bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 14
Jeremiah 14
Sukuma 2019
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 15 →
1
Ū mhayo ūyū go ng'wa SEEBA, gūkang'wizīīla Yelemia kūlwa būūmà nguno ya sī kūgayiwa mbula,
2
“Ī Yuda īlī mu būpīna, Ī mizengo yamo yazwanganile, a banhū bakwīlīlīīlaga ī sī; Ī ng'hūngū ya mu Yelusalemu īkwigwiagwa kūle.
3
A bataale bakūbatūmaga kū minzī a batūmami babo, alīyo ūlū bashika ū kū nzwinzī gatīmo a minzī. Ī shiseme bakūshokaga nasho shilī dalali, bigumīīlaga myenda kū mitwe, bachaaga minala na kūgwa ng'holò.
4
Ī sī yatandagūkile milala nguno ī mbula ītūtūlaga; a balīmi babizilikala bigumīīlaga myenda kū mitwe bachaaga minala.
5
Nī sūbūya ja kū matogolo jilīyūbabyala a baana jabaleka kūlwa kūgaya maswa.
6
Ī ndūūlū jikwīmīīlaga mu magūlya makalamuku jikūseesemaga gītī nyamhaawa. A miso gajo gaabbopomile kūlwa kūgayiwa maswa.”
7
Ee SEEBA, nūūlū īkī ū būbi wise būkūtūkaanilaga, alīyo nahene ītaga mhayo kūlwa nguno ya lina lyako. Nguno ng'hana ī chene ū būgomi wise wingī no; twakwītīla shibi ū bebe.
8
Ū bebe hū ūlī Kwisagīlwa kwa ng'wa Isilaeli, ūlī Mpīja wakwe mu makanza ga mayanga. Hama nibūlī wabizile gītī ūlī ngeni ū mu sī īyī, gītī mīti wa kūlaalīja būjikū būmò dūhū, ntondo ajile?
9
Nibūlī ūlībiza gītī munhū wa kwisanganījiwa mhayo nebe, nūūlū gītī nshilikale atī na būdūla wa kūgunanha? Ū bebe SEEBA ūlī hamò nise, nīyo tūkitanīlagwa mu lina lyako; yaya ū kūtūlekanīja.
10
Ū SEEBA alībahaya a banhū aba gīkī, “Baamanīīla no ū kūtagaalīja, balemeelilwe ū kūgalang'hana a magūlū gabo. Alilūūlū, ū SEEBA atūbanukūla; ī haha akūwizūkwa ū būbi wabo, akūbinha nsango kūlwa shibi shabo.”
11
Ū SEEBA ūniwīla, “Ūtabalombelage ī yawiza a banhū benaba!
12
Nūūlū bafunge natūkwigwa ū kūlīla kwabo, nūūlū bafunye shitambò sha kūpemvwa na shitambò sha būsu, natūshanukūla. Alīyo nakūbamala bo līlūshū (būlūgū), na nzala, na mahūūya.”
13
Nane nūhaya, “Ee Seeba MULUNGU, a bahangi bakwikalaga būbawīla gīkī, ‘Ū būlūgū būtīho, pyī nī nzala mutībona. Ū nene nakūng'winha mhola ya kūshinga ho ū ng'wipandī lyenīlī.’”
14
A henaho ū SEEBA ūniwīla, “A bahangī bakūhangaga mihayo ya būlomolomo mu lina lyane. Ū nene natīnabatūma, nūūlū kūbasola kūlwa nīmo gwenūyo nataalī; pyī nūūlū kūlūngalūnga nabo dūhū yaya. Bakūmuhangīlaga ya koolekegeje ka mihayo ītīho, būmanīja ūbo būtī na gwa kūpya, na ya mu maganiko gabo ga kūlembagūla banhū.
15
Hūna lūūlū, ū SEEBA alīhaya gīkī, A bahangi abo bakūhangaga mu lina lyane, natabatūmile ū nene; nūūlū īkī bakūhayaga, ‘Ū būlūgū nī nzala shitiza ū musī yenīyī.’ Ali lūūlū, a bahangi benabo bakūyagaala kūlwa būlūgū na nzala.
16
Hama na a banhū abo bakūbahangīlaga, nabo bakūponyiwa hanze, mu ū mapanda ga Yelusalemu; nguno bakūshila kūcha kūlwa būlūgū na nzala. Atilonga wa kūbajīka, a boi benekīlī na a bake babo, na a bitūnja babo, na a bashīke babo. Nguno nakūbitīīla a mayanga ayo gabigeleelilwe kūlwa būkenaagūji wabo.”
17
Bawīlage gūūyū mhayo; gīkī, “A miso gane ni gahūūmage shisoji shitī sha kūshila, līmī na būjikū; nguno ū nshīke wane (a banhū bane), watūlilwe igulaagīje itaale, nīyo lūguma lūbi no.
18
Ūlū naaja ū kū mabbaala balīko abo bakūbūlagagwa būlūgū; ūlū ningīla ū mu nzengo nakūbonaga ng'henaagūlīle ya nzala. A bahangi na a bagabīji a bose bakūlūbalūbaga mu sī ītī yabo na batīmanile.
19
Ū bebe wīlemile hamo shi Ī Yuda? Ī ng'holò yako yīkolilwe ī Sayuni? Nibūlī watūtūlile ha bbahu gīko, nose tutīko nūūlū kūpīla hangī? Twalisagīlagwa mhola, alīyo shitaalī kwigela shawiza shose shose; n'ikanza lya kūpīla, alīyo līlīho idetemya lyabūbi.
20
Ee SEEBA, tūlibūūla ū būbi wise nū būkenaagūji wa bataale bise, nguno twakwītīla shibi bebe.
21
Kūlwa nguno ya lina lyako, tūlīlomba ūtizūtūkolwa; yaya ū kūlīkenaagūla ī likūjo ly'isumbī lyako lya būtemi; ī lilagane lyako īlo watwinha lizūkagwe ūtizūlīponya.
22
Ū mu bamulungu ba kūgīmba, a ba mahanga, alīho ose ose ūyo adūgije kwenha mbula? Nūūlū ī ligūlū līdūgije kūsūlūlūcha iswalala lyoi lyenekīlī dūhū? Ītī gīko, alīyo bebe Ee, SEEBA Mulungu wise. H'ī chene ū kwisagīlwa kwise kūlī halī bebe, nguno ū bebe ūlī ng'wīti wayo pyī ī yose yenīyī.”
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52