bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Kings 11
1 Kings 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
Na ĩndĩ mũsumbĩ Solomoni nĩwendete aka aingĩ ma nthĩ ingĩ vamwe na mwĩĩtu wa Valao, o aka ma Amoavi, na Aamimoni, na Aetomu, na Asitoni, na Aititi;
2
ma mbaĩ ila Yeova watavisye ana ma Isilaeli ũndũ wasyo atĩĩ, Mũtikalike katĩ wasyo, o nasyo itikalike katĩ wenyu; nũndũ vate ndĩi ikathyũũa ngoo syenyu iatĩĩe ngai syasyo: Solomoni alũman’ya na aka asu wendonĩ.
3
Na aĩ na iveti maana mũonza, eĩtu ma anene me mbee mosumbĩnĩ, na aka ngombo maana atatũ; na iveti syake syathyũũa ngoo yake.
4
Nũndũ kweethĩiwe yĩla Solomoni watw’ĩkie mũkũũ, iveti syake syathyũũa ngoo yake, ĩatĩĩe ngai ingĩ; na ngoo yake ndĩaĩ mbĩanĩu kwa Yeova Ngai wake, o tondũ ngoo ya Ndaviti ĩthe wake yailyĩ.
5
Nũndũ Solomoni aatĩĩaa Asetolethi ngai nga ya Asitoni, na Milikomu ngai ya Aamimoni ya ũthatyo.
6
Na Solomoni eekaa ũla Yeova wonaa wĩ ũthũku, na ndaamũatĩĩa Yeova ki, o tondũ Ndaviti ĩthe wake wekaa.
7
Na ĩndĩ Solomoni aaka vandũ vatũlu kwondũ wa Kemosi ngai ya Moavi ya ũthatyo, kĩĩmanĩ kĩla kĩ mbee wa Yelusaleme, o na kwondũ wa Moleki ngai ya ana ma Amimoni ya ũthatyo.
8
Na eekaa o ta ũu kwondũ wa iveti syake syonthe sya nthĩ ingĩ, ila syatoeeasya ũvani na syathembeaa ngai syasyo.
9
Na Yeova amũthatĩa Solomoni, nũndũ ngoo yake nĩyathyũũiwe ĩmũeke Yeova, Ngai wa Isilaeli, ũla wamumĩlĩle kelĩ,
10
na wamwĩaĩĩte ũndũnĩ ũsu, ndakaatĩĩe ngai ingĩ: ĩndĩ ndaasũvĩa ũla Yeova weaie.
11
Kwondũ wa ũu Yeova amwĩa Solomoni, Nĩkwĩthĩwa ũu nĩwĩkĩtwe nue, na ndwaalũmya ũtianĩo wakwa na myamũlo yakwa, ĩla nakwĩaĩe, vate ndĩi ngakũvena ũsumbĩ, na ngoonenga mũthũkũmi waku.
12
Ĩndĩ mĩthenyanĩ yaku ndikeka ũu, kwondũ wa Ndaviti ĩthe waku: ĩndĩ ngoovenana kw’okonĩ kwa mwana waku.
13
Ĩndĩ ndikovenana ũsumbĩ w’onthe; ĩndĩ nganenga mwana waku mbaĩ ĩmwe, kwondũ wa Ndaviti mũthũkũmi wakwa, na kwondũ wa Yelusaleme ĩla nĩnyuvĩte.
14
Na Yeova amũkĩlĩlya Solomoni nthũ, Aatati Mũetomu: aĩ wa ũsyao wa mũsumbĩ wa nthĩ ya Etomu.
15
Nũndũ kweethĩiwe, yĩla Ndaviti waĩ Etomu, na Yoavu kavuteni wa nguthu waĩ anambata kwĩnzĩa ala mooaiwe nthĩ, na waĩ anakũna kĩla mũndũ mũũme ku Etomu
16
(nũndũ Yoavu na Isilaeli onthe nĩmekalaa kw’o myei thanthatũ, mũvaka aveta kĩla mũndũ mũũme ku Etomu);
17
Aatati akĩa, we na Aetomu amwe ma athũkũmi ma ĩthe wake vamwe nake, maende Misili, Aatati e kana kanini.
18
Na mookĩla kuma Mitiani na mavika Valani; na moosa andũ kuma Valani na maenda nao, na mavika Misili, kwa Valao mũsumbĩ wa Misili, ũla wamũnengie nyũmba, na kũmũthimĩa lĩu, na amũnenga o nthĩ.
19
Na Aatati oona ũseo mũno methonĩ ma Valao, kũvika amũnenga mũamũe, o mwĩĩtu‐a‐inyia wa Tavenesi kĩveti kyake, ethĩwe mũka.
20
Na mwĩĩtu‐a‐inyia wa Tavenesi asyaa Ngenuvathi mwana wake, ũla Tavenesi wamũaĩĩsye nyũmbanĩ ya Valao; na Ngenuvathi aĩ nyũmbanĩ ya Valao e na ana ma Valao.
21
Na yĩla Aatati wewie e Misili atĩ Ndaviti nũkomete na aaĩthe make, na Yoavu kavuteni wa nguthu nĩ mũkw’ũ, Aatati amwĩa Valao, Ndeka nĩthi, nĩende nthĩ yakwa mwene.
22
Na ĩndĩ Valao amwĩa, Ĩndĩ ũnyivĩwe nĩ kyaũ wĩ kũũ kwakwa, atĩ, sisya, nũkwenda ũsyoka nthĩ yaku mwene? Na asũngĩa, Ti kĩndũ; ĩndĩ ndeka nĩthi.
