bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 7
Jeremiah 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
1
Ū mhayo ūyū gūkiza kūlī Yelemia kūfuma kūlī SEEBA gūhaya:
2
Īmīīlaga a ha mita gwa numba ya ng'wa SEEBA, ūgūhaye ū mhayo ūyū ūlī henaho; gīkī, “Bīng'we banhū ba Yuda abo mukabītīlaga ha mibità īyī kwiza kūnamya SEEBA, gūdegelekagi ū mhayo go ng'wa SEEBA.
3
Ū SEEBA wa mabità, ū Mulungu wa Isilaeli, alīhaya gīkī, Galūchagi ī nhūngwa jing'we nī shītwa shing'we, hū nakūmuleka ng'wikale ū ng'wipandī lyenīlī.”
4
Yaya ū kwikala ng'ūsanya mihayo ya kwilembagūla mulīhaya, “Īyī yene hekalu ya ng'wa SEEBA, hekalu ya ng'wa SEEBA, hekalu ya ng'wa SEEBA!”
5
Ūlū ng'ūgalūcha ng'hana ī nhūngwa jing'we nī shītwa shing'we, ng'ūbiza na shītwa shitūngīlīgije būlī ng'wene ū kū biye;
6
ūlū ng'oya ū kūbiboneela a balobeji na a bapīna, na a bachīlwa, na a banhū abo batī na shilingo ng'oya kūbabūlagīla ū ng'wipandī īlī; na a bamulungu a bangī ng'oya ū kūbalondeela, nguno ū mhayo gwenūyo gūlī gwa kūmuminya bīng'we benekīlī;
7
a henaho hū nakūmuzunīlīja ng'wikale ū ng'wipandī lyenīlī; ū mu sī īyo naabinha bakūlūngeji bing'we welelo bose.
8
Alīyo a bīng'we musanije mihayo ya kwilembagūla, īyo ītī na ngofyoolo.
9
A bīng'we mukwikala ng'wiba na kūbūlaga banhū, na kūshihya, na kūlahīla nyamaama, na kūmfunīja būbbani Baalī, hamò na kūlondeela bamulungu bangī abo mutabamanile,
10
hūna ng'wiza kwīmīīla mu būtongi bone ū mu numba yenīyī, īyo īkitanīlagwa kū lina lyane, ng'walinhya kūhaya, “Tūlī mhola no,” mhola ng'wikale mukwītaga mihayo ying'we ya malofu?
11
Ī numba yenīyī, īyo īkitanīlagwa kū lina lyane, yabizile ipilinga lya basambo ū kū bīng'we? Alīyo managi gīkī, ū mhayo gwenūyū nagūbonile dūhū, alīhaya SEEBA.
12
Jagi ī Shilo ī haha, ū kwipandī īlo nakandya kūtūūla wikalo kūlwa lina lyane; jagi ko mukībone īyo nakalyītīla ī lipandī lyenīlo kūlwa nguno ya būbi wa banhū bane a Baisilaeli.
13
Aho ng'wīyītaga pyī ī yenīyī, alīhaya SEEBA, nikalaga nakūmuwīlaga ng'hangala na ng'hangala, alīyo ndūhū ū kūdegeleka; nūūlū nang'witana ng'walī mutidīkaga.
14
Alilūūlū, īyo nakīyīta ū kū nzengo gwa Shilo, nakwīyīta nī haha ū kū numba īyo īkitanīlagwa kū lina lyane; ī hekalu īyo ng'wisanije, ī lipandī īlo naang'winha bīng'we, hamò na a bakūlūgenji bing'we.
15
Nakūmuponya kūle, ng'wīnge ū mu būtongi wane; gīt'ūmo nakabaponeja badūgū bing'we, a banhū ba Efulaimu pye a bose.
16
Lekaga ū kūbalombela a banhū benaba, nūūlū kūnilīlīīla na kūnikūmbīlīja kūlwa nguno yabo; lekaga gete ū kūnidayīīla; nguno natūkūdegeleka.
17
Ū bebe ūtībonaga īyo bakwīyītaga ū mu mizengo ya Yuda, nū mu mayīla ga Yelusalemu?
18
A banīgīnī bakūsenhaga ng'hwi, a basaabo baapemba moto, hūna a bakīma baaluba mbilya kūlwa kūmeegeja migatī Ngole wa Ng'wigūlū; na shakwinha sha kūng'wiwa bakūfunyaga kūlwa bamulungu bangī, bongeja kūnipelanya ū nene.
