Joshua 15

Chuvash (CHB) (БИБЛИ) 2009

← Chapter 14 Jump to: Chapter 16 →

1Иуда ывӑлӗсен йӑхне, ӑрусеренӗн, акӑ ҫапла шӑпа тухнӑ: вӗсен ҫӗрӗ Идумейӑпа чикӗллӗ Син пушхирӗ еннелле, кӑнтӑралла тӑсӑлса, Феман вӗҫне тухнӑ;

2кӑнтӑр енчи чикки Тӑварлӑ тинӗс хӗрринчен, кӑнтӑралла каякан тинӗс авринчен, пуҫланать те

3кӑнтӑралла Акраввим тӳпемӗ енне тӑсӑлать, Цинран иртет, вара, кӑнтӑр енчен Кадес-Варни патнелле улӑхса, Хецрон витӗр тухать, Аддара ҫитиччен улӑхса [Кадесӑн анӑҫ енӗпе пырать,] Каркая еннелле пӑрӑнать,

4унтан Ацмонран иртет, Египет юхӑм шывӗ патне ҫитет, ҫапла вара чикӗ вӗҫӗ тинӗс хӗррине пырса тухать. Ҫакӑ сирӗн кӑнтӑр енчи чикӗ пулать.

5Тухӑҫ енчи чикӗ [тӑршшӗпех] Тӑварлӑ тинӗс хӗррипе пырса Иордан вӑррине ҫитиччен тӑсӑлать; ҫурҫӗр енчи чикӗ вара тинӗс авринчен, Иордан вӑрринчен пуҫланать;

6ҫакӑнтан чикӗ Беф-Хогла патнелле улӑхать, ҫурҫӗр енчен Беф-Арава патнелле кайса тӑвалла Рувим ывӑлӗн Боганӑн чулӗ тӗлне ҫитичченех пырать;

7унтан Ахор айлӑмӗнчен пуҫласа Давир патнелле улӑхса каять, ҫурҫӗр енче Галгал еннелле — юхӑм шывӑн кӑнтӑр енче вырӑнаҫнӑ Адуммим тӳпемӗ тӗлне — пӑрӑнать; унтан чикӗ Ен-Шемеш шывӗнчен иртсе Ен-Рогел патне ҫитет;

8унтан чикӗ, Иевус теекен Иерусалимӑн кӑнтӑр енӗпе иртсе кайса, Енном ывӑлӗн айлӑмне улӑхать, вара сӑрт тӳпине — Енном айлӑмӗнчен анӑҫалла, Рефаим айлӑмӗ хӗрринчен ҫурҫӗрелле вырӑнаҫнӑ сӑрт тӳпине — хӑпарать;

9сӑрт тӳпинчен чикӗ Нефтоах ҫӑлкуҫӗ патнелле пӑрӑнать, Ефрон тӑвӗ ҫинчи хуласем патне ҫитсе Ваал еннелле пӑрӑнать, вӑл ӗнтӗ Кириаф-Иарим хули пулать те;

10вара чикӗ Ваал патӗнчен тинӗс патнелле пӑрӑнать [те] Сеир тӑвӗ енне [каять], Кесалон теекен Иеарим тӑвӗн ҫурҫӗр енӗпе иртсе Вефсамис патнелле анать, Фимна витӗр тухать;

11унтан чикӗ Екронӑн ҫурҫӗр енӗпе кайса Шикарон патнелле пӑрӑнать, Ваал [ҫӗрӗнчи] ту урлӑ каҫса Иавнеила ҫитет, вара чикӗ вӗҫӗ тинӗс хӗррине пырса тухать. Анӑҫ чикки вара — Аслӑ тинӗс.

12Иуда ывӑлӗсене ӑрусерен валеҫсе панӑ ҫӗрӗн чиккине пур енчен те кӑтартсассӑн ҫапла пулать вара.

13Ҫӳлхуҫа Иисуса хушнӑ пек, [Иисус] ӗнтӗ Иефонния ывӑлне Халева та Иуда ывӑлӗсем хушшинче пай панӑ; [Иисус ӑна] Кириаф-Арба хулине, Енак ашшӗн хулине, [панӑ], вӑл хулана тепӗр тӗрлӗ Хеврон теҫҫӗ.

14[Иефонния ывӑлӗ] Халев ҫав хуларан Енакӑн виҫӗ ывӑлне: Шешая, Ахимана, Фалмая — Енак ачисене — хӑваласа кӑларнӑ.

15Ҫав вырӑнтан [Халев] Давир халӑхне хирӗҫ кайнӑ [ӗлӗк Давир хулине Кириаф-Сефер тенӗ].

16Халев каланӑ: кам Кириаф-Сефера туртса илсе йышӑнать, ҫавна хамӑн хӗрӗме Ахсана качча парӑп, тенӗ.

17Хулине Гофониил — Халев тӑванӗн Кеназӑн [кӗҫӗн] ывӑлӗ — илнӗ, Халев ӑна хӑйӗн хӗрне Ахсана качча панӑ.