23
Na Ngai amũkĩlĩlya nthũ ĩngĩ, Lesoni mwana wa Eliata, ũla wakĩĩte kuma kwa mwĩaĩi wake Atateseli mũsumbĩ wa Sova.
24
Na eeyũmbanĩsya andũ, na atw’ĩka kavuteni wa nguthu, yĩla Ndaviti woaie ala ma Sova: na mathi Ndamasiku, na matũa kw’o, na masumbĩka ku Ndamasiku.
25
Na aĩ nthũ ya Isilaeli mĩthenya yonthe ya Solomoni, eka ũthũku ũla Aatati wekie: na athĩtha Isilaeli mũno, na asumbĩka Silia.
26
Na Yelovoamu mwana wa Nevati, ũsu Mũevalaimu wa Nzeleta, mũthũkũmi wa Solomoni, ũla syĩtwa ya inyia wake eetawa Nzelua, mũndũ mũka ndiwa, o nake amũkĩlĩlya mũsumbĩ kw’oko kwake.
27
Na kĩĩ nĩkyo kĩtumi kya kũmũkĩlĩlya mũsumbĩ kw’oko kwake: Solomoni aaka Milo, na atũngĩĩa vandũ vala vavũthũiwe ndũanĩ ya Ndaviti ĩthe wake.
28
Na mũndũ ũsu Yelovoamu aĩ ngũmbaũ nene; na Solomoni oona mwanake ũsu atĩ nĩ mũthangaau, na amwia ĩũlũ wa wĩa w’onthe wa nyũmba ya Yosevu.
29
Na kweethĩwa ĩvinda yĩu, yĩla Yelovoamu waumie Yelusaleme, mwathani Aiya Mũsilo amwĩthĩa nzĩanĩ; na ĩndĩ Aiya eevw’ĩkĩte ngũa nzaũ; na asu elĩ maĩ kĩsesinĩ me oka.
30
Na Aiya akwata ĩla ngũa nzaũ ĩla wĩvw’ĩkĩte, na amĩtembũanga ilungu ĩkũmi na ilĩ.
31
Na amwĩa Yelovoamu, Ĩyosee ilungu ĩkũmi; nũndũ ũũ nĩw’o Yeova, Ngai wa Isilaeli, ũnũkwasya, Sisya, ngavenana ũsumbĩ kw’okonĩ kwa Solomoni, na ngakũnenga mbaĩ ĩkũmi
32
(ĩndĩ akeethĩwa na mbaĩ ĩmwe, kwondũ wa mũthũkũmi wakwa Ndaviti na kwondũ wa Yelusaleme, ndũa ĩla nĩnyuvĩte kuma mbaĩnĩ syonthe sya Isilaeli);
33
nũndũ nindiĩte, na nĩsyathaithĩte Asetolethi ngai nga ya Asitoni, na Kemosi ngai ya Moavi, na Milikomu ngai ya ana ma Amimoni; na ityaaenda nzĩanĩ syakwa, syĩkae ũla nonaa wĩ ũseo, na kũsũvĩaa myamũlo yakwa na motw’ĩo makwa, o tondũ Ndaviti ĩthe wake wekaa.
34
Ĩndĩ ndikaumya ũsumbĩ w’onthe kw’okonĩ kwake; ĩndĩ ngamũtw’ĩkĩthya mũnene wĩ mbee ũsumbĩnĩ mĩthenya yonthe ya thayũ wake, kwondũ wa Ndaviti mũthũkũmi wakwa ũla namũnyuvie, ũla wakwataa mĩao yakwa na myamũlo yakwa;
35
ĩndĩ ngaumya ũsumbĩ kw’okonĩ kwa mwana wake, na ngakũnenga, o mbaĩ ĩkũmi.
36
Na nganenga mwana wake mbaĩ ĩmwe, nĩ kana Ndaviti mũthũkũmi wakwa ethĩwe na taa mbee wakwa mavinda onthe Yelusaleme, ndũa ĩla nĩnyuvĩte kwondũ wakwa nĩkalye syĩtwa yakwa vo.
37
Na ngakwosa na ũkasumbĩka kwĩanana na w’onthe ũla ngoo yaku yendete, na ũkeethĩwa mũsumbĩ wa Isilaeli.
38
Na kũkeethĩwa, ethĩwa ũkeethukĩĩasya w’onthe ũla nĩkwĩaa, na ũkakinyaa nzĩanĩ syakwa, na kwĩkaa ũla nonaa wĩ ũseo, ũsũvĩae myamũlo yakwa na mĩao yakwa, o tondũ Ndaviti mũthũkũmi wakwa wekaa; ngeethĩawa vamwe naku, na ngakwakĩa nyũmba nũmu, o tondũ namwakĩe Ndaviti, na ngakũnenga Isilaeli.
39
Na ngathĩn’ya ũsyao wa Ndaviti kwondũ wa ũndũ ũsu, ĩndĩ ti tene na tene.
40
Kwondũ wa ũu Solomoni amantha kũmũaa Yelovoamu; ĩndĩ Yelovoamu ookĩla, na akĩa athĩ Misili, kwa Sisaki mũsumbĩ wa Misili, na ekala Misili kũvika yĩla Solomoni wakwie.
41
Na ĩndĩ meko ala angĩ ma Solomoni, na w’onthe ũla wekaa, na ũĩ wake, ti maandĩke ĩvukunĩ ya meko ma Solomoni?
42
Na ĩvinda yĩla Solomoni wasumbĩkie Isilaeli onthe ku Yelusaleme yaĩ myaka mĩongo ĩna.
43
Na Solomoni akoma na aaĩthe make na athikwa ndũanĩ ya Ndaviti ĩthe wake; na Leovoamu mwana wake asumbĩka vandũ vake.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22