bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Kings 3
1 Kings 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Na Solomoni atuma ndũũ na Valao mũsumbĩ wa Misili, na atwaa mwĩĩtu wa Valao, na amũete ndũanĩ ya Ndaviti, kũvika amina kwaka nyũmba yake mwene, na nyũmba ya Yeova, na ũvai wa Yelusaleme kũthyũlũlũkya ngalĩ syonthe.
2
Ĩndĩ andũ no mathembaa me kũla kũndũ kũtũlu, nĩkwĩthĩwa kũtyaĩ nyũmba mbake kwondũ wa syĩtwa ya Yeova kũvika mĩthenya ĩsu.
3
Na Solomoni nĩwamwendete Yeova, o akĩendelaa myamũlonĩ ya Ndaviti ĩthe wake: ate o nĩwathembaa na kũtoeeasya ũvani e kũla kũndũ kũtũlu.
4
Na mũsumbĩ aenda Ngiveoni athembee kw’o; nũndũ vo vaĩ vandũ vatũlu vanene: Solomoni nĩwathembee nthembo ngili sya kũvĩvw’a kĩthembeonĩ kyu.
5
Ku Ngiveoni Yeova amumĩlĩla Solomoni ndotoni ũtukũ; na Ngai amwĩa, Mbĩtya kĩla ũkwenda ngũnenge.
6
Na Solomoni amwĩa, Nũmwonetye mũthũkũmi waku Ndaviti ĩthe wakwa ũseo mwingĩ wĩ wendo, kwĩanana na ũndũ wakinyie mbee waku nthĩnĩ wa w’o, na ũlũngalu, na wĩanĩu wa ngoo e naku; na nĩwamwiĩe ũseo ũũ mũnene wĩ wendo, atĩ nũmũnengete mwana wa kwĩkala kĩvĩlanĩ kyake kya ũsumbĩ, o ũndũ kũilyĩ ũmũnthĩ.
7
Na yu, ame Yeova Ngai wakwa, nũtw’ĩkĩthĩtye mũthũkũmi waku mũsumbĩ vandũ va Ndaviti ĩthe wakwa: nakwa nĩ o kana kanini; ndyĩsĩ ũndũ numaala kana kũsyoka.
8
Na mũthũkũmi waku e katĩ wa andũ maku ala ũnyuvĩte, andũ aingĩ, ala matatalĩka kana kũmanyĩka ũndũ meana nũndũ wa kwingĩva.
9
Kwondũ wa ũu nenga mũthũkũmi waku ngoo yĩ ũmanyi wa kũsilan’ya andũ maku, nĩ kana nĩvathũkanasye ũseo na ũthũku; nũndũ nũũ ũtonya kũsilan’ya andũ aa maku maingĩvĩte ũu?
10
Na ndeto isu syamwendeesya Mwĩaĩi, nũndũ Solomoni nĩwetya ũndũ ũsu.
11
Na Ngai amwĩa, Nĩkwĩthĩwa nĩweetya ũndũ ũsu, na ndũneyĩtĩsya kwĩkala matukũ maingĩ, o na ndũneyĩtĩsya ũthwii, o na ndũnetya mathayũ ma amaitha maku, ĩndĩ nĩweeyĩtĩsya ũmanyi wa kũmanya ũsili wa katĩ;
12
sisya, nĩneeka kwĩanana na ndeto yaku: sisya, nĩnakũnenga ngoo yĩ na ũĩ na ũmanyi; o ũndũ kũtaĩ ũngĩ taku mbee waku, o na ĩtina waku kũtikethĩwa ũngĩ taku.
13
O na nĩnakũnenga kĩla ũtanetya, ũthwii o na ndaĩa, o ũndũ kũtakethĩwa ũmwe katĩ wa asumbĩ ũilyĩ taku, mĩthenya yaku yonthe.
