bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 48
Jeremiah 48
Sukuma 2019
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
1
Ī mihayo īyī īlī kūlwa nguno ya Moabu: Ū SEEBA wa mabità, ū Mulungu wa Isilaeli, alīhaya gīkī, “Ī Nebo īlī mu kwihīga nguno Īkūkenaagūka. Ī Kiliataimu īkūding'wa īgooke. Nī numba ya kūpīlīla īkūkambagūlwa īpondwe soni.
2
Ī Moabu ītikala īkūkumīlījiagwa; bana Heshiboni bīsīīgile kwīgwisha ī sī yenīyo; bakwiwīlaga gīkī, ‘Bing'we tūmpyagūlagi ū munihanga ng'wenūyo ashile gete!’ Ee, bebe nzengo gwa Madimeni ūkūhuumūjiwa; līlūshū līkūkūkūūbīlīja.
3
Alidegelekagi ī Holonaimu, yazulung'hanije ko ng'hūngū, kūlīla kūlwa kūzwangana kūtaale na būkenaagūji.
4
Ī Moabu yakenaagūlilwe; Ī ng'hūngū yamo īligwiwa kūshisha Zoali.
5
Bakūlinha ngūlya bajile bashike Lūhītī bakūtūlaga ng'hūngū. Ū kū ntulumenho gwa Holonaimu yigwiwe ng'hūngū mbi no kūlwa būkenaagūji.”
6
Bing'we, peelagi! Ipījagi ū būpanga wing'we, mubize gītī mpumbula ndoto ng'witogolo ikalamuku.
7
A bing'we īkī musanije milīmo ying'we na būsabi wing'we mukūsolwa mutwalwe mu būding'wa; nū Kemoshi akūsaamiwa, pye na a bagabīji bakwe, būyaga na a batūmami bakwe.
8
Nyagaja akwīdumīla pyī ī mizengo, gūtūpūlūgūka nzengo nūūlū gūmò. A malago gakūbipiwa no, nī mbūga jikūyugūūlwa, nguno h'ūmo wahayīlile ū SEEBA.
9
Īpumunhīlagi mamunhu ī Moabu, nguno lyashika ī likanza lya kūkenaagūlwa kwayo; Ī mizengo yamo īkūbiza dalali, ndūhū wa kwikala mo.
10
“Azumilwe ū wa kūtūmama nīmo go ng'wa SEEBA mu būtūdīlīla. Azumilwe ū wa kūleka kūtūmamīla līlūshū lyakwe kwita mininga!
11
Ū Moabu alī sele sele kūfuma shikū ja ha būdinha bokwe, alembeelile gītī divai īlekilwe na ndigo digo gwayo, īyo ītaalī kūsaamiwa kūfuma shiseme īshi kūja mu shingī. Ū Moabu ataalī kūja mu būding'wa; ū būsandūku wakwe būtaalī h'ū waho na kale, nū ng'waso gwakwe gūtaalī ū kūgalūka.”
12
Alīyo ū SEEBA alīhaya gīkī, “Jikūshika shikū ja kūntūmīla basaamya, bakūnsaamya gītī divai kūfuma mu shiseme shimò kūja mu shingī; akwidīka ashile gete ū mu shiseme shakwe shibize dalali, hanuma bashibelagūle.
13
Hūna ū Moabu akūgooka kūlwa ng'wa Kemoshi, ūmo īkagookela numba ya Isilaeli kūlwa kūsanya īyo yalī mu nzengo gwa Beseli.
14
A bing'we mudūgije ginehe ū kūhaya gīkī, ‘Tūlī bashilikale, tūlī bagosha ba mbagashūūla mu būlūgū?’”
15
Ū Ntemi, ūyo lina lyakwe alī SEEBA wa mabità, alīhaya gīkī, “Ū Moabu akūkenaagūlwa, nī mizengo yakwe īkūdumīlwa; a baana bakwe a basūmba bakondooku bakūtwalwa kwisīnzīlo.
16
Ī likanza lya kūgwa kwa ng'wa Moabu lyashikaga; a mayanga ga kūmpīnīhaja gatūdīīla ū kūmpandīka.
17
Nīlagi pye a bing'we abo mumpīndije; bose pye abo mulūmanile ū lūkumo lwakwe; hayagi gīkī, ‘Yee alīyo būlī, ū nang'ha gwa būdūla gwabīnzīka, gūtī na nīmo ī haha!’”
18
Bing'we bikaji ba Diboni, Īngagi a h'ikūjo ling'we; ikagi ng'wifudīke hasī ng'witogolo ikalamuku; nguno ū nkenaagūji wa Moabu akūmusanga ize ajikambagūle ī ng'hambī jing'we ja kūpīlīla.
19
Bing'we bana Aloeli, Īmīīlagi ng'hīga ng'hīga mu nzīla mulole; mūjagi ū ngosha ūyo alīpeela, nū nkīma ūyo wapūlūgūkaga; babūūjagi gīkī, “Yajaga ginehe ko?”
20
Ī Moabu yagookile kībi kībi, nguno yakenaagūkile no, līlagi mutūle ng'hūngū! Bakumūkījagi a ba kū mbalama ya Alinoni, gīkī ī Moabu yabipiwe no.
21
Ī sī ja mbūga jagwīlilwe nsango; pyī ī jose kwandīja: Holoni, Yahaza, Mefasi,
22
Diboni, Nebo, Beti-dibulasaimu;
23
Kiliasaimu, Beti-gamuli nī Beti-meoni,
24
Kelioti na Bozila; pye gete ī mizengo ya Moabu, ībize hihī nūūlū īlī kūle na kinehe.
25
Ū SEEBA alīhaya gīkī, “Ū Moabu wabīnzagūjiwe ī lipembe lyakwe, nū nkono gwakwe gwabīnzilwe.