19
Ī gīsī nani ūyo bakūng'wikolooshaga, ū nene ūyū? Alīhaya SEEBA. Ītī gīkī bakwiminyaga boyi benekīlī dūhū bagwe mu magooke?
20
Hūna lūūlū, ū Seeba MULUNGU alīhaya gīkī, Ū būdaki nū būpelanu bone būkūliidīkīla ī lipandī lyenīlī, būbidīkīle a banhū, nī mitugo, pyī nī mīti ya mu matogolo, na a matwajo ayo galīmo ū mu sī; būkūbaka gītī moto gūtī na būjimīje.
21
Ū SEEBA wa mabità, ū Mulungu wa Isilaeli alīhaya gīkī, Ī shakwinha shing'we sha kūpemvwa shisangījagi nī shitambò shing'we ī shingī, mulye bīng'we ī nyama.
22
Nguno ū ng'wikanza lya kūbīnja Misili a bakūlūgenji bing'we, aho nalīyomba nabo, natagelelile kūbawīla mihayo ya shitambò sha kūpemvwa na shitambò dūhū.
23
Alīyo nakabinha nī shilagīlo īshi; gīkī, Niigwagi, hū nakūbiza Mulungu wing'we, na a bīng'we mukūbiza banhū bane. Shimīzīlagi ū mu nzīla pyī ījo nalīmulagīla, ī mihayo ying'we īkūgololoka.
24
Alīyo batadegelekile nūūlū kūdīlīla yaya, a ha ng'wanya gwaho būyūlondeela kasolele kabo dūhū kūlwa būgang'hanazu wa ng'holò jabo jabūbi; bongeja kūshoka kū numa, batajile kū būtongi.
25
Kūfuma lūshikū lwa bakūlūgenji bing'we kwīnga mu sī ya Misili kūshisha lelo īyī, nakishokeelaga kūmutūmīla batūmami bane, a bahangi ng'hangala na ng'hangala, ntondo na ntondo.
26
Alīyo batanidegelekile nūūlū kūnidīlīla. Baalī na mitwe midiimu no, kūtinda a bakūlūgenji babo.
27
Ūkūbawīla pyī ī mihayo yenīyī, alīyo batūkūdegelaka, nū kūbitana ūkūbitana alīyo batūkwidīka.
28
Alilūūlū bawīlage gīkī, “Ī lyenīlī h'ī lihanga lya banhū abo balemile kūng'wigwa SEEBA Mulungu wabo, nūūlū kūlondeela kahūgūlīle kakwe. Ī ng'hana īchile, ītīmo ū mu milomo yabo.
29
Jimoogage ī nzwīlī jako ūjiponye, līlaga ng'hūngū kū magūlya makalamuku; ū SEEBA washilemile ī shibyalīlwe shenīshi, ūshileka na ūshileka, nguno shilī ha sīlīlī ya būpelanu bokwe.”
30
Ū SEEBA alīhaya gīkī a banhū ba Yuda baanītīlile mibi no. Baatūūlile shiikolile shabo sha malofu ū mu numba īyo īkitanīlagwa kū lina lyane, bīsosohagije.
31
Na mapandī gabo ga higūlya ga Tofesi baagazengelile mu longa lwa Beni-hinomu, gīkī ū ng'wenūmo bayūboocha mu moto bitūnja na bashīke babo, mhayo ūyo natagūlagīlīle nene, nūūlū gūtaalī kwingīla mu maganiko gane.
32
Alilūūlū itegelejagi, ū SEEBA alīhaya gīkī, jikwiza shīkū ī lipandī lyenīlo līkoya ū kwitanwa Tofesi nūūlū longa lwa Beni-hinomu, alīyo lūkūbiza longa lwa bafu, nguno bakūbajīka a bafu babo ū mu Tofesi, kūshisha gūtūsaaga ho ng'wanya gwa kūjīkīla hangī.
33
Hūna lūūlū ī mibimba ya banhū benaba īkūbiza shilīwa sha noni ja kūlala, na shiinū ja mu matogolo, na atūbiza ho ose ose wa kūjipeeja jīnge.
34
Ū mu mizengo ya Yuda na a mapanda ga Yelusalemu, nakūgīnja a malaka ga būyegi na būzalabanu, na a malaka ga batoolwa na batooji; nguno ī sī īkūbiza dalali.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52