bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 31
Jeremiah 31
Sukuma 2019
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
1
“Ū ng'wikanza lyenīlo nakūbiza Mulungu wa bose a ba ng'handa ja Isilaeli; nabo bakūbiza banhū bane.” Alīhaya SEEBA.
2
Ū SEEBA alīhaya gīkī, “A banhū abo būpūlūgūka līlūshū bakūjūchīlwa shigongo kwikūngū; nakwiza nang'wifuuje ū Isilaeli.”
3
Ū SEEBA wizile kūfuma kūle, ūtwilongela alīhaya, “Nakūtogilwe no mu būtogwa bo welelo na welelo; nalīkūduta ūneegeele kūlwa wiza bo shigongo shane.
4
Ee munhya ng'wilindu Isilaeli, nakūkūzenga būpya; na ng'hana ū kūzengeka. Nī shitumba shako ūkūshisola hangī, ūkūja nasho hanze kūjūbina mbina ng'wigelè lya banhū bayegu.
5
Ūkūlīma hangī migūnda ya mizabibu ū mu ngūlū ja Samalia; a balīmi, abo bakwīhamba ī mizabibu bakūgalūmba na a matwajo gayo.
6
Lūkūshika lūshikū lwa balang'hani kwandya kwihīlīka ū mu ngūlū ja Efulaimu, bakwiwīlaga; ‘Bing'we tūjagi Sayūni kūlī SEEBA Mulungu wise.’”
7
Ū SEEBA alīhaya gīkī, “Ng'wīmbīlagi na būyegi ū Yakobo; tūlagi mhūndū kūlwihanga itaale. Hamukagi ū kūkumīlīja kwigwiwe, hayagi gīkī, ‘Ee SEEBA, bapījage a banhū bako; ū būshiigo wa Baisilaeli.’
8
Nakūbenha kūfuma sī ya sukuma, nakūbabilinga kwīngīīla hose hose ū mu mapandī ga mu sī. Bakūbiza mo na babboku, bangī balemehazu; bakūbiza mo na bakīma balī būdito, na a babo balīlung'wa būsūngū bo kūbyala; bakūshoka bal'ibità itaale no.
9
Bakwiza bakūlīlaga shisoji; ū ng'wikanza lya kūbashosha bakwiza bakūlombaga. Nakūbabītya mu nzīla ya kū ng'hilīmvwa na myongo ya minzī, nīyo mu sī nenganīzu ūmo batipama, nguno ū nene nalī ise wa ng'wa Isilaeli, ū Efulaimu ng'wana wane tangī.
10
Ee mahanga, gwigwagi ū mhayo go ng'wa SEEBA, tūlagi kaluulu mujikumūkīje pyī sī; hayagi gīkī, ‘Ūyo wabasambaaja a Baisilaeli hū ng'wene akūbabilinga; nīyo akūbalang'hana gītī ndīīmi n'idaale lyakwe lya ng'holo.’
11
Nguno ū SEEBA akūnkomoola ū Yakobo; akūbīnja ū mu nkono gwa banhū ba nguzu kūbaheeba a boi.
12
Bakwiza ū kū ngūlū ja Sayuni balīhīlīīla kwīmba kūlwa būyegi. Bakūbūyegela ū wiza bo ng'wa SEEBA kūlwa shakwinha shakwe, ī shilīwa nī divai, na a maguta, nū kwibyala ī ng'holo nī ng'ombe. Bakūbiza gītī ngūnda gūkisīīlagwa minzī gwa, na batalakoyiwa būpīna hangī na hado yaya.
13
A banhya bakūyūbina na būyegi, na a basūmba pye na a banamhala. Ī ng'hūngū yabo nakwīgalūcha Ībize būyegi; a ha ng'wanya gwa būpīna, nakūbinha kūlūngūja na būyegi.
14
A bagabīji nakūbinha shilīwa shingī sha kūbigela, a banhū bane būkūbafuja ū wiza bo shakwinha shane,” alīhaya SEEBA.
15
Ū SEEBA alīhaya gīkī, “Ilaka līligwiwa mu Lama, ng'hūngū na kūlīla kūtaale, Laheli akūbalīlīīlaga baana bakwe; nū kūhuumūjiwa alemile, nguno a baana bakwe batīho.”
16
Alīyo ī haha ū SEEBA alīhaya, “Fulīkaga oye ū kūlīla, ipyagūlage nī shisoji shako ū kū miso; nguno ūkwinhwa mheela kūlwa nīmo gwako.” Alīhaya SEEBA.
17
“Ūlī nako ū kwisagīlwa ū kū shikū ja kū būtongi.” Alīhaya SEEBA. “A baana bako bakūshoka ū mu sī yabo.
18
Naang'wigwile ū Efulaimu akūdaayaga alīhaya, ‘Wanitūlile no gītī mūūga ya nzīkū īkūlangagwa milīmo; na ng'hana naahūgūkile. Nigalūchage nakūgalūka, nguno ū bebe ūlī SEEBA Mulungu wane.
19
Na ng'hana naalī naatagaalīja nūja sagala; alīyo naashokile; aho nitegeleja nipaala itango. Nīīta gwa soni no, Īlīniminya ī minala kūlwa nguno ya magooke ga ha būdinha bone ayo nagabūūkije.’
20
Ū Efulaimu ng'wene ng'witūnja wane nganja, ng'wana ūyo nanyegelile no no no. Ū wei nūūlū nang'hūgūle no na būkalī, alīyo nang'wizūkilwe dūhū. Ī ng'holò yane īkikalaga īnkūmbūlile gwa; nansaatilwe no.” Alīhaya SEEBA.
