bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 5
Jeremiah 5
Sukuma 2019
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 6 →
1
Bīta bītagi pye hose hose ū mu mapanda ga Yelusalemu, jagi ng'ūlola būlī kwene, kūnū mukwideedeng'hanyaga; gīsīlījagi hose pyī ū mu magūlilū gaamo. Ūlū ng'ūpandīka munhū nūūlū ūmò ūyo akīītaga mihayo mu būdeeba na kūkooba ng'hana, nakūgūlekeja ū nzengo gwenūyo.
2
Nguno nūūlū bakahaya gīkī, “Ūmo SEEBA alī mpanga, nahene numho balilahīla mu būlomolomo dūhū.”
3
Ee SEEBA, tūhaya a miso gako gakīkoobaga ī ng'hana? A benaba wabīta ū kūbatūla, alīyo ndūhū ū kūshingimūka; nū gwa kūyūbabūlaga wagūbītīla, alīyo nahene balemile ū kūhang'wa. Ū būshū wabo būdimu no kūtinda iwe; balemile gete ū kūgalūka.
4
Hūna nūyiganika nakwiwīlaga, “A benaba angū batī na gwabo, nīyo hangī babbūūlī ba babbūūlī; nguno batīmanile ī nzīla ya ng'wa SEEBA, Īyo ayīhayile ū Mulungu wabo.
5
Ī gete nakūja ū kū batongeeji, nakalūngalūnge nabo; hamo a bene bīmanile ī nzīla ya ng'wa SEEBA, īyo ayīhayile ū Mulungu wabo.” Alīyo nahene na a boi bizunīlīja mu būsangī būmò būlībīnzagūla Ī likondejo, na a matungījo būgatīnagūla.
6
Alilūūlū, shimba īkūfuma kū masaka yize kūbadumīla, mhūge ya kūfuma kū matogolo Īkwiza ībakenaagūle. Ū mu mizengo yabo sūbī Īkūbibandīīla, ose ose ūyo ūpuluka yūntandagūla; nguno ū būkenaagūji wabo wingī no, nū būgomi wabo būkīlanīgije.
7
Nakūdūla kinehe ū kūkūlekeja? A baana bako baanileka ū nene, bakwilahīlaga mu lina lya bamulungu abo batī bamulungu. Naabinha pyī ī shiigunaanīlo, alīyo hū bongeja kūbiza bashihani, būyikala bisūmbyaga mabità mabità mu numba ja bamalahya.
8
Batikīlile na ng'osha ja falasa jalya jigūta, jūyikala jikūkoyiagwa lwahahi lwa kūpanda; būlī ng'wene akikalaga ūlīlīīla nke o nzenganwa ng'wiye.
9
A benaba naleke kūbinha nsango kūlwa mihayo yenīyī? Alīhaya SEEBA. Naleke kwimalīla shiilī kwihanga lya mbika īyī?
10
Jagi ko mubīte hose hose ū mu migūnda yamo ya mizabibu, muje mukwīsengagūlaga; gwike mutizūmala pye pye pye gete. Na a matambī gakongoolagi, nguno a banhū benaba batī ba ng'wa SEEBA.
11
Ī numba ya Isilaeli nī numba ya Yuda jaanigomela kībi no, alīhaya SEEBA
12
Ūlū bakūng'hayaga SEEBA bakilembagūlaga bakwiwīlaga, “Atī na mhayo gose gose gwa kwīta, būtīho būbi bo kūtūgwīla; tūtīko kūbona būlūgū, nī nzala ndūhū.
13
A bahangi bene lūyaga dūhū, nū mhayo batī nago ū mu bo; īyo bakikalaga bīhayaga yenīyo ni ībagwīlage bo benekīlī.”
14
Alilūūlū, ū SEEBA Mulungu wa Būdūla bose alīhaya gīkī, “A banhū benaba īkī bakūyombaga mihayo īlī gīko, ī mihayo īyo īkūfumaga mu nomo gwako nakwīyīta ībize moto, lelo a banhū benaba bakūbiza ng'hwi ja kūpemvwa ū mu moto gwenūyo.
15
Ee numba ya Isilaeli, nakūkwenhela ihanga kūfuma sī ya kūle lize līkūdumīle.” Alīhaya SEEBA. Ihanga lya nguzu hama lya kale; banhū ba lūlīmi ūlo mutalūmanile a bīng'we, abo mutūdūla kwīyitegeleja īyo bakwīhayaga.
16
Ū ntana gwa masonga gabo gūbange gītī shigila shasamile; bose pye bagosha ba mbagashūūla.
17
Būlī shene īsho mukūgesaga bakūshibuluuja, nī shilīwa shing'we pyī ī shose, a bitūnja bakūbajana pye, na a bashīke bing'we kū lūkūbo. Būyaga na a madaale ging'we ga ng'holo na ng'ombe bakūgamala; Ī mizabibu ying'we nī mitini nayo bakwīlya pyī īshile. Ī mizengo ying'we īyo ng'wīsanije nguno īpīndīlīgije ndugu bakwīkenaagūla, bo shilanga sha būlūgū.
18
Gwike nahene nūūlū ū mu shikū jenījo. Alīhaya SEEBA, natūmukenaagūla mushile pye gete.
19
A banhū ūlū būbūūja gīkī, “Nibūlī ū SEEBA Mulungu wise atwītīle mihayo īlī gīko?” Ūkūbashokeja ūbawīle gīkī, “Ūmo ng'wanilekela ū nene ng'wūyūbatūmamīla bamulungu bageni ū mu sī ying'we ūmu, h'ūmo mukūjūbatūmamīla banhū ba mahanga kū sī ītī ying'we.”
20
Gūkumūchagi ū mhayo gwenūyū ū kū ba numba ya ng'wa Yakobo, gūhamukagi higūlya ū mu sī ya Yuda; hayagi gīkī,
21
“Degelekagi bīng'we babbūūlī na bangaya masala, abo mulī na miso alīyo mutabonaga, na a matū mulī nago alīyo mutigwaga.
22
A bing'we mutadūgije gete ū kūnogoha ū nene?” Alīhaya SEEBA. Mutīko kūdetema ū kū būtongi bone? Ī nyanza nītūūlīla ng'walo go maseni, hū lūbīmbī lwayo lwa būja na būja, Ītīko kūlūkīlanhya. A mahuuli h'ūmo gabūūkīle, gatīko kūkīlanhya ho na hado yaya; nūūlū gahuyembe na kinehe, nahene gatīko ū kūbīta ho.
23
Gwike a banhū benaba nambu no ī ng'holò yabo, hangī bashitiigwa kībi no; baagalūkīla kūngī būng'ula bajile.
24
Ū mu ng'holò jabo batiwīlaga gīkī, “Tūng'ogohagi ū SEEBA Mulungu wise, ūyo akatūtūmīlaga mbula makanza gayo, ī ya mu mīsa nī ya kū būkalīkījo bo ng'waka; hū ng'wene atūlang'hanīgije makanza ga kūbilinga shilīwa.”
25
Ū būbi wing'we būkwīhangījaga Ī yenīyī, ī shibi shing'we shikūmulechaga Ī yawiza.
26
Ū mu banhū bane balīmo bamò babūbi no, bakibandīīlaga bichabo gītī abo bakategaga mitego ya kūgwasha banhū.
27
Ūmo ngono gūkookalīlaga noni jagwashiagwa, nī numba jabo jookalīlile būnyeecha gīko; h'ūmo bakasabīlaga na kongeja kūbiza na būdūla būtaale.
28
Hama nīyo bagīnu no, nī mibīlī yabo misheeku. Nū mu kwīta ī mibi batī na lūbīmbī, batabagunanhaga a bapīna ū mu mabanza, gīkī nabo bapandīke būtindi. Na a bahabī batabagunījaga ū kū mihayo īyo ībigeleelilwe.
29
A benaba naleke kūbinha nsango kūlwa mihayo yenīyī? Alīhaya SEEBA. Naleke kwimalīla shiilī kwihanga lya mbika īyī?
30
Ū mu sī īyī gwilongile mhayo mi no, hangī gwa kūkamaaja:
31
A bahangi babizilūhanga ya būlomolomo, a bagabīji nabo bakūsugaga mu būdūla wabo benekīlī; hama a banhū bane nabo batogilwe Ībize gīko ī mihayo yenīyo. Alīyo lūūlū ū kū ng'halīlo mukwīta kinehe?
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52