bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 24
Deuteronomy 24
Sukuma 2019
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
1
Ūlū munhū ūtoola nkīma, alīyo ūmbyeeda kūlwa kūmona alī na shilingo shilebe, hūna ūng'wandīkīla talaka ūmpeeja wīnga a ha ng'wakwe;
2
hanuma ya henaho ū nkīma ng'wenūyo ūūkatoolwa na ngosha ūngī ipandī līngī,
3
nū ngosha ng'wenūyo nang'hwe ūmbyeeda ūng'winha talaka, ūmpeeja a ha ng'wakwe; nūūlū hamo ū ngosha ng'wenūyo ūzumalīka,
4
ū ngosha ūyo walī antoolile kwandya ū nkīma ng'wenūyo, ūyo akang'winha talaka ūmpeeja, atazunīlījiwe ū kūnshokela hangī ū nkīma ng'wenūyo; nguno wamala kūsosohajiwa. Ū mhayo gwenūyo gūkūbiza gwa malofu ū kūlī SEEBA. Yaya ū kūyenhela būbi ī sī īyo SEEBA Mulungu wako alīkwinha kūbiza ya wingīji wako.
5
Ū munhū ūlū watoolile būhaha, atigeleelilwe kūtūng'wa kūja kū būlūgū, nūūlū kwinhwa milīmo midito yose yose. Shiigeleelilwe amale ng'waka ngima alī ha kaya akūnūngūjaga ū nke wakwe ng'wenūyo.
6
Ūlū munhū alī na būgasa kūlī bebe, yaya ū kūsola iwe lyakwe lya kūshela nūūlū ī sho yaho, gīkī ūshidimīīle kūshisha aho alakūlīpe ū būgasa wakwe; nguno ūlū wīta gīko ū būgasa ūbo alī nabo kūlī bebe būkūbiza bokwenheleja kūntaaja shikolo sha kwigunanhīla mu būpanga wakwe.
7
Ūlū munhū ūding'wa wibaga ūmò wa baana ba ng'wawe a Baisilaeli, ūng'wīta kūbiza nsese wakwe nūūlū kūnjinja, ū ng'wibi wa munhū ng'wenūyo ni abūlagagwe. Shiigelile ūwīnje gete ū būbi ū mulī bebe.
8
Ī mihayo ya būsaatu wa mbiji shiigelile wīlole mu witegeleja būtaale; ītaga gīt'ūmo balakūwīlīle a bagabīji, a ba lūganda lwa Lawī.
9
Izūkagwa ūmo SEEBA akang'wītīla Miliamu ū mu nzīla aho ng'wafumaga Misili.
10
Ūlū ūnzunīlīja nzenganwa ng'wiyo kūsola shikolo shako abize na būgasa kūlī bebe, ūtizingīla ū mu kaya yakwe kwisolela bebe ng'wenekīlī ī ndiimīli yakwe.
11
Ū bebe ikalaga hanze ūnindīīle akwenhele wei ng'wenekīlī ī shikolo īsho alīshifunya kūlwa būgasa ūbo alī nabo kūlī bebe.
12
Ū munhū ng'wenūyo ūlū ūbiza ng'habī, yaya ū kūjūlaala nasho kū ng'wako īsho alīkwinha kūlwa koolecha gīkī akūkūlīpa ū būgasa.
13
Ī līīmi ūlū lyūgwa nshokejage ī kache mbeho yakwe, alikumbe ī būjikū. Akūkūlūmba no, nīyo ū mu gīko ūkūbalīlwa būtūngīlīja ū kū būtongi bo ng'wa SEEBA Mulungu wako.
14
Ūtizūng'wiboneela ū munhū ng'habī ūlū akūtūmamaga ha ng'wako gīkī apandīke shose shose, abize Ng'wisilaeli ng'wiyo, nūūlū ūmò wa bageni abo bakwikalaga hamò nang'ho mu sī yako.
15
Ng'winhage ī mheela yakwe ya būlī lūshikū aho līīmi lītaalī kūgwa, nguno ayisagīlilwe no īkī alī ng'habī; ūlū ītī chene akūnīlīīla SEEBA kūlwa nguno yako ūbalīlwe būkenaagūji.
16
A babyaji yaya ū kwinhwa nsango gwa kūbūlagwa kūlwa nguno ya būhūbi wa baana babo; na a baana batizinhwa nsango gwa kūbūlagwa kūlwa nguno ya būhūbi wa babyaji babo. Būlī munhū akūcha kūlwa nguno ya būhūbi bokwe wei ng'wenekīlī.
17
Yaya ū kwīliganya ī ng'hana ū mu kalamulīle, ūlū ūlīnamula ngeni, nūūlū munhū wamala bakwe. Nū nchīlwa yaya ū kūng'wīngīja kache mbeho yakwe kūlwa nguno ya būgasa ūbo alī nabo kūlī bebe.
18
Izūkagwa gīkī ū bebe walī nsese u mu sī ya Misili, alīyo ū SEEBA Mulungu wako ūkūkomoola kūfuma ū mu sī yenīyo, h'ī nguno yene nalīkūlagīla kwīta ī mihayo yenīyī.
19
Ūlū ūlīgesa mu ngūnda gwako, hūna ūkīlanhya lyangala, yaya ū kūlīshokela. Līlekage, ūnekele ngeni nū yūyo wamala bakwe, nūūlū ū nchīlwa. Ūlū wīta gīko ū SEEBA Mulungu wako akūkwīlūkīla ū mu milīmo yose ya makono gako.
20
Nūūlū ūlīhūlūla matwajo ga mizeituni yako, yaya ū kūshokeela lūkangala lwa kabīlī ū kūbīta ū mu matambī ga mitī yenīyo; nekelage ngeni nū yūyo wamala bakwe, na nchīlwa, alize apūmbīīle nang'hwe īsho alabone mo.
21
Pyī nū mu ngūnda gwa mizabibu, ūlū ūlīhūlūla ī mizabibu yako, yaya ū kūshoka mo lwa kabīlī; īsho shilīsaagīīla nekelage ngeni nū yūyo wamala bakwe, na nchīlwa.
22
Izūkagwa gīkī nū bebe walī nsese u mu sī ya Misili; h'ī nguno yene nalīkūlagīla pyī ī yose yenīyī.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34