21
Jagi ng'ūleka meng'ho ū mu nzīla, ng'wītema mbago ī mitī ya mu nzīla. Yitegelejagi ī nzīla ī nhaale, Ī likūūwa īlo mulībīta. Ee Isilaeli munhya ng'wilindu, shokaga; shokaga kū mizengo yako.
22
Bebe ng'wana nkīma shitahang'wa, ūkwikala ūkūtagaalījaga sagala kūshisha nanalī? Ū SEEBA alībeeja mhayo mpya ū mu sī; nkīma kūja akūkoobaga ngosha.
23
Ū SEEBA wa mabità, ū Mulungu wa Isilaeli, alīhaya gīkī, “Ūlū nūbashosha kūfuma ū mu būding'wa wabo a banhū, ū mu sī ya Yuda nū mu mizengo yamo bakūyūtūmamīla hangī ī mihayo īyī, gīkī, ‘Ū SEEBA akwīlūkīle mbango, Ee bebe wikalo wa būtūngīlīja; bebe ūyo ūlī lūgūlū lwela.’
24
A banhū bakwikala hamò ū mu Yuda nū mu mizengo yamo; a balīmi na a badīīmi ba mitugo, abo bakasaama saamaga na ma daale gabo.
25
Abo banogile nakūbifuuja; na a babo balīīlīla mu kūgwa wesa nakūbashokeja ī nguzu jabo.”
26
Kūshika ha mhayo gwenūyū nūmisha, nandya kwilalangīja; ī tūlo yane yalī nonu no ū kūlī nene.
27
Ū SEEBA alīhaya, “Jikūshika shikū ja kwīhamba būpya ī numba ya Isilaeli nī numba ya Yuda; nakūbongeja a banhū nī mitugo ū mu sī jabo.
28
Ūmo naalī miso h'ikanza lya kūbadubbūla, na kūbakambūla na kūbagwisha na kūbakenaagūla, na kūbenhela mayanga; nī haha nakūbiza miso kūlwa kūbazenga na kūbahamba.” Alīhaya SEEBA.
29
“Ū mu shikū jenījo a banhū batūhaya hangī ī gīkī, ‘A babyaji bakalya zabibu jitapiile, a mino ga baana gīta wigilya.’”
30
Alīyo būlī munhū akūbūlajiwa shibi shakwe we ng'wenekīlī; ūyo ūlya zabibu jitapiile, a mino gakwe we ng'wenekīlī gakwīta ū wigilya.
31
Ū SEEBA alīhaya gīkī, “Līkūshika ikanza lya kūbeeja ilagane ipya a ha gatī yane nī numba ya Isilaeli nī ya Yuda.
32
Lītūbiza gītī ī lilagane īlo nakabeeja na bakūlūgenji babo, aho naalī nabadimile nkono kūbīnja Misili. Ī lilagane lyane lyenīlo bakalīkenaagūla, nūūlū īkī ū nene naanlī ngoshi wabo.” Alīhaya SEEBA.
33
Alīyo ū SEEBA alīhaya gīkī, “Hanuma ya shikū jenījo, nakūbeeja ilagane nī numba ya Isilaeli; Ī shilagīlo shane nabatūūlīle ū mu maganiko gabo, nashandīke nū mu ng'holò jabo. Nakūbiza Mulungu wabo, na a boi bakūbiza banhū bane.
34
“Ītīho hangī nguno ya munhū kūnanga nzenganwa ng'wiye, nūūlū kūnanga ndūgūye akūng'wīlaga, ‘Manage SEEBA,’ pye a bose bakūnimana, kwandīja a bado bado ū mubo, kūkalīkīja kū bataale. Alīhaya SEEBA. Nguno nakūbalekeja ū būbi wabo, nī shibi shabo natūshiizūkwa hangī na hado yaya.”
35
Alilūūlū, ū SEEBA ūyo alīhelelile līīmi kwaaka mu makanza galyo, nū ng'weji nī sonda ūshilagīla kwaaka makanza ga būjikū, ūyo akalibangūlaga nyanza yahuuyembya mahuli; ūyo lina lyakwe alī SEEBA wa mabità, ū ng'wenūyo alīhaya gīkī,
36
“Īyo nīhelile yenīyī ūlū yūūbi iti chene ūkū būtongi bone,” alīhaya SEEBA, “Nī shibyalīlwe sha Baisilaeli hū shikooya ū kūbiza ihanga ū kū botongi bone.”
37
Ū SEEBA alīhaya gīkī, “Ī ligūlū ūlū lyūdūla kūping'wa ū būgalī galī walyo, nī misingi ya sī yūkoowa ū mu gatī yayo kūshisha yigengeleka, a henaho hū nakūshilema ī shibyalīlwe sha ng'wa Isilaeli kūlwa yose ī mibi īyo bīyīta,” alīhaya SEEBA.
38
Ū SEEBA alīhaya, “Jikūshika ī shikū, ū nzengo gwenūyū gūkūzengwa būpya kūlwa nguno yane, kwīngīīla kū numba ndīhu ya ng'wa Hananeli kūshisha kū mita gwa kū Kuluba.
39
Ū lūgoye lwa kūpimīla lūkwandīja henaho lūūgoloola lūjile lūūkakandya kū kalūgūlū ka ng'wa Galebu, lūūnyamukīla kū kuluba ya Goa.
40
Ī lipandī ū kwandīja mu longa pyī ū lose ūmo īkaponejiagwa mibimba na mabu, nī lilago kūlola kīya kūja mu longa lo Kiduloni, na kūja kū kuluba ya kū mita gwa Falasa, ī lipandī lyenīlo līkūbiza lyela kūlwa ng'wa SEEBA. Ū nzengo gwenūyo gūtaladubbūlwa hangī, yaya nūūlū kūsambaagūlwa.”
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52