bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Deuteronomy 32
Deuteronomy 32
Sukuma 2019
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
1
Bing'we mapandī ga ng'wgūlū, degelekagi nalūngalūnge; nū bebe sī yigwage ī mihayo ya kūfuma mu nomo gwane.
2
A kalangīle kane kidīke gītī mbula īkūtūlaga; nī mihayo yane yike gītī lūme; gītī iswalala ha maswa managana, na gītī mbula ya nzumbī kū shikolo shizwile.
3
Nakūlīkumūcha ī lina lya ng'wa SEEBA, ng'winhagi būtaale ū Mulungu wise.
4
Ū wei alī Shiganga, nīyo ī milīmo yakwe mishikanu; nī nzīla jakwe pyī jitūngīlīgije. Alī Mulungu nsanyiwa hangī atahūbaga, hama nīyo alī ntūngīlīja na ndeeba.
5
Bang'wītīlile yabūbi no būbipa, na lūūlū batī baana bakwe nguno baasosohalile; balī shibyalīlwe shabūbi na shihūlūganīkile.
6
Bing'we bachilū na ba ngaya masala, Ī yenīyo h'ī ya kūng'wītīla ū SEEBA? Ū we atī Sing'we wa kūmusūmba na kūmubeeja?
7
Jizūkagwe ī shikū ja kale, ūshiideedeng'hanyī ī shibyalīlwe īsho shabīta. Būūjaga kūlī myaji wako akūkūwīla yape, nūūlū a banamhala bako bakūkūsomboolela chiza.
8
Ūyo alī higūlya no aho alīgaba wingīji kū mahanga, aho alībasambaaja hose pye a baana ba banhū, akabatūūlīla mbīmbī a banhū giitumo baalī ūbūkūmi wabo bitūnja ba ng'wa Isilaeli.
9
Nguno ū ngabo go ng'wa SEEBA gwene banhū bakwe; ū Yakobo hū ngabo gwa wingīji wakwe.
10
Akamona alī ng'witogolo, mu sī y'itogolo lyabūbi no lya kogohya; ūnkīngītīīla, ūngaliila; ūnang'hana gītī mboni ya liso lyakwe.
11
Ūndīlīla gītī ng'hoonà īkūbeegelejaga ha chanjo shayo, ūmo īkagabandīlīlaga makune gayo; ūmo īkambīlaga manana īlīlang'hana makune gayo, yagabūūcha ha booya bo manana gayo.
12
SEEBA we wike hū walī ntongeeji wakwe; walī atīho mulungu ūngī ngeni, wa kūngunanha.
13
Akamūūcha ūūkantūūla kū magūlya ga sī, ūng'winha shilīwa sha kūfuma mu malaale. Ūnisha na būūkī kūfuma ng'wiwe, na maguta kūfuma mu shiganga shidimu;
14
na mashishanga hamò na mabeelè kūfuma mu madaale ga mitugo. Ūnisha na maguta ga ng'holo na ga mbuli, na ng'ondi ng'īnu ja kūfuma Bashani; na būsīga wawiza. Ūng'wa minzī ga mizabibu, divai yaza gītī mininga.
15
Alīyo ū Yeshuluni aho wagīna ūdoosa, ūluusa lilambī, nguno akigūta wibona wadidoha na kūsheeka. Hūna ūneka ū Mulungu ūyo wameeja, ūshiisuusumūla ī Shiganga īsho shilī Būpīji wakwe.
16
Būng'wenheleja kwīta wilu kūlwa bamulungu babo bageni, būmpelanya kūlwa mashiikolile gabo ga malofu.
17
Būyūgafunīja shitambò masamva, ayo gatī Mulungu! Mamulungu ayo baalī batagamanile, Mamulungu ga kūbilongela mu shikū ja haha, Mamulungu ayo bakūlūgenji bing'we baalī batagogohaga!
