bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 4
Jeremiah 4
Sukuma 2019
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
1
Ee Isilaeli, ūlū ūlīshoka shokaga kūlī nene, alīhaya SEEBA. Ūlū ūshīnja ī shiikolile shako sha malofu ū kū būtongi wane, hūna oya ū kūtagaalīja,
2
hama ūyilahīla mu ng'hana, na wīma na būtūngīlīja gīkī, “Ūmo SEEBA alī mpanga, a mahanga akūgīīlūkīla mbango, hangī gakūyegela no ū mulī we.”
3
Nguno ū SEEBA alībawīla a banhū ba Yuda na a bikaji ba Yelūsalemu; alīhaya, “Ng'ūgatūlagūja a magengeli ū mu magūndūle ging'we; nī mbīyū yaya ū kūjibība mu ming'hwa.
4
Bing'we banhū ba Yuda na bikaji ba Yelusalemu, iyeejagi ū kūlī SEEBA, jeejagi ī ng'holò jing'we; ūlū ītī chene ū būpelanu wane būkūbaka kūlwa nguno ya būbi wa shītwa shing'we. Būkūmunogoteja gītī moto, na atīho wa kūgūjimya.”
5
Hamukagi ū mu sī ya Yuda, tūlagi kaluulu ī Yelusalemu; hayagi gīkī, “Fuulagi nhaaninga hose pyī ū mu sī!” Hamukagi n'ilaka lya higūlya; hayagi gīkī, “Ibilingagi hamò! Tūpeelelagi kū mizengo īpīndīlīgije ndugu!
6
Nunjagi lūbembeela mujile Sayuni, peelagi ng'wipīje, yaya ū kwigedya gedya; nalenha mayanga kūfuma sukuma, būkenaagūji būtaale.”
7
Nguno ī shimba yapulukile ng'wisaka lyayo, nkenaagūji wa mahanga alī mu nzīla; wabūūkile ūko akikalaga, aliza kwīkenaagūla ī sī yako; Ī mizengo yako īkūbiza misaka ītī na bikaji mo.
8
Kūlwa yenīyī itungagi shizwalo sha magūnīla, līlagi mutūle ng'hūngū; nguno ū būpelanu bo ng'wa SEEBA būkalī no, hama būtaalī ū kūgalūka būtwīngīle.
9
Ū SEEBA alīhaya gīkī, “Ū mu lūshikū lwenūlo, ū ntemi na a bataale ba būsugi bakūcha idedebaja. A bagabīji bakūkumya no, na a bahangi bakūkaamaala.”
10
Hūna nūhaya, “Ee Seeba MULUNGU, ka wabalembile lūūlū a banhū benaba nī Yelusalemu ū kūbawīla gīkī, ‘Mukwikala mhola dūhū,’ alīyo tūlīsīnzwa bo līlūshū.”
11
Ū ng'wikanza lyenīlo a banhū aba nī Yelusalemu bakūwīlwa, “Nyaga nsebu gwa kūfuma kū matogolo ga magūlya makalamuku gūkūbahuyembela a banhū bane, gwike gūtī gwa kūheheeja shikolo nūūlū kwīnja meela;
12
ū nyaga ūyo nalīgūtūma gūlī na nguzu no ū kū yenīyo. Ī haha nalīgūfunya ū nsango gwabo.”
13
Managi gīkī ū wei akwiza gītī malunde, a magogoteni gakwe gabange nshūlūlū gwa widose. Ī falasa jakwe mheeji no kūtinda kūlala kwa ng'hoonà. Ī haha twagwa mu makoye! Twashila!
14
Ee Yelusalemu, yoojage ī ng'holò yako ū būsoso ūpīle. Ūkwikala na maganiko ga malofu gīko kūshisha nanalī?
15
Ilaka līkūhamukaga kwīngīīla Dani, līlīkumūcha mihayo ya būkenaagūji kūfuma mu lūgūlū lwa Efulaimu.