14
Na ethĩwa ũkakinyaa nzĩanĩ syakwa, ũsũvĩae myamũlo yakwa na mĩao yakwa, o tondũ ĩthe waku Ndaviti waendaa, nĩvo ĩndĩ ngaingĩvya mĩthenya yaku.
15
Na Solomoni aamũka; na kaĩ, yĩĩ ndoto: na ooka Yelusaleme, na aũngama mbee wa ĩsandũkũ ya ũtianĩo ya Yeova, na athemba nthembo sya kũvĩvw’a, na athemba nthembo sya mũuo, na amavokea athũkũmi make onthe mboka.
16
Na ĩndĩ aka elĩ malwaya mamũkĩa mũsumbĩ, na maũngama mbee wake.
17
Na mũndũ mũka ũmwe amwĩa, Ame, mwĩaĩi wakwa, nyie na mũndũ mũka ũũ nĩtwĩkalaa nyũmbanĩ ĩmwe; na nasyaa kana nĩ o vamwe nake nyũmbanĩ.
18
Na kweethĩwa mĩthenya ĩtatũ ĩtina wa nasyaa, mũndũ mũka ũũ nake asyaa; na twaĩ vamwe; vatyaĩ mũeni vamwe naitũ nyũmbanĩ, ate o ithyĩ elĩ nyũmbanĩ.
19
Na kana ka mũndũ mũka ũũ kakw’a ũtukũ, nũndũ nĩwakakomee.
20
Na ookĩla ũtukũ katĩ, na oosa kana kakwa ke ũtee wakwa, yĩla mũthũkũmi waku mwĩĩtu eĩkomete, na akaia kĩthũinĩ kyake, na aia kana kake kala kakw’ũ kĩthũinĩ kyakwa.
21
Na yĩla nũkĩlile kĩoko nongye kana kakwa, sisya, nĩ kakw’ũ; ĩndĩ yĩla nĩkekuũie kwakya, kaĩ, ti kana kakwa, kala nasyaie.
22
Na mũndũ mũka ũla ũngĩ asya, Aiee; ĩndĩ kala ke thayũ nĩ kana kakwa, na kala kakw’ũ nĩ kana kaku. Na ũsu asya Aiee; ĩndĩ kala kakw’ũ nĩ kana kaku, na kala ke thayũ nĩ kana kakwa. Ũu nĩw’o maneenanĩsye mbee wa mũsumbĩ.
23
Nĩvo ĩndĩ mũsumbĩ waisye, Ũmwe nũnũkwasya, Kaa nĩ kana kakwa kala ke thayũ, na kana kaku nĩ kala kakw’ũ: na ũla ũngĩ nũnũkwasya, Aiee; ĩndĩ kana kaku nĩ kala kakw’ũ, na kana kakwa nĩ kala ke thayũ.
24
Na mũsumbĩ asya, Ndeteei ũvyũ. Na maete ũvyũ vala ve mũsumbĩ.
25
Na mũsumbĩ asya, Atũanĩlyai katĩ kana kala ke thayũ, na nengai ũmwe nyunzu, na ũla ũngĩ nyunzu.
26
Na ĩndĩ mũndũ mũka ũla kana kake ke thayũ aneena na mũsumbĩ, nũndũ ngoo yake yeew’ĩe kana kake ĩnee, na asya, Ame, mwĩaĩi wakwa, mũnenge kana kala ke thayũ, na ndũkakoae nongi. Ĩndĩ ũla ũngĩ asya, Katikethĩwa kakwa kana kaku; katũanw’e.
27
Na ĩndĩ mũsumbĩ asũngĩa asya, Mũnengei kana kala ke thayũ, na mũtikakoae nongi: nĩwe inyia wako.
28
Na Isilaeli onthe meew’a sila ũla mũsumbĩ wasilile; na mamũkĩa mũsumbĩ: nũndũ nĩmoonie ũĩ wa Ngai waĩ nthĩnĩ wake, asilae katĩ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22