akikalaga ankīngītīīlile na kūnang'hana līīmi ji, nū wikalo bokwe būlī ha mabega gakwe.”
13
Ū Yosefu ūng'haya mu mihayo īyī; gīkī, “Ū SEEBA ni ayīīlūkīlage ī sī yakwe, ayenhele wiza bo lūme lwa malunde ga kwigūlya, na wiza bo minzī ayo galī ga hasī, mu gatī ya sī;
14
nī yose ī yawiza īyo īkenhagwa kwaka kwa līīmi, nī ya kūyeja īyo īkilongaga mu myeji milebe.
15
Nī sha mpango ntaale īsho shilī mu ngūlū ja kale; na a matwajo ga mu matūmbī ga kale na kale.
16
Na a manong'ho gawiza ayo sī īkafunyaga nū wingī wago, nī shigongo shakwe ūyo walī ng'wisaka lyabakaga moto. Ī yose yenīyī īng'wikīīle ha ntwe gwakwe ū Yosefu, ha londooji lwakwe ūyo alī ntemi ha gatī ya bang'wawe.
17
Alī na shingilima gītī nzagamba mhyeeni; Ī mhembe jakwe jilī gītī ja shadiima nyang'widīīma. Hū jene akūjitūmamīla kūpama mahanga gose, kūshisha na a yayo galī kūle kū ngelelo ya sī. H'ūmo galī a makūmi ga shihūmbī ga ng'wa Efulaimu, alichene, h'ūmo galī a mashihūmbī ga ng'wa Manase.”
18
Ū Zabuloni ūng'haya mu mihayo īyī; gīkī, “Zabuloni kūyegelage ū kūja kwako kwa hanze, nū bebe Isakaali yegelaga mu maheema gako.
19
Bakwitana banhū ba mahanga bize kū lūgūlū, bize kūyegele shitambò sha būtūngīlīja; nguno bakūlya shitolyo sha mu nyanza, na bakwigūta shizeeze īsho shibisile mu maseni.”
20
Ū Gadi ūng'haya mu mihayo īyī; gīkī, “Alī na ūyo akūngalīhījaga Gadi wikalo, ī lipandī īlo Gadi akwikalaga gītī shimba ng'hīma. H'ūko akasaasagūlīlaga nkono, pyī nūūlū londooji lwa ha mitwe.
21
Ī lipandī lyawiza ūko gwalī gūbīkilwe ngabo gwa ntaale wisolelile kūbiza lyakwe we. Aho bibilinga a batongeeji ba banhū, ū wei wīta mu būtūngīlīja ūbo abūhayile SEEBA, ūmo kalī kalamulīle kakwe kūlwa Baisilaeli.”
22
Ū Dani ūng'haya mu mihayo īyī; gīkī, “Ū Dani ng'wene ng'wana wa shimba, ūyo akwizwanukaga kūfuma Bashani.”
23
Ū Nafutali ūng'haya mu mihayo īyī; gīkī, “Nafutali ū bebe ng'wene ūfulile wiza bo ng'wa SEEBA, ū bebe ookalile ja kūfuma kūlī we; ūkwīdima ī dakama kūjīlīīla kū nyanza, būbize wingīji wako.”
24
Ū Asheli ūng'haya mu mihayo īyī; gīkī, “Ū mu bitūnja bose ū Asheli afuuhilwe, ni bankūjage pye a baana ba ng'wawe; leka adabbye lūpambala lwakwe mu maguta.
25
A malugalīlo ga ha mibita yako gabize madimu, ga chūūma na shaba; ī nguzu jako jibize gīt'ūmo jilī shikū ja būlamu wako.
26
Atīho ūngī wa kūlenganīla na Mulungu o ng'wa Yeshulumu, ūyo akikaga igashije ha malunde kwiza kūkūgunanha; alichene, higūlya ya malunde ng'wikūjo lyakwe.
27
Ū Mulungu wa welelo alī ipeelelo lyako; a ha sīlīlī yako galīho makono ga welelo bose gakūlang'hanile. Akūkūpeegeja pye a banishi bako; hū ng'wene akūkūwīla, ‘Bakenaagūlage.’
28
Na lūūlū ū Isilaeli akwikala mu mhola we wike; nguno ū wikalo o ng'wa Yakobo būlang'hanilwe mu sī ya shilīwa shingī na divai, ūko malunde gakitaga lūme.
29
Ūlī na lubango Isilaeli! Nani ūngī wa kūlenganījiwa nang'ho, ū wa kūbiza gītī ihanga īlo lyapījiwa na SEEBA? Hū ng'wene alī lūmūda lwako na ngunanhi wako, nīyo hū ng'wene alī līlūshu lyako ly'ikūjo. A banishi bako bakūdetema ū kū būtongi wako, na a mapandī gabo ga higūlya ūkūgapandagīla.”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34