bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Jeremiah 26
Jeremiah 26
Sukuma 2019
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 27 →
1
Mu shikū ja wandījo wa būsugi bo ng'wa Yehoyakimu ng'witūnja o ng'wa Yosiya, ntemi wa Yuda, ū mhayo ūyū gūkiza kūfuma kūlī SEEBA:
2
“Ū SEEBA alīhaya gīkī, Jaaga ūkīmīīle ū ng'wibindo lya numba ya ng'wa SEEBA, ūlūngalūnge nabo a banhū ba Yuda a bose, abo bakīngaga kū mizengo yabo kwiza kūlamya ū mu numba ya ng'wa SEEBA. Ūkūbawīla pyī ī mihayo īyo nalīkūlagīla; ūtizūlekeela mhayo nūūlū gūmò.
3
Hamo bakwigwa bagalūke, būlī ūmò wabo īnge ū mu nzīla yakwe ī yabūbi. Ū mu gīko nakūgalūcha a maganiko gane, natizūbenhela ū būkenaagūji ūbo nabūhelile kūlwa nguno ya būbi wa shītīle shabo.
4
Lūngalūngaga nabo ūbawīle, ‘Ū SEEBA alīhaya gīkī, Ūlū mutūniigwa mushilondeele ī shilagīlo shane īsho naamutūūlīla,
5
hama ng'ūlema nū kwīdīlīla ī mihayo ya batūmami bane a bahangi, abo nakamutūmīlaga ng'hangala na ng'hangala, (nūūlū īkī mutadīlīlaga),
6
Ī numba yenīyī nakwīyīta ībize gītī Shilo, lelo ū nzengo gwenūyū, ū gwene nakūgwīta gūbize gw'izumo kū mahanga gose ga mu sī.’”
7
A bagabīji na bahangi na a banhū a bose bakang'wigwa ū Yelemia aho alīyomba ī mihayo yenīyī ū mu numba ya ng'wa SEEBA.
8
Ū Yelemia aho wamala ū kūbawīla pye a banhū būlī mhayo ūyo walī walagīlwa na SEEBA kwīhaya, a bagabīji na bahangi, na a banhū a bose būndima; būng'wīla, “Shiigelile ūche ū bebe!
9
Nibūlī ūlīhanga mu lina lya ng'wa SEEBA gīkī ī numba yenīyī īkūbiza gītī Shilo, nū nzengo gwenūyū gūkūkenaagūlwa na gūkūbiza dalali?” Pye a banhū būng'witinja ū Yelemia ū mu numba ya ng'wa SEEBA.
10
A bataale ba būsugi wa Yuda baalī kwikūlū, aho bīyigwa ī mihayo yenīyī bīnga koi, būja ū kū numba ya ng'wa SEEBA; būūkigasha ha mita mpya gwa numba ya ng'wa SEEBA, būlī ng'wene h'ipandī lyakwe.
11
Hūna a bagabīji na a bahangi būbawīla a bataale ba būsugi na a banhū pye a bose, “Ū munhū ng'wenūyū igeleelilwe nsango gwa kūcha, kūlwa nguno ya kūgūhangīla ū nzengo gwenūyū. Bing'we benekīlī ng'wigwaga na matū ging'we.”
12
Nang'hwe ū Yelemia ūbawīla a bataale ba būsugi na a banhū pye a bose gīkī, “Ū SEEBA wanitūmaga kwīhangīla ī numba yenīyī nū nzengo gwenūyu pyī ī mihayo īyo ng'wīyigwaga.
13
Alilūūlū, galūchagi ī nzīla jing'we nī shītīle shing'we, mubize biigwi ū kwilaka lya ng'wa SEEBA Mulungu wing'we. Hūna nang'hwe ū SEEBA akūmulekeja, atūwenha ū būkenaagūji ūbo wabūhayile kūlwa nguno ying'we.
14
Alīyo ūlū ū nene ng'wene, nalī mu makono ging'we ī haha; nīītīlagi ūyo mulīgūbona gīkī gūlī gwawiza na gūtūngīlīgije ū kū bing'we.
15
Gwike shiigelile ng'witegeleje gīkī, ūlū mulanibūlage, a bing'we benekīlī mukwiyenhela nsango, nū nzengo gwenūyū, pye na a bazengi baamo; kūlwa kwita mininga ga munhu atī na shilingo. Nguno ū nene wanitūmaga ng'hana ū SEEBA ū kū bing'we nize namusomboolele pyī ī mihayo yenīyī, ng'wīyigwe na matū ging'we.”
16
Hūna a bataale ba būsugi na a banhū pye a bose būbawīla a bagabīji na a bahangi, “Ū munhū ng'wenūyū atigeleelilwe nsango gwa kūbūlagwa; nguno wayombaga nise mu lina lya ng'wa SEEBA Mulungu wise.”
17
Bamò na bamò ū mu banamhala ba sī bīmīīla, būbawīla pye a banhū abo baalī bibilinga gīkī,
18
“Mu shikū ja ng'wa Hezekia ntemi wa Yuda, Mika muna Moleshesi akahanga, ūbawīla pye a banhū ba sī ya Yuda, ‘Ū SEEBA wa mabità alīhaya gīkī, Ī Sayuni īkūlīng'wa gītī ilaale, Ī Yelusalemu īkūbiza matūūgo ga makambagūkīle, ū lūgūlū lwa hekalu gītī shigūlū shokalīīlwa masaka.’
19
“Angū ū Hezekiya ntemi wa Yuda, nūūlū ūngī ose ose ū mu Yuda, bakamulaga ū Mika? Ū Hezekiya atidohije dūhū ū kūlī SEEBA ūnomba kūbachīla shigongo? Ū SEEBA nang'hwe atalekegije ūleka ū kūwenha ū būkenaagūji ūbo walī wabūhaya kūlwa nguno yabo? Ī haha a bise tūlī hihī kwiyenhela mayanga mataale no!”
20
Alīyo walīho na munhū ūngī, Ūlia ng'witūnja o ng'wa Shemaya muna Kiliati-yelimu; nang'hwe akahanga mu lina lya ng'wa SEEBA; ūgūhangīla ū nzengo gwenūyū nī sī yenīyī mihayo ya mbika gītī yenīyī, ūmo wītīlaga Yelemia dūhū gīkī.
21
Ū ntemi Yehoyakimu na a batūmami bakwe, hamò na a bataale ba būsugi wakwe aho bīyigwa ī mihayo ya ng'wa Ūlia, būbona gīkī bamūlage. Alīyo ū wei aho wigwa ogoha, ūpeelela Misili.
22
Gwike ū ntemi Yehoyakimu ūntūma Elinasani ng'witūnja o ng'wa Akiboli, ūja ī Misili hamò na bagosha bangī;
23
būūkang'wenha ū Ūlia kūfuma ī Misili, būntwala ū kūlī ntemi Yehoyakimu; ūlagīja ūbūlagwa bo līlūshū, ū mimba gwakwe gūūkajīkwa kwipandī īlo bakajīkīlagwa banhū batī n'ikūjo ū ng'wihanga.
24
Hama hangī akilonga ngosha ūngī, Ahikamu ng'witūnja o ng'wa Shafani. Ū ngosha ng'wenūyo ūng'wīmīīla ū Yelemia gīkī wikale mhola atizūtūūlwa mu makono ga banhū bamūlage.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52