26
Ng'wishagi shikoji aleewe, nguno andalahile no ū SEEBA; nekagi agala gale mu malūki gakwe, abize wa kwineenelegejiwa.
27
Ū Isilaeli walī atī shikolo sha kwineenelegejiwa ū kūlī bebe? Ūkashingishaga ntwe ūlū ūlīnyomba, wabīta kūnsangīla ng'wigele lya biibi adimilwe hamò nabo?
28
Fumagi ū mu mizengo ying'we bing'we bana Moabu, peelelagi mu mapilinga ga mawe, mukibise ng'wenūmo. Bizagi gītī mhunda, ūmo īkabeegejaga chanjo shayo mu ndugu y'ihalo.
29
Twawigwile ū wikumīlīja bokwe ū Moabu, ū wikūmīlīja bokwe ū būtaale nū būdooshi bokwe; ū wigīmba gīmbi nū wikūja bokwe, pyī nū wigūngūhya bo ng'holò yakwe.”
30
Ū SEEBA alīhaya gīkī, “Nabūmanile ū būdaki bokwe, alīyo nahene būtī na gwa kūpya; nū kwigīmba gīmba kwakwe kūtī na fiilū nūūlū hado.
31
Hūna lūūlū nalīyīlīla ī Moabu, nalī na ng'hūngū kūlwa kwīlīla ī Moabu pyī ī yose. Nalībalīla a banhū ba Kili-heleseti.
32
Bing'we mizabibu ya Sibuma nalīmulīla gītī ng'hūngū ya Yazeeli, nalīgalīla a matambī ging'we ayo galandaalile kūshisha kū nyanza; ayo gashikile kū nyanza ya Yazeeli. Ū nyagaja wagikīīlile pye a matwajo ging'we ayo gapiile, nī shisuumo sha mizabibu ying'we.
33
Ū būyegi nū būzalabanu shashilile ū mu migūnda, shitīmo ū mu malaale ga Moabu. Ū gwa divai kwikala īkūhūūmaga mu makamīlo naagūlemile; atīho wa kūpandagīla mizabibu kūnū akūtūlaga kaluulu ka būyegi; Ī yogè ī yene īlīho, alīyo ītī yogè ya būyegi.
34
A malaka ga kūlīla kwabo gakwigwiagwa kūfuma Heshiboni kūshisha Eleale na Yahazi, kūfuma Zoali kūshisha Holonaimu na Egilasi-shelishiya. Nguno na a minzī ga mongo gwa Nimulimu gaakamile.”
35
Ū SEEBA alīhaya gīkī, “Nakūbamala ī Moabu pye abo bakatambīkīīlaga kū mapandī ga higūlya, na kūbazuukīja būbbani bamulungu babo.
36
H'ī chene ī ng'holò yane Īlīīlīla gītī mbiilūlū kūlwa kūbalīla bana Moabu; na a bana Kili-haleseti īlībalīla gītī mbiilūlū. Nguno pyī ī sabo ījo baalī bapandīka jajimīīlile.
37
Hama būlī ntwe gwahalūlilwe ipala, nī ndezu pyī ī jose jūmoogwa; a makono nago gookalile salago pa; Ī mikīmbīlī pyī ītungilwe shizwalo sha magūnīla.
38
Ū kwigūlya ya numba ja Moabu nū mu gwalugwa ja mu mizengo, shitīho shose shose ūlū ītī ng'hūngū dūhū; nguno ī Moabu nībelagūlile gītī shiseme shitī na ng'wenekīlī,” alīhaya SEEBA.
39
“Ī sī yenīyo yakenaagūkile no! Lolagi dūhū ūmo balīīlīlīla! Gūūyo mhayo gwa magooke, Ī Moabu yabinhīla ngongo a banishi! Yabiza shikolo sha kwineenelegejiwa, na sh'igekemaja kū bose abo bīpīndije.”
40
Ū SEEBA alīhaya gīkī, “Ng'hoonà īlīkwelemuka yambaga manana gayo kwīyikīīla ī Moabu.
41
Ī Keliosi īkūding'wa, nī ng'hambī ja kūpīlīla jikūsolwa. Ū mu lūshikū lwenūlo ī ng'holò ja bagosha ba mbagashūūla ba Moabu jikūbiza gītī ng'holò ya nkīma alīlung'wa būsūngū.
42
Ī Moabu īkūkenaagūlwa kūlwa nguno ya kūndalaha ū SEEBA, lītūbiza ihanga hangī.
43
Banhū ba Moabu mulindīīlilwe lyogohya, na machongo na lūtu,” alīhaya SEEBA.
44
“Ūyo ūlīpūlūgūka ī lyogohya, akūjūgwīla ng'wichongo; ūyo ūlinha kūfuma ū ng'wichongo akūgwashiwa lūtu. Nguno ī Moabu nakwīyenhela ū ng'waka gwa nsango gwayo,” alīhaya SEEBA.
45
A babūngi balī Heshiboni, bakūkoobaga kūgunanhwa; gwike batī na gwa kwīta, nguno gwabakile moto ī Heshiboni, gūlīligima moto ī Sihoni; Ī mitwe ya bayombo ba Moabu īlīnogotela, būlī lūpanga lwa bikumīlīja.
46
Bebe Moabu wagwīlwa mayanga! A banhū ba ng'wa Kemoshi balīshila; a bitūnja bako balītwalwa mu būsaamiwa, a bashīke bako balītwalwa nding'wa.
47
“Alīyo ū kū shikū ja kū būtongi, Ī Moabu nakwīshokeja ī jayo,” alīhaya SEEBA. Ū wenūbū hū būkalīkījo wa nsango gwa Moabu.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52