1 Chronicles 24

Chuvash (CHB) (БИБЛИ) 2009

← Chapter 23 Jump to: Chapter 25 →

1Акӑ Аарон ывӑлӗсен ушкӑнӗсем: Аарон ывӑлӗсем: Надав, Авиуд, Елеазар тата Ифамар.

2Надавпа Авиуд хӑйсен ашшӗнчен маларах вилнӗ, вӗсен ывӑл пулман, ҫавӑнпа та священник ӗҫӗсене Елеазарпа Ифамар ӗҫленӗ.

3Елеазар ывӑлӗсемпе Ифамар ывӑлӗсене Давид, черетпе ӗҫлесе тӑччӑр тесе, икӗ ушкӑна пайланӑ, ӑна Елеазар тӑхӑмӗ Садок тата Ифамар тӑхӑмӗ Ахимелех пулӑшса тӑнӑ.

4Елеазар йӑхӗнче ӑру пуҫӗсем Ифамар йӑхӗнчи ӑру пуҫӗсенчен ытларах пулнӑ. Елеазар йӑхӗнче вӗсем вунулттӑ, Ифамар йӑхӗнче саккӑр пулнӑ.

5Вӗсене — Елеазарпа Ифамар ывӑлӗсене — шӑпа ярса уйӑрнӑ, вӗсем ӗнтӗ сӑваплӑ пӳлӗмре Турӑ умӗнче тӑмалли тӗп ҫынсем пулнӑ.

6Ҫакна ҫырса пыраканӗ Шемаия — Нафанаил ывӑлӗ, левит-ҫыруҫӑ — пулнӑ, ҫырасса вӑл патша умӗнче, аслӑ ҫынсем умӗнче, Садок священник умӗнче, Авиафар ывӑлӗ Ахимелех умӗнче, священниксен тата левитсен кил-йышӗсен пуҫӗсем умӗнче ҫырса тӑнӑ: шӑпа туртнӑ чухне пӗрре Елеазар йӑхӗн ҫынни, тепре Ифамар йӑхӗн ҫынни шӑпа туртнӑ.

7Пӗрремӗш шӑпа Иегоиарива тухнӑ, иккӗмӗшӗ — Иедаияна,

8виҫҫӗмӗшӗ — Харима, тӑваттӑмӗшӗ — Сеорима,

9пиллӗкӗмӗшӗ — Малхие, улттӑмӗшӗ — Миямина,

10ҫиччӗмӗшӗ — Гаккоца, саккӑрмӗшӗ — Авияна,

11тӑххӑрмӗшӗ — Иешуя, вуннӑмӗшӗ — Шеханияна,

12вунпӗрмӗшӗ — Елиашива, вуниккӗмӗшӗ — Иакима,

13вунвиҫҫӗмӗшӗ — Хушая, вунтӑваттӑмӗшӗ — Иешевава,

14вунпиллӗкӗмӗшӗ — Вилгана, вунулттӑмӗшӗ — Имера,

15вунҫиччӗмӗшӗ — Хезира, вунсаккӑрмӗшӗ — Гапицеца,

16вунтӑххӑрмӗшӗ — Петахияна, ҫирӗммӗшӗ — Иезекииле,

17ҫирӗм пӗрремӗшӗ — Иахина, ҫирӗм иккӗмӗшӗ — Гамула,

18ҫирӗм виҫҫӗмӗшӗ — Делаияна, ҫирӗм тӑваттӑмӗшӗ Маазияна тухнӑ.

19Ҫакӑ ҫынсене ӗнтӗ Ҫӳлхуҫа Ҫуртӗнче ӗҫлеме суйласа илнӗ, ҫав ӗҫе вӗсен черетпе, Израилӗн Ҫӳлхуҫа Турри Аарона халалласа хӑварнӑ йӗрке тӑрӑх туса тӑмалла пулнӑ.

20Левийӗн ытти ывӑлӗсем: Амрам ывӑлӗсенчен: Шуваил; Шуваил ывӑлӗсенчен: Иедия;

21Рехавия ӑрӑвӗнчен: Рехавия ывӑлӗсенчен Ишшия пӗрремӗшӗ пулнӑ;

22Ицгар ӑрӑвӗнчен: Шеломоф; Шеломоф ывӑлӗсенчен: Иахав;

23Хеврон ывӑлӗсенчен: пӗрремӗшӗ — Иерия, иккӗмӗшӗ — Амария, виҫҫӗмӗшӗ — Иахазиил, тӑваттӑмӗшӗ — Иекамам.

24Озиил ывӑлӗсенчен: Миха; Миха ывӑлӗсенчен: Шамир.

25Миха пӗртӑванӗ Ишшия; Ишшия ывӑлӗсенчен: Захария.

26Мерари ывӑлӗсем: Махли тата Муши; Иаазия ывӑлӗсенчен: Бено.

27Мерари ывӑлӗн Иаазиян ывӑлӗсенчен: Бено тата Шогам, Заккур тата Иври.

28Махли ывӑлӗ — Елеазар; Елеазарӑн ывӑл пулман.

29Кисӑн: унӑн ывӑлӗсенчен: Иерахмиил;

30Муши ывӑлӗсем: Махли, Едер тата Иеримоф. Кусем — левитсен, вӗсен ӑрӑвӗсен ывӑлӗсем.

31Вӗсем те шӑпа туртнӑ: Давид патша умӗнче, Садокпа Ахимелех умӗнче, священниксемпе левитсен кил-йышӗсен пуҫӗсен умӗнче хӑйсен тӑванӗсемпе, Аарон ывӑлӗсемпе, пӗр танах шӑпа туртнӑ, кил-йыш пуҫӗсем хӑйсен кӗҫӗн тӑванӗсемпе пӗр тан пулнӑ.

← Chapter 23 Jump to: Chapter 25 →