bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 38
Jeremiah 38
Sukuma 2019
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
1
A ba Shefania ng'wana Matani, Gedalia ng'wana Pashuli, Yehukali ng'wana Shelemia, na Pashuli ng'wana Malikīya, bakīyigwa ī mihayo ya ng'wa Yelemia, īyo walī wabawīla pye a banhū; aho wahayaga:
2
“Ū SEEBA alīhaya gīkī, ‘Ūyo ūsaaga ū mu nzengo ūyū akūbūlagwa bo līlūshū, nūūlū nzala nūūlū mahūūya; alīyo ūyo ūja kūbagwīla mu magūlū a Bakalidayo, akwikala mpanga; akūbūpīja ū būpanga bokwe; akūpīla.’
3
Ū SEEBA alīhaya gūūyū mhayo, ‘Ū nzengo gwenūyū shiigelile gūtūūlwe mu makono ga ba shilikale ba ntemi wa Babuloni agūdime.’”
4
Hūna lūūlū a basugi benabo būng'wīla ū ntemi, “Ū munhū ng'wenūyū shiigelile abūlagwe, nguno a bashilikale abo basaagīīlile ū mu nzengo gwenūyū na a banhū a bangī pye a bose alībagwisha ng'holò, kūlwa mamihayo gakwe ayo akwikalaga ūbawīla. Ū munhū ng'wenūyū atūbakoobelaga misoga a banhū benaba, ūlū ītī kūbakoobela makoye dūhū.”
5
Ū ntemi Sedekia ūbawīla, “Ū ng'wenūyo alī mu makono ging'we, ū ntemi atadūgije kūmulemeja mhayo gose gose.”
6
Hūna būnsola ū Yelemia būkantūūla ng'wichongo lya lwinzī lwa ng'wa Malikīya, ng'witūnja wa ntemi; lyalī mu gwalugwa ya balang'hani. Būng'wicha bo ngoye ū ng'wichongo lyenīlo, gaalī gatīmo minzī; boolīmo būlolo dūhū, ū Yelemia ūdidibīla ū mu būlolo wenūbo.
7
Gwike walīho muna Esiopia ntūmami wa hikūlū, witanagwa Ebedimeleki; akigwa ī gīkī ū Yelemia bantūūlaga ng'wichongo. Ū ntemi akasangwa alī ng'wibanza kū mita gwa Benjamini.
8
Hūna ū Ebedimeleki ūfuma ū ng'wikūlū wihuuta ū kūlī ntemi, ūūkang'wīla gīkī,
9
“Baba ntemi, a banhū benaba bīītaga mibi no ī haha, kūtinda pyī īyo bang'wītīla ū ng'hangi Yelemia. Bamponyaga ng'wichongo lya lwinzī; ūlū shilashile ī shilīwa ū mu nzengo akūcha bo kūnanulwa nzala.”
10
Ū ntemi ūnagīla ū Ebedimeleki ū muna Esiopia; ūng'wīla, “Ū mu banhū abo ūlī nabo aha solaga makūmi adatū, ūje nabo mukang'wīnje ū Yelemia ū ng'wichongo kūko ataalī kūcha.”
11
Ū Ebedimeleki ūbasola a banhū benabo ūja nabo, ūūkingīla ū mu numba y'ikūlū, ūja mu chumba shimò shaho sha kūbīkīla shikolo ū ng'wikūlū ng'wenūmo. Ūshika ūsola madaaso daaso na mamyenda makūlūkūlū; biza nago; hūna būgiicha bo lūgoye ū ng'wichongo ūmo walī ū Yelemia.
12
Ū Ebedimeleki ū muna Esiopia ūng'wīla ū Yelemia, “Gapagage mu mangwa a mamyenda na a madaaso daaso genayo; ī ngoye jize a higūlya yaago jitizūkūsha.” Ū Yelemia wīta chene ng'hana.
13
Būnduta bo ngoye jenījo, būmfunya ū ng'wichongo. Ū Yelemia akikala ū ng'wibīndo lya balang'hani ng'wenūmo.
14
Ikanza līngī hangī ū ntemi Sedekia akanagīlīja ū ng'hangi Yelemia, wenhwa kū nyango gwa kadatū gwa kwingīlīla mu numba ya ng'wa SEEBA. Ū ntemi ūng'wīla ū Yelemia, “Bebe gūūyū mhayo nakūbūūje, gwike ūtizūnibisa shose shose!”