18
Ūneka ūyo alī Shiganga, ūyo wakūbyala; ūng'wība ū Mulungu ū myaji wako.
19
Ū SEEBA wībona ī yenīyī ūbadalaha na kūbaponya, nguno bakampelanya abitūnja na a bashīke bakwe.
20
Ūhaya, “Nakūbabisa ū būshū wane, nabone ī ngelelo yabo īkūbiza kinehe; nguno a benaba balī shibyalīlwe shabūbi, balī bana abo batīko kūsanyiwa nūūlū hado.
21
Banenhelegije kwīta wilu nguno ya shikolo Īsho shitī mulungu, būnipelanya kūlwa mashiikolile gabo. Nakūbīīta babize na wilu mu nzīla ya babo batī banhū; nakūbapelanya kūlw'ihanga īlo lītī na witegeleja.
22
Nguno ū būpelanu wane wabakije moto, ūyo gūkūbaka kūshisha kūlimu henekīlī. Gūkwīpemba pyī ī sī na a matwajo gaamo, pyī nī ngūlū jibake, nī misingi yajo.
23
Nakūbagwisīja mihayo mingī ya kūbaluhya, nagamalīle kūbo a masonga gane.
24
Nakūbatūmīla nzala ībakenaagūle na būgandu, hamò na mabūsaatu ga kūbalya na mahūūya gabūbi. Nakūbatūmīla na mashiinū ga mu mapoolu, na ng'hoboko ja būsūngū ja kūshooloma hasī mu lūbuubu.
25
A baana babo abo balī hanze bakūmalwa līlūshū; hama ū mu kaya jabo boobà būkūsuga. Basūmba na banhya bakūshila, pye na a beelele; na a ba mvī.
26
Nakahaya, ī gete nabasalang'hanye bashile gete, agaye ho nūūlū munhū ūmò wa kūbizūkwa.
27
Alīyo nūwiganika ū būdalahi wa banishi; a banishi batizikumīlīja balīhaya gīkī, ‘Ī yose yenīyī atayītile SEEBA, ū wenūbū būtindi wa nkono gwise.’
28
A benaba bal'ihanga ichilū; gatīmo gete a masala ū mubo.
29
Ni yabeelela ūlū ni babiza na witegeleja bīyitegeleja ī yenīyī, bitegeleja nī ngelelo yabo īkūbiza kinehe!
30
Ū munhū ūmò adūgije kinehe kūpeeja banhū shihūmbī, nūūlū a babīlī kūpeeja shihūmbī ikūmi ūlū atabajingije ūyo alī Shiganga shabo, ū SEEBA wabo ūlū atabalekanīgije?
31
Nguno ūyo alī shiganga shabo atalenganīlile nū yūyo alī Shiganga shise; na a banishi bamanile chene.
32
Ū nzabibu gwabo a boi gwa kūfuma Sodoma; gūfumile mu migūnda ya Gomola. Ī mizabibu yabo yokalile būsūngū; nī mikūngo yaho milūlū.
33
Ī divai yabo īlī būsūngū wa nzoka, būsūngū wa ng'hoboko ūbo būkabūlagaga.”
34
Ī gīsī, ī yenīyī natībīkile nene nībisa ng'wibīkīlo lyane?
35
Ū mhayo gwa kūlīpa shiilī gūlī gwane; līkūshika ī likanza gūchūūlūlūke ū gūgūlū gwabo; lwashikaga ū lūshikū lwa kūkenaagūlwa kwabo, ū lūshikū lwa lūshilo lwabo lūtūūdīla ū kūbapandīka.
36
Ū SEEBA akūbalamula a bahnū bakwe, a batūmami bakwe akūbachīla shigongo ūlū ūbona gīkī ī ngunzu jabo jashila; na gīkī bashila pye, basese na a batī basese.