18Ашшӗ килӗнчен тухса кайнӑ чухне ӑна ашшӗнчен хир ыйтма канаш панӑ, вара вӑл ашак ҫинчен аннӑ. Ашшӗ ӑна: мӗн кирлӗ сана? тенӗ.

19Хӗрӗ каланӑ: мана пиллӗх пар; эсӗ мана кӑнтӑр енче ҫӗр патӑн, шыв та пар, тенӗ. Ашшӗ вара ӑна тури ҫӑлсемпе анатри ҫӑлсене панӑ.

20Иуда ывӑлӗсен йӑхне ӑрусерен уйӑрса панӑ еткер ҫӗр ҫакӑ пулнӑ:

21Идумея ҫӗрӗпе юнашар, кӑнтӑр енче, Иуда ывӑлӗсен ӑрӑвӗсене ҫак хуласем тивнӗ: Кавцеил, Едер тата Иагур,

22Кина, Димона, Адада,

23Кедес, Асор тата Ифнан,

24Зиф, Телем тата Валоф,

25Гацор-Хадафа, Кириаф, Хецрон, тепӗр тӗрлӗ каласассӑн Гацор,

26Амам, Шема тата Молада,

27Хацар-Гадда, Хешмон тата Веф-Палет,

28Хацар-Шуал, Вирсавия тата Визиофея, [вӗсенӗн ялӗсемпе хула таврашӗнчи ҫӗрӗсем,]

29Ваала, Иим тата Ацем,

30Елфолад, Кесил тата Хорма,

31Циклаг, Мадмана тата Сансана,

32Леваоф, Шелихим, Аин тата Риммон: пурӗ ҫирӗм тӑхӑр хула тата вӗсен ялӗсем.

33Тата айлӑм ҫӗрти хуласем: Ештаол, Цора тата Ашна,

34Заноах, Ен-Ганним, Таппуах тата Гаенам,

35Иармуф, Одоллам, [Немра,] Сохо тата Азека,

36Шаараим, Адифаим, Гедера е Гедерофаим: вунтӑватӑ хулапа вӗсен ялӗсем.

37Ценан, Хадаша, Мигдал-Гад,

38Дилеан, Мицфе тата Иокфеил,

39Лахис, Воцкаф тата Еглон,

40Хаббон, Лахмас тата Хифлис,

41Гедероф, Беф-Дагон, Наема тата Макед: вунултӑ хулапа вӗсен ялӗсем.

42Ливна, Ефер тата Ашан,

43Иффах, Ашна тата Нециф,

44Кеила, Ахзив, Мареша [тата Эдом]: тӑхӑр хулапа вӗсен ялӗсем.

45Екрон хулипе ӑна пӑхӑнса тӑракан хуласемпе ялсем,

46Екронпа тинӗс хушшинчи, Азот таврашӗнчи пӗтӗм ял-хула,

47Азот хулипе ӑна пӑхӑнса тӑракан хуласемпе ялсем, Газа хулипе ӑна пӑхӑнса тӑракан хуласемпе ялсем — Египет юхӑм шывӗпе чикӗ шутланакан Аслӑ тинӗс таранчченех.

48Тата сӑртлӑхри хуласем: Шамир, Иаттир тата Сохо,

49Данна, Кириаф-Санна, тепӗр тӗрлӗ каласассӑн Давир,

50Анаф, Ештемо тата Аним,

51Гошен, Холон тата Гило: вунпӗр хулапа вӗсен ялӗсем.

52Арав, Дума тата Ешан,

53Ианум, Беф-Таппуах тата Афека,

54Хумта, Кириаф-Арба, тепӗр тӗрлӗ каласассӑн Хеврон, тата Цигор: тӑхӑр хулапа вӗсен ялӗсем.

55Маон, Кармил, Зиф тата Юта,

56Изреель, Иокдам тата Заноах,

57Каин, Гива тата Фимна: вунӑ хулапа вӗсен ялӗсем.

58Халхул, Беф-Цур тата Гедор,

59Маараф, Беф-Аноф тата Елтекон: ултӑ хулапа вӗсен ялӗсем. [Феко, Ефрафа, тепӗр тӗрлӗ каласассӑн Вифлеем, Фагор, Етам, Кулон, Татами, Сорес, Карем, Галлим, Вефир тата Манохо: вунпӗр хулапа вӗсен ялӗсем.]

60Кириаф-Ваал — тепӗр тӗрлӗ каласассӑн Кириаф-Иарим — тата Аравва: икӗ хулапа вӗсен ялӗсем, [хула таврашӗнчи ҫӗрсем].

61Пушхирте: Беф-Арава, Миддин тата Секаха,

62Нившан, Ир-Мелах тата Ен-Геди: ултӑ хулапа вӗсен ялӗсем.

63Анчах Иуда ывӑлӗсем иевусейсене, Иерусалим ҫыннисене, хӑваласа ярайман, ҫавӑнпа иевусейсем паянхи кунчченех Иуда ывӑлӗсемпе пӗрле Иерусалимра пурӑнаҫҫӗ.

← Chapter 14 Jump to: Chapter 16 →