bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 23
Deuteronomy 23
Sukuma 2019
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
1
Ū ngosha ūyo asoloolilwe nūūlū atīnīkile kū wīma mbele atigeleelilwe kwisangīja ū mu kwibilinga kwa banhū ba ng'wa SEEBA.
2
Nū munhū wa nda ya bū hamò būbyīle bokwe kūshisha kū shibyalīlwe sh'ikūmi, atigeleelilwe kwisangīja ū mu kwibilinga kwa banhū ba ng'wa SEEBA.
3
A Baamoni na a Bamoabu pye a bose nī shibyalīlwe shabo batazunīlījiwe ū kwingīla ū mu kwibilinga kwa banhū ba ng'wa SEEBA, kūshisha kū shibyalīlwe sh'ikūmi.
4
Nguno aho ng'walī mu lūgendo kūfuma kū sī ya Misili batamusūng'wanhile na kūng'winha minzī; ha ng'wanya gwaho bakang'honga hela Balaamu ng'witūnja o ng'wa Beoli muna Petooli ya Alamu-nahalaimu, gīkī amuzume.
5
Gwike ū SEEBA Mulungu wako ūlema ūkūndegeleka ū Balaamu, ī lizumo lyakwe ūlīgalūcha kūbiza ū kūlī bebe, nguno ū SEEBA Mulungu wako akūtogilwe.
6
Ū mu būpanga wako bose yaya gete ū kūbalombela mhola nūūlū a benabo.
7
Alīyo ū muna Edomu, ū ng'wenūyo yaya ū kūndalaha nguno ndūgūyo; nūūlū ū muna Misili yaya ū kūndalaha, nguno ū bebe wikala ū mu sī yakwe nyageni.
8
A baana babo a bakūbyalwa mu shibyalīlwe sha kadatū badūgije ū kwingīla ū mu kwibilinga kwa banhū ba ng'wa SEEBA.
9
Ūlū ūfuma ū mu ng'hambī yako kūja kwilwisha būlūgū na banishi bako, ilang'hanage ūtizikuumya na shikolo shisoso shose shose.
10
Ūlū ūmò wa bagosha ba mu bing'we ūsosohala kūlwa nguno ya kwiloteela būjikū, īkūng'wigeleelwa kūja hanze ya ng'hambī akikale kwenūko.
11
Ūlū lyūheeha ī līīmi, ooga mu minzī ū mīlī gwakwe, hūna ūlū līlīshilīlīkīīla ī līīmi ūshoka ū mu ng'hambī.
12
Ūkūsola ipandī, ī hanze ya ng'hambī, ūko ūkūyūja kwigunanha.
13
Ū mu shikolo sha kūtūmamīla, bizaga na kagembe kado na kado ū mu kaya, ka kūyūsīmbīla. Ūlū ūja kwigunanha, sīmbaga kachongo; hama ūlū ūmala ū kwigunanha galūkaga ūbūfukīīle ū būsoso wako.
14
Nguno ū SEEBA Mulungu wako akūyeelaga hamò nang'ho ū mu ng'hambī yako kūlwa kūkūlang'hana, na kūbatūūla mu makono gako a banishi bako. Na lūūlū ī ng'hambī yako shiigelile ībize neela, atizūbona būsoso ū mulī bebe agalūke īnge akūleke.
15
Ūlū nsese ūpeela kūfuma kūlī ise būgonzo wiza kwibisa ha ng'wako, yaya ū kūmfunya gīkī ashoke ko hangī.
16
Nekage wigashe hamò ning'we hose hose aho alatogwe wei ng'wenekīlī, mu nzengo ūyo alasole we; nīyo yaya nū kūng'wiboneela.
17
Atizilonga munhū ose ose ū mu Baisilaeli, ngosha nūūlū nkīma, wa kwītīla mihayo ya būjingi na wīmīlīzu mu numba ya ng'wa SEEBA Mulungu wako.
18
Sabo jose jose ījo jilonga kūfuma mu būjingī nūūlū wīmīlīzu wa bakīma na bagosha, yaya ū kūjenha mu numba ya ng'wa SEEBA Mulungu wako kwiza kūfunya shakwinha sha kūlahīla kwa mbika yose yose. Nguno ī shose shenīshi shilī sha malofu ū kūlī SEEBA Mulungu wako.
19
Ūlū ūngunanha ndūgūyo mu mhayo gose gose yaya kūnomba solobo; ūbize wangunanhile hela nūūlū shilīwa, nūūlū shikolo shingī shose shose, īsho ūshikile kūpandīka solobo kūfuma musho.
20
Ūlū munhū w'ihanga līngī ūdūgije ūkūnsoja solobo, alīyo ū ndūgūyo, ū Ng'wisilaeli, ū ng'wenūyo yaya gete. Ū mu gīko ū SEEBA Mulungu wako akūkwīlūkīla ningī ū mu yose īyo ūkwīyīta ū mu sī īyo ūlīja kwīdima ībize yako.
21
Ūlū ūlahīla mhayo gose gose kūlī SEEBA Mulungu wako, yaya ū kūdīla ū kūgūshikīlīja. Nguno ū mhayo gwenūyo akūkūbūūja ū SEEBA Mulungu wako ūgayiwe ū gwa kūhaya, ūbize ng'hūbi.
22
Alīyo ūlū wikala ūtalahīlile, ūtūūgwa ū mu būhūbi.
23
Būlī mhayo ūyo ūlagūhaye na nomo gwako managa gīkī īkwigeleelilwe kūgūshikīlīja, nguno ī shilahīlo shenīsho wabeejaga bebe ng'wenekīlī na nomo gwako kūlī SEEBA Mulungu wako.
24
Ūlū wingīla mu ngūnda gwa mizabibu gwa ndūgūyo, ūdūgije kūlya ī mizabibu gīt'ūmo ūlatogelwe, alīyo ūtizūtūūla na mu shigabbu.
25
Ūlū ūbīta mu ngūnda gwa ndūgūyo, ūdūgije kūhūlūla a mangala ūlya ī mbeke, alīyo ūtizūsola lūshū wandye kūbūgesa ū būsīga ūbo wīmīīlile.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34