37
Akūhaya, “Alilūūlū balī halī a bamulungu babo, Ī shiganga īsho baalihambaga kūpelela mo,
38
a bamulungu abo baalūlyaga shinonu sha shitambò shabo, nī divai ya shakwinha shabo sha kūng'wiwa? Ali ka nibabūkage shi lūūlū bamugunanhe! Ni bamubeegeja ha kwishīkīja būsebu bo līīmi!
39
Na lūūlū ī haha bonagi mudeebe gete gīkī ū nene hū nalī ng'wene, atīho mulungu ūngī, nalī nene dūhū. Ū nene nakabūlagaga, na nakinhaga būpanga, nakachūūbūlaga, alīyo hangī nakapījaga, na atīho wa kwīnja shose shose mu nkono gwane.
40
Nakoolotaga nkono gwane ng'wigūlū nilahīla gīkī, ‘Ūmo lina lyane līl'ipanga kūshisha welelo,
41
Ī līlūshū lyane lya kūlabangīla ūlū nūlīnoola hūna nūūlīdima mu nkono gwane kūlwa kūfunya nsango, nakūbamalīla shiilī a banishi bane; nakūbalīpa īyo ībigeleelilwe abo banikolilwe.
42
A masonga gane nakūgalalūcha mininga za, kūnū ī līlūshū lyane līkūlyaga nyama, mininga ga babūlagwa na ga a bading'wa, a bataale ba batongeeji ba banishi.’”
43
Bing'we banhū ba mahanga yegagi hamò na a banhū bakwe, nguno akūmala shiilī kūlwa mininga ga batūmami bakwe; a banishi bakwe akūbamalīla shiilī, atūūle isangī kūlwa sī yakwe hamò na a banhū baamo.
44
Ū Musa wiza nū Yoshwa ū ng'witūnja o ng'wa Nuni, ūshika wīhaya pyī ī mihayo ya lyīmbo lyenīlī mu matū ga banhū bose badegelekile.
45
Ū Musa aho wamala ū kwīhaya ī mihayo yenīyī ū kū Baisilaeli a bose,
46
ūbawīla, “Ī mihayo īyo namuwīla lelo yenīyī ītūūlagi mu ng'holò jing'we, mubize na būdūla wa kūbalagīla a bana bing'we kwīshikīlīja mu welwa ng'holò pyī ī mihayo ya shilagīlo shenīshi.
47
Ī yenīyī ū kū bing'we ītī mihayo dūhū, ī yoi īlī būpanga wing'we gete. Ī mihayo yenīyī īkūng'winha kūlama shikū ningī ū mu sī īyo mulīkīla mongo gwa Yolodani kūja kwīdima.”
48
Ū mu lūshikū lwenūlo ū SEEBA ūng'wīla ū Musa gīkī,
49
“Na lūūlū ū bebe jaga kū ngūlū ja Abalimu ūkalinhe kūshisha kū lūgūlū lwa Nebo, mu sī ya Moabu, lwilolelile na Yeliko ū kūntambūko; ūkīlole ī Kanani, ī sī īyo nalībinha Baisilaeli kūbiza yabo.
50
Ūkūchīla ū mu lūgūlū ūlo ūlaalinhe lwenūlo, ūtwalwe kū banhū bako; gīt'ūmo nū nkūlūyo ū Alooni akachīla mu lūgūlū lwa Hooli ūtwalwa kū banhū bakwe.
51
Ū gwenūyo gūlīja gīko kūlwa nguno a bing'we būbīlī wing'we mukanīītīla yabūbi ū mu miso ga Baisilaeli ū kū minzī ga Meliba ya Kadeeshi, ū ng'witogolo lya Zini; nguno mukaleka ū kūshimīzīla ū mu wela wane aho mulī hamò na a Baisilaeli.
52
Na lūūlū ūkwīlolela dūhū ī sī ūlī kūle, alīyo ū kwingīla ū mu sī īyo nalībinha Baisilaeli ūtūdūla.”
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34