Leviticus 9

Irish 1817 (An Bíobla Naomhtha 1817 (Bedell))

← Chapter 8 Jump to: Chapter 10 →

1Agus táinic a gcrich ar a nochdmhadh lá, gur ghoir Maóise Aaron agus a mhic, agus sinnsir Israel;

2Agus a dubhairt ré Haáron, Glac láogh óg mar ofráil pheacaidh, agus reith mar ofráil loiscthe, gan cháidhe, agus ofráilsa íád a bhfíadhnuisi an TIGHEARNA.

3Agus laibheoruidh tú ré cloinn Israel, gá rádh, Glacaidhsi meannán do na gábhruibh ar son ofrála pheacaidh; agus láogh, agus uan, araon don chédbhlíadhain, gan cháidhe, mar ofráil loiscthe;

4Bulóg agus reithe mar an gcéadna mar ofráil shiodha, díodhbuirt a bhfíaghnuisi an TIGHEARNA; agus ofráil bhídhcumaiscthe le hola: oir foillséochaidh an TIGHEARNA é féin a niugh dháoibh.

5¶ Agus tugadar leó an ní do aithin Maóisi a lathair thabernacuil an chomhchruinnigh: agus tangadar an coimhthionól uile a gcomhghar agus do sheasadar as coinne an TIGHEARNA.

6Agus a dubhairt Maóise, As é so an ní do aithin an TIGHEARNA dhíbh do dhéanamh: agus foillseochthar glóir an TIGHEARNA dháoibh.

7Agus a dubhairt Maóise ré Háaron, Imthigh chum na haltóra, agus íodhbuir hofráil pheacaidh, agus hofráil loiscthe, agus déana síoth dhuit féin, agus don pobal: agus íodhbuir ofráil an phobuil, agus déana síoth dhóibh: mar do aithin an TIGHEARNA.

8¶ Ar a nadhbharsin do chuáidh Aáron chum na haltóra, agus do mharbh láogh na hofrála peacaidh, noch do bhí ar a shon féin.

9Agus tugadar mic Aáron a nfuil chuige: agus do thum a mhéur annsa nfuil, agus do chuir ar bheannuibh na haltóra í, agus do dhóirt a nfuil amach ag bonn na haltóra:

10Achd do loisc sé an gheir, agus na dubháin, agus an scairt ós cionn na nae, do nofráil pheacaidh, ar a naltóir; mar do aithin an TIGHEARNA do Mhaóise.

11Agus do loisc a nféoil agus an tseithe le teinidh táobh a muich don champa.

12Agus do mharbh sé a nofráil loiscthe agus tugadar mic Aaron a nfuil chuige, noch do chroith sé timchioll fá gcuáirt ar a naltóir.

13Agus tugadar a nofráil loiscthe chuige, maille re na spólluidhibh, agus an ceann: agus do loisc ar a naltóir íad.

14Agus do nigh an mionach agus na cosa, agus do loisc íad ar a nofrail loiscthe ar a naltóir.

15¶ Agus tug ofráil an phobuil, agus do ghlac an gabhar, do bhí mar ofráil pheacaidh ar son an phobail, agus do mharbh é, agus do íodhbuir ar son pheacaidhe, mar an gcéad.

16Agus tug a nofráil loiscthe, agus do ofráil í do réir ghnátha.

17Agus tug a nofráil bhídh, agus do ghlac lán duirn di, agus do loisc í ar a naltóir, táobh a muigh díodhbuirt loiscthe na maidne.

18Do mharbh mar an gcéadna an bhulóg agus an reithe, mar íodhbuirt ofrála síodha, noch do bhí ar son an phobail: agus tugadar mic Aáron a nfuil chuige, (noch do chroith se ar a naltóir fá gcuáirt.)

19Agus méathas na bulóige agus an reithe, an tiorbull, agus an ní fholchas an mionach, agus na dubháin, agus an scairt ós cionn na náe:

20Agus do chuireadar an méathas ar na cliathánuibh, agus do loisc an méathas ar a naltóir:

21Agus do mháilligh Aáron na cliatháin agus an slinnéun deas mar ofráil chroithte a bhfíadhnuisi an TIGHEARNA; mar do aithin Maóisi.

22Agus do thóg Aáron súas a lámh leath ris an bpobal, agus do bheannuidh íad, agus táinic a núas ó íodhbuirt na hofrála peacaidh, agus na hofrála loiscthe, agus na hofrála síodha.

23Agus do chuáidh Maóisi agus Aáron go tabernacuil an chomhchruinnighthe, agus tangadar amach, agus do bheannuigheadar an pobal: agus do foillsiughadh glóir an TIGHEARNA don phobal uile.

24Agus táinic teine amach ó fhíadhnuisi an TIGHEARNA, agus do dhíobháidh ar a naltóir a nofráil loiscthe agus an gheir: noch a nuáir do chonairc an pobal, do gháireadar, agus do thuiteadar ar a naghaidh.

← Chapter 8 Jump to: Chapter 10 →