16
“Gawīlagi a mahanga ī yenīyī, Īkumūchagi ū mu Yelusalemu; hayagi gīkī, ‘Ibità lya banishi līliza kūfuma sī ya kūle, līkwīlīgījaga ng'wano ī mizengo ya Yuda.
17
Balīyīgobanīla gītī balang'hani ba ngūnda, kūlwa nguno alemile ū kūniigwa;’” alīhaya SEEBA.
18
“Ī nzīla jako nī shītwa shako h'īsho shakwenhelegije īkūgwīle ī yenīyī. Ū gwenūyū nsango gwako; nsango ndito no, gūlīkwingīla kūshisha mu gatī ya ng'holò yako.”
19
Ee, mayanga gane, mayanga gane! Nalīkoya na kūsaatwa kūtaale. Yee, ī ng'holò yane īlīsaatwa no! Ū mu gatī īlītininhīla ī ng'holò, nalīlemeelwa ū kūhuumūla. Naliigwa ilaka lya nhaaninga ya būlūgū, naliigwa ng'wano gwa būlūgū.
20
Būkenaagūji būkwilondeelaga lwīsī lwīsī, ī haha ū mu sī būlī kwene misaka yike; a maheema gane gaakenaagūlwa ng'wikanza iguhī, ū būpīlīlo bone ng'wikanza lya kūgabbya ngohe.
21
Nakwikala nalībona lūbembeela lwa būlūgū na kwigwa ilaka lya nhaaninga kūshisha nanalī?
22
“A banhū bane babbūūlī no, batanimanile ū nene. Balī baana bachilū, hangī batī na witegeleja. Bakoolī mu kwīta ya malofu, Ī yawiza batamanile ū kwīyīta.”
23
Aho nīlola ī sī nībona īlī dalali hangī ītī na wiza bose bose; nūlola nū kwigūlū, lyalī lītīko ī lisana.
24
Nūjilola nī ngūlū ī ndo nī nhaale, nūjibona jikūtinginaga na kūyengeela kūnū na kūnū.
25
Aho nilalangīja kūbalola a banhū, natabonile nūūlū ūmò; nī noni jalī ndūhū ū ng'wigūlya, pye jalī jalala jīnga.
26
Aho naalola kūnū na kūnū nūbona Ī sī īyo yalī ya shilīwa shingī lyabizaga itogolo ikalamuku; Ī mizengo yamo nayo ū kū būtongi bo ng'wa SEEBA yabizaga misaka yike, kūlwa nguno ya būpelanu bokwe.
27
Nguno ū SEEBA alīhaya gīkī, “Pyī ī sī īkūkenaagūka, gwike natīmala īshile pye gete.
28
Hūna lūūlū ī sī īkūlīla ng'hūngū, nū kwigūlya ī ligūlū līkūhīndīhala nguno nahayaga nene; na natūgalūcha, h'ūmo naalamulīlaga, natīko kūshoka numa.”
29
Būlī kwene balīyīpeela ī mizengo kūlwa malaka ga bashilikale ba falasa na balasi. Balīpeelela kū masaka, bangī balīkalinha kū mashiganga; pyī ī mizengo īlīlekwa būyīkī, ndūhū wa kwikala mo.
30
Ū bebe ūlī nsaka dūhū, ūlīīta mhayo kī ū gwenūyo? Īlīho fiilū kī ū mu kūzwalīla shizwalo sha būlenji, na kwigaliila na mawe ga mpango ntaale na zahabu? Īlīho solobo kī ū kwichaaja na wanja kū miso? Ūlījimīīja makanza gako dūhū ū kwigaliila; a batogwa bako baakūdalahile, Ī haha balīkooba bakwīngīje ū būpanga wako.
31
Nguno nigwiile ilaka lya kūlīla, gītī nkima alīlung'wa būsūngū, kalīlīle gītī ka nkīma akūpīīmīlaga, alī ng'wikanza lya kūbyala ng'wana wakwe wa kwandya. Ū nshīke ū Sayuni akūheezelaga wapelagwa myūyī. Akūgoloolaga makono gakwe alīhaya, “Mayū nene! Naacha; naachīla mu makono ga babūlagi.”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52