15
Ū Yelemia ūnshokeja ū ntemi Sedekia ūhaya, “Ūlū nūkwinha ī lishosho lya ng'hana ūtūnibūlaga? Nguno nūūlū nūkūganikīla nahene ūtūnidegeleka.”
16
Ū ntemi Sedekia ūng'wīlahīlīla ū Yelemia mu mbisīla; ūng'wīla, “Ūmo SEEBA alī mpanga, ū meeja wa ng'holò jise, natūkūbūlaga, nūūlū natūkūtūūla ū mu makono ga banhū abo balī na ng'hūmbū ja kūkūbūlaga.”
17
Hūna ū Yelemia ūng'wīla ū Sedekia, “Ū SEEBA Mulungu wa mabità, ū Mulungu wa Isilaeli, alīhaya gīkī, ‘Ūlū ūbagwīla mu magūlū a basugi ba ha sīlīlī ya ntemi wa Babuloni, ū būpanga wako būkūpīla, nū nzengo gwenūyū gūtūtiing'wa moto; hama ū bebe nī kaya yako mukwikala mhola.
18
Alīyo ūlū ūtūbagwīla mu magūlū a basugi ba ha sīlīlī ya ntemi wa Babuloni, ū nzengo gwenūyū gūkūtūūlwa mu makono ga Bakalidayo bagūtiime moto; nū bebe ng'wenekīlī ūtūpūlūgūka ū mu makono gabo.’”
19
Ū ntemi Sedekia ūng'wīla ū Yelemia, “Nalībogoha a Bayudaya abo bapeelelile kū Bakalidayo. Nguno a Bakalidayo badūgije kūnitūūla mu makono gabo; bakūnīītīla yabūbi no.”
20
Ū Yelemia ūshosha ūng'wīla, “Batūkūtūūla ū mu makono ga Bayudaya, ū bebe ng'wigwage ū SEEBA, wīte ūmo nalīkūwīlīla. Ī mihayo yako īkūgololoka, nū būpanga wako būkūpīla.
21
Alīyo ūlū ūlema ū kūbagwīla mumagūlū, ū SEEBA wamalaga kūnolekeja mhayo gūūyū:
22
‘Pye a bakīma abo baalekeelilwe ū ng'wikūlū lya Yuda bakūfunyiwa hanze, batwalwe kū basugi ba mu selekaali ya ntemi wa Babuloni.’ A bakīma benabo bakūkūwīla gīkī, ‘A banwani biyo abo ūbasanije baakūlembagūlile būkwibanga. Ī haha watīnije, a magūlū gako galī mu tembe; a banwani biyo baakūlekanīgije.’
23
A bake bako na a baana bako bakūfunyiwa pye a bose, batwalwe kū Bakalidayo. Nū bebe ng'wenekīlī ūtūpūlūgūka ū mu makono gabo, ū ntemi wa Babuloni akūkūdima dūhū; ū nzengo gwenūyū ūkūgwenheleja gūtiing'we moto.”
24
Hūna ū Sedekia ūng'wīla ū Yelemia, “Atizilonga munhū nūūlū ūmò wa kwīdeeba īyo twīhooyela yenīyī; nguno ūshikile kūbūlagwa.
25
A basugi ūlū bigwa gīkī nahooyaga nang'ho, hūna biza kūkūwīla, ‘Tūwīlage īyo wang'wīla ū ntemi, nī yīyo wakūwīla ū bebe; ūtizūtūbisa, ūlū ītī chene tūkūkūbūlaga,’
26
a henaho ūkūbawīla gīkī, ‘Nalūng'wikūmbīlījaga ū ntemi atizūnishosha ū kū numba ya ng'wa Yonasani, kūjūchīla ko.’”
27
Na ng'hana pye a basugi būng'wikuunūkīla ū Yelemia bandya kūmūja, nang'hwe ūbawīla pyī īyo ntemi walī wanagīla kūhaya. Būhuumūla dūhū būneka, nguno walī atīho nūūlū ūmò ūyo walī wagiigwa a mahooya gakwe nū ntemi.
28
Ū Yelemia akikala ū mu gwalugwa ya balang'hani kūshisha lūshikū lwa kūding'wa ū nzengo gwa Yelusalemu.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52