bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 19
Deuteronomy 19
Sukuma 2019
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 20 →
1
Ū SEEBA Mulungu wako ūlū ūmala kūgakenaagūla a mahanga ga banhū abo sī yabo alīkwinha bebe, hūna ū bebe ūlū ūbapeeja a banhū benabo wigasha ū mu mizengo yabo nī numba jabo,
2
Īkūkwigeleelwa kūsola mizengo idatū; ībize ha gatī gatī ya sī īyo SEEBA Mulungu wako alīkwinha kwīdima ībize yako.
3
Hanuma ūkūbeeja nzīla ja kūja ū kū mizengo yenīyo; hūna ī sī īyo SEEBA Mulungu wako alīkwinha kūbiza wingīji wako ūkwīgabanhya hadatū, ībize gīkī ūyo ūbūlaga munhū adūle kūpeelela ko akapīle.
4
Ī shilagīlo īsho shing'wigeleelilwe ūyo ūbūlaga munhū hūna ūpeelela kwenūko kūlwa kūpīja būpanga bokwe, shiishi: Ū wa kūmūlaga nzenganwa ng'wiye mu kūhūbīla, ūbiza walī atang'wikanilwe nūūlū kūng'wibandīīla,
5
gīt'ūmo munhū adūgije kūja kwipoolu na ng'wiye kūtema mitī; hūna wa kūhayūhubenga ī mbasa, yūfubbūka ū mu mpīni yūntūla ū ng'wiye ūcha! Ū munhū ng'wenūyo adūgije ū kūpeelela kū nzengo gūmò gwa yenīyo ūūkapīlīla kwenūko.
6
Nguno ūlū ītī chene, maji wa shiilī adūgije kūnkūūbīja; na lūūlū īkī ū kwipandī lya kūpīlīla halī kūle, ashikile kūmpandīkīla mu nzīla ūntūla ūmūlaga kūlwa būpelanu, alīyo hamo atigeleelilwe kūbūlagwa, nguno ū wei wamūlagaga ū ng'wiye kūlwa kūhūbīla, walī atang'wikanilwe.
7
H'ī nguno yene nalīkūlagīla ūkomanye mizengo idatū kūlwa nguno yako.
8
Ū SEEBA Mulungu wako ūlū alajigalīhyī ī mbīmbī jako gīt'ūmo wabisagīgīja mu kwilahīla a bakūlūgenji bako, hūna ūkwinha ī sī ī yose īyo wabisagīja,
9
Īkī ūshidimile ī shilagīlo shose īshi nalīkwinha lelo; kūntogwa ū SEEBA Mulungu wako na kūshimīzīla mu nzīla jakwe shikū jose, ūlū yūja gīko ūkūsola mizengo yīngī idatū hangī.
10
Na lūūlū ītaga gīko, gatizidīka mininga gatī na būbi ū mu sī yako īyo SEEBA Mulungu wako alīkwinha kūbiza ya wingīji wako. Ītaga gīko ūtizūgwa mu būhūbi wa kwita mininga gatī na būbi.
11
Alīyo ūlū munhū ankolilwe ng'wiye, hūna ūng'wibandīīla hanhū wiza ūntūla ūmūlaga, hanuma ya henaho ūpeela kūja kū nzengo gūmò gwayo ī mizengo yenīyo,
12
a banamhala ba mu nzengo gwakwe bakūtūma ajīlwe ū kū nzengo gwenūyo wize atūūlwe mu makono ga maji wa shiilī abūlagwe.
13
Yaya ū kū nchīla shigongo ū wa gīko; īng'wigeleelilwe muwīnje ū būbi wa kwita mininga gatī na shilingo ū mu Isilaeli, īmujīle chiza ī mihayo ying'we.
14
Yaya ū kūlyīnja ī liwe lya ha lūbīmbī lwa kūkūlekanya na nzenganwa ng'wiyo, īlo lītūūlilwe na bataale bako, ū mu wingīji ūbo ūlanukūle ū mu sī īyo SEEBA Mulungu wako alīkwinha ībize yako.
15
Ū būkaanīji bo munhū ūmò dūhū, būtigeleelilwe ū kūng'wenheleja munhū kūbalīlwa būhūbi kūlwa mhayo gwabūbi nūūlū būkenaagūji ūbo alībūūlwa gīkī owītile. Ū būng'hana bo mhayo shiigelile būmanwe mu nzīla ya būsombooji wa bakaanīji babīlī nūūlū badatū.
16
Ūlū munhū wīmīīla kūmūūla ng'wiye hūna wandya kūtūmamīla būlomolomo ū mu kūnkaanīla,
17
a banhū benabo būbīlī wabo īkūbigeleelwa kwīmīīla kūlī SEEBA, kū būtongi wa bagabīji na balamuji abo balī h'isumbī ū mu shikū jenījo.
18
A balamuji bakūgīsīlīja chiza ūmo īlī ī mihayo yenīyo, ū nkaanīji ng'wenūyo ūlū ūbonwa nomolomo, yūmanīka hape gīkī alīnkaanīla būlomolomo ū ng'wiye,
19
a henaho mukūng'wītīla gīt'ūmo walī atogilwe wītīlwe ū ng'wiye; īkūng'wigeleelwa muwīnje gete ū būbi ū mu bing'we.
20
Ū mu gīko a banhū bakwigwa ī yenīyī bogohe; na lūūlū ū mhayo gwa malofu gītī gwenūyo gūtīko kūshokeelwa hangī ū mu bing'we.
21
Yaya ū kwīta shigongo; ū būpanga būlīpwe na būpanga, nī liso kūlwa liso, nī lino kūlwa lino, nū nkono kūlwa nkono, pyī nū kūgūlū kūlwa kūgūlū.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34