bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 22
Deuteronomy 22
Sukuma 2019
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
1
Ūlū ūbona ng'ombe nūūlū ng'holo ya ndūgūyo īlītagaalīja kūja sagala, yaya ū kwīlekanīja, īnyamage wīshoshe ū kūlī ng'weneyo.
2
Ū ng'weneyo ūlū azengile kūle, nūūlū hamo ūtaamanile gete, īswagage wītwale kū ng'wako ūkīlang'hane kūshisha wize akwīkoobaga, ūng'winhe ī sabo yakwe.
3
Ītaga gīko nūūlū ūbona nzobe ya ng'wa munhū yajimīīlaga, nūūlū shizwalo shakwe, nūūlū shikolo shingī shose shose īsho ūjimīīja; yaya ū kūshilekanīja sagala dūhū.
4
Ūlū ūmona ndūgūyo alī na nzobe nūūlū ng'ombe yagwaga hihī na nzīla, yaya ū kūnekanīja, ngunanhage ū kwīgūngūmūla.
5
Ū nkīma atigeleelilwe kūzwala shizwalo sha bagoosha, nū ngosha yaya ū kūzwala shizwalo sha bakīma, nguno būlī ng'wene ūyo wīta mihayo īlī gīko, alī wa malofu ū kūlī SEEBA Mulungu wako.
6
Ūlū ūbona chanjo sha noni bbihī na nzīla, hamo īteelelile mu ntī nūūlū hasī, nī noni yenekīlī ībandīlile a ha ng'hune nūūlū a magī, yaya ū kwīsola ī noni yenīyo hamò nī ng'hune.
7
Ūlū ūsola ī ng'hune, nekage ū nina aje; ū mhayo gwenūyū gūkūkwenhela mbango, nīyo ūkūbiza na būlamu būlīhu.
8
Ūlū ūzenga numba mhya īlī na ha kwifuulīla ū kwigūlya, ītūūlīlage na ikīgījo ū kū mhelo mhelo, ūtiziyenheleja makoye ga kūchīlwa munhū, ūlū ūgwa kūfuma ū kwigūlya ya numba yako.
9
Ū mu ngūnda gwako gwa mizabibu yaya ū kūhamba mbīyū ja mbika ibīlī, ūlū wīta gīko a matina ayo ūlagahambe ū mu ngūnda na a matwajo gakūbiza gatī meela.
10
Ūtizūtunganīja ng'ombe na nzobe hijoki līmò, gīkī jidute igembe lya kūlīma.
11
Nū bebe yaya kūzwala shizwalo shisumilwe na būlūba wa kitani īsangīlījiwe na booya wa ng'holo.
12
Ū kū mhembeelo ya shizwalo shako ī sha kūzwala ūkūyūsumīīla masune.
13
Ūlū munhū ūntoola ng'wanikī, hūna wa kūhayūlaala nang'hwe ūmbyeeda,
14
wandya kūja akūnsondagūlaga alīng'haya kībi, “Ū nkīma ūyū nantoolile a hene, alīyo aho naalaala nang'hwe, nūbona gīkī wamala kūlaala na bagosha bangī!”
15
Na lūūlū a henaho a ba ise nū nina wa ng'wanikī bakūja kū mita gwa nzengo bakafunye būkaanīji ū kū banamhala ba mu nzengo, booleche gīkī ū nshīke wabo walī ataalī kūlaala na ngosha ūngī ose ose.
16
Ū ise wa ng'wanikī akūbawīla a banamhala, “Ū nene nakanzunīlīja ū ngosha ng'wenūyū antoole ū nshīke wane, alīyo ī haha wambyeedile.
17
Wandije kūja akūnsondagūlaga, akūhayaga, ‘Ū nshīke wako naamonile gīkī gashi walī wamala kūlaala na bagosha bangī.’ Alīyo shiishi ī shimanīkījo sha koolecha gīkī ū nshīke wane walī ataalī kūlaala na bagosha.” A babyaji ba ng'wanikī bakoolecha ī shizwalo sha nshīke wabo ū kū banamhala ba mu nzengo.
18
Ī likanza lyenīlo a banamhala bakūng'wīnja ū ngosha ng'wenūyo a henaho, ūūkatūlwa mbooko.
19
Hanuma akūlyiwa ihyū lya shekeli igana ja feza, ūng'winha ū ise wa ng'wanikī kūlwa nguno wakenaagūlile lina lya nshīke wa mu Isilaeli. Hama akūnsola aje nang'hwe akongeje kūbiza nke wakwe. Atigeleelilwe kūmpeeja nūūlū kūneka ū mu būpanga wakwe bose.
20
Gwike ū mhayo gwenūyo ūlū gūbiza gwa ng'hana, nū būkaanīji būgaya ū wa koolecha gīkī walī ataalī kūlaala na ngosha aho ataalī kūtoolwa nū munhū ng'wenūyo,
21
a henaho akūshoshiwa kaya, wiza ūtūūlwa ha nyango gwa ha ng'wawe, hūna a bagoosha ba mu nzengo būmponda mawe kūshisha ūcha; nguno wītile mhayo gwa minala mu Isilaeli, īkī wītile būmalahya alī mu kaya ya ng'wa ise. Shiigelile ūwīnje gete ū būbi ū mu bing'we.
22
Ūlū ngosha ūsanganījiwa alīshihya na nke wa ngosha ūngī, a bose būbīlī wabo bakūcha; ū ngosha ū nshihya nū nkīma ūyo walūshihyaga nang'hwe. Shiigelile ūwīnje gete ū būbi ū mu Isilaeli.
23
Ūlū ng'wanikī alūnjiwe hūna ūmanhya na ngosha ūngī mu nzengo ūlaala nang'hwe,
24
bose būbīlī wabo mukūbatwala kū mita gwa nzengo gwenūyo mukabaponde mawe mubabūlage. Ū ng'wanikī akūcha kūlwa nguno walī mu nzengo, alīyo atalīlile gīkī bize banhū kūngunanha, ū ngosha kūlwa nguno washihyaga na nke wa munhū ūngī. Shiigeli ūwīnje gete ū būbi ū mu bing'we.
25
Alīyo ūlū ngosha alī kū malaale ūnsanga ng'wanikī alūnjiwe, hūna ūmpondya ūlaala nang'hwe, ū ngosha ūyo wagwītaga ū mhayo gwenūyo akūbūlagwa wei dūhū.
26
Yaya ū kūng'wītīla mhayo gose gose ū ng'wanikī, nguno atītile mhayo gwigeleelilwe kūbūlagwa; ū mhayo gwenūyūū gūtikīlile nū gwa munhū wa kūng'ūbūkīla nzenganwa ng'wiye ūmūlaga.
27
Nguno ū ngosha ng'wenūyo wansangīlaga kū malaale ū ng'wanikī ūyo alūnjiwe, walī atīho munhū wa kūngunanha.
28
Hama ūlū ngosha ūmanhya na ng'wanikī atalūnjiwe, ūmpondya ūlaala nang'hwe, hūna būding'wa,
29
ū ngosha ng'wenūyo akūnīpa ū ise wa ng'wanikī shekeli makūmi atano ja feza; na akūntoola ū ng'wanikī ng'wenūyo, nguno wankenaagūlaga. Atigeleelilwe kūmpeeja nūūlū kūneka ū mu būpanga wakwe bose.
30
Ītang'wigeleelilwe munhū ose ose kūlaala na nke o ng'wa ise, atigeleelilwe gete kūnkunūja shizwalo ū nke o ng'wa ise.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34