bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 3
Jeremiah 3
Sukuma 2019
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
1
Ī gīsī ūlū ngosha ūneka nke wakwe yūcha ī kaya yabo, hūna ū nkīma ng'wenūyo wīnga ūūkatoolwa na ngosha ūngī, angū, ū ngoshi adūgije kūnshokela hangī? Ū mu gīko ītūsosohala no ī sī? Ū bebe ū mu būmalahya wako wakwījaga no a bagosha ba kwikala nang'ho; alīyo ūdūgije kūnishokela hangī, alīhaya SEEBA.
2
Alibūūchaga a miso wilalangīje ūgalole a magūlya makalamuku! Līlīho ipandī lyose lyose ūko ūtaalī kūshihījiwa? Ūkahūūnyaalaga mu mayīla ūkūbalindīīlaga a bitogwa bako, gītī nyūngi mu mabūga. Ī sī wīsosohagije kūlwa būmalahya na nhūngwa jako ja malofu.
3
H'ī chene ītūzunīlījiagwa ī mbula ū kūtūla nūūlū iswaalala dūhū, nī mizumbī ya mu mīīsa ītīho! Alīyo īkī ūlī na būshū būgūnu kūlwa būmalahya, ūlemile ū kūcha soni nūūlū hado.
4
Tūhaya haha haha dūhū walūnitanaga ūlīhaya gīkī, “Baba nwani ng'wichane wa kūfuma ha būdinha bone,
5
ūkwikala ūnipelanīlile gwa? Ū būpelanu wako būkūbaka ilalī? H'ūmo ūkayombelaga; alīyo ū kūnū wīyīta ī ya malofu gīt'ūmo ūtogilwe!”
6
Ū mu shikū ja ntemi Yosia, ū SEEBA akaniwīla, “Wībona īyo wīyīta ū nkīma ū ngomi ū Isilaeli? Waaja akūshihyaga būlī hene a ha ngūlya nīhu, nū mu mbeho ja mitī ya madūūtū mingī.
7
Ū nene nakiganika gīkī, ūlū ūmala ū kwīyīta ī yenīyo akūnishokela, alīyo atashokile. Nū ng'wanong'wawe, ū Yuda, ū ng'hūnga, akībona ī mihayo yenīyī.
8
Ū Isilaeli nakaneka kūlwa kūlema kūniigwa, nūng'winha talaka ūja, nguno ya nhūngwa jakwe ja būshihani. Alīyo ū ng'wanong'wawe ū Yuda ū ng'hūnga, atogohile; nang'hwe ūfuma būshimbe, wandya kwīta būmalahya.
9
Nīyo īkī ū Isilaeli atabūbonile ū būmalahya bokwe gīkī būlī na būbi, akīsosohaja no ī sī kūlwa kūshihya na mawe, na mantī.
10
Hama ū mu yose yenīyī, ū Yuda, ū ng'wanong'wawe ū ng'hūnga, atanishokelile na ng'holò īmò, alīyo mu wibeeleleja dūhū.” Alīhaya SEEBA.
11
Ū SEEBA akaniwīla, “Ū Isilaeli nūūlū īkī ngomi, alīyo wiyoolekije gīkī ntūngīlīja kūtinda ū Yuda, ū ng'hūnga.”
12
Jaga ī sukuma ūkīyombe ī mihayo yenīyī; ūhaye gīkī, “Bebe Isilaeli ngomi, shokaga; alīhaya SEEBA. ‘Natikala naakūmining'halīlaga, nguno nalī na shigongo,’ alīhaya SEEBA. ‘Natūkūpelanīla ilalī.
13
Ū bebe ng'wene zunyaga dūhū ī gīkī ūlī ng'hūbi, wangomela ū SEEBA Mulungu wako, ū būtogwa wako ūkūwaalanyaga sagala kū bamulungu bangī, būlī hene a ha mbeho ya ntī gwa madūūtū mingī. Hū kūhaya ūlemile ū kūliigwa Ī lilaka lyane,’” Alīhaya SEEBA.
14
“Bīng'we bagomi, nishokelagi; nguno ū nene hū nalī ngoshi wing'we,” alīhaya SEEBA. “Nakūmusola nang'wenhe Sayūni; ūmò kūfuma mu nzengo, na babīlī kūfuma mu lūganda.
15
Hanuma nakung'winha badīīmi abo balī ha ng'holò yane, bayūmutongeela mu būmani na witegeleja.
16
Hūna ū mu shikū jenījo ūlū ng'wiyongeja ng'wūkwīla ū mu sī yenīyo,” alīhaya SEEBA; a banhū bakooya ū kūyomba gīkī, “Isandīko ly'ilagane lya ng'wa SEEBA.” Lītingīla ū mu maganiko gabo, nūūlū batūlizūkwa hangī, nūūlū ni kūlīkūmbūla dūhū yaya; na lītūbeejiwa līngī hangī.
17
Ū ng'wikanza lyenīlo ī Yelusalemu īkwitanwa Isumbī lya Būtemi lya ng'wa SEEBA; hūna pye a mahanga gakwibilīngīla ū mu Yelusalemu kū būtongi walyo, mu miso ga ng'wa SEEBA. Nīyo bakooya ū kūshimīzīla mu būgang'hanazu wa ng'holò jabo jabūbi.
18
Ū mu shikū jenījo ī numba ya Yuda īkwisangīja nī numba ya Isilaeli, bose pye bakūfuma kū sī ya sukuma, bashoke ū mu sī īyo nakabinha bakūlūgenji bing'we kūlwa wingīji wing'we.
19
Ū nene nakahaya, “Ni nayega no ū kūng'wisaaba gīkī mulī baana, na kūng'winha sī ya wingīji būsoga kūtinda mahanga gose.” Niganikaga mukūyūnitana, “Baba” na gīkī mutūgalūka ng'oye ū kūnilondeela.
20
Ee numba ya Isilaeli, ūmo nkīma ng'hūnga akanekelaga ngoshi wakwe, na a bīng'we mulī bahūnga ū kūlī nene. Alīhaya SEEBA.
21
Ilaka lya kūlīla līlīfuma kū magūlya makalamuku, Baisilaeli bakūlīlaga na kwiyanda, nguno ya kūjikenaagūla ī nzīla jabo kūlwa kūng'wība ū SEEBA Mulungu wabo.
22
Bing'we banhū ba ng'haani, shokagi; nakūmulagūla kūshile ū kūshoka numa kwing'we. Alichene, tūlīkūshokela bebe, nguno ū bebe h'ūlī SEEBA Mulungu wise.
23
Ī gete ng'hana ū kwikala twilamīlīja nakūyoganya mu ngūlū ndo na nhaale tūkilembaga dūhū. Ū gwa ng'hana gūlī gīkī, ū būpīji wa Baisilaeli būlī mulī SEEBA Mulungu wise.
24
Alīyo kūfuma kale kūko tūtaalī bado, pyī īsho babyaji bise bakanogaga kūshikooba shikashilaga kūliiwa na mashiinū ga minala; h'ūmo jikashilīlaga ī ng'holo nī ng'ombe jabo, pyī na a bitūnja na a bashīke babo.
25
Tūlambalalagi hasī kūlwa magooke, Ī minala yise ītūkundīkīje. Nguno kūfuma ha būdinha wise kūshisha lelo, tūlī ba shibi ū kūlī SEEBA Mulungu wise; a bise benekīlī na a babyaji bise tūtaalī ū kūbiza biigwi ū kūlī SEEBA Mulungu